完整藏文原文 · 德格版页 当前仅加载第 62 函德格 224a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་ཚེ་དང་ལྡན་པ་ཤཱ་རིའི་བུའི་སེམས་ཀྱི་རྟོག་པ་མཁྱེན་ནས་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རིའི་བུ་དེ་བཞིན་གཤེགས་པ་དུས་མཁྱེན་ཏེ། ཁྱོད་ལ་བཀའ་སྩོལ་གྱིས་སྡོད་ཅིག །དེས་བཅོམ་ལྡན་འདས་ཀྱིས་ལྷུང་བཟེད་དེ་ས་ཆེན་པོའི་ནང་དུ་བཏང་བ་
D216.062.0224a01.01དང་། བཏང་མ་ཐག་ཏུ་འོག་གི་ཕྱོགས་ཀྱི་སངས་རྒྱས་ཀྱི་ཞིང་གང་དང་གང་དག་ན་སངས་རྒྱས་བཅོམ་ལྡན་འདས་རྣམས་བཞུགས་ཤིང་འཚོ་གཞེས་པའི་ཡང་དག་པར་རྫོགས་པའི་སངས་རྒྱས་དེ་དག་གི་སྤྱན་སྔར་ལྷུང་བཟེད་དེ་སོང་ངོ་། །དེ་ནས་ལྷུང་བཟེད་དེ་འོག་གི་ཕྱོགས་ཀྱི་ཆ་སངས་རྒྱས་ཀྱི་ཞིང་གང་གཱའི་
D216.062.0224a02.01ཀླུང་གི་བྱེ་མ་སྙེད་འདས་ནས་འཇིག་རྟེན་གྱི་ཁམས་སྣང་བ་དང་ལྡན་པ་ཞེས་བྱ་བ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་ཟེར་གྱི་རྒྱལ་པོ་ཞེས་བྱ་བ་བཞུགས་པའི་སངས་རྒྱས་ཀྱི་ཞིང་དེ་ན་ལྷུང་བཟེད་དེ་མ་བཟུང་བར་བར་སྣང་ལ་འདུག་པར་གྱུར་ཏོ། །སངས་
D216.062.0224a03.01རྒྱས་བཅོམ་ལྡན་འདས་དེ་དག་ལ་ཡང་བདག་བདག་གི་བསྙེན་བཀུར་བྱེད་པ་དག་གིས་བཅོམ་ལྡན་འདས་ལྷུང་བཟེད་འདི་ག་ལས་མཆིས་ཞེས་ཞུས་ནས་སངས་རྒྱས་བཅོམ་ལྡན་འདས་དེ་དག་གིས་ཀྱང་སྟེང་གི་ཕྱོགས་ཀྱི་ཆ་འཇིག་རྟེན་གྱི་ཁམས་མི་མཇེད་ཅེས་བྱ་བ་ནས་བཅོམ་ལྡན་
D216.062.0224a04.01འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པའི་དྲུང་ནས་འོངས་ཏེ། བྱང་ཆུབ་སེམས་དཔའ་གཞན་དག་གདུལ་བའི་ཕྱིར་བཏང་བ་ཡིན་ནོ་ཞེས་བསྟན་ཏོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་བཀའ་སྩལ་པ། ཤཱ་
D216.062.0224a05.01རིའི་བུ་ལྷུང་བཟེད་དེ་ཕྱུང་ཤིག །གང་ན་འདུག་པ་ག་ལ་ན་འདུག་པ་དེའང་ཚོལ་ཅིག །དེ་ནས་ཚེ་དང་ལྡན་པ་ཤཱ་རིའི་བུ་ཏིང་ངེ་འཛིན་སྟོང་ཕྲག་བཅུ་ལ་ཞུགས་ནས། བདག་གི་ཤེས་རབ་ཀྱི་སྟོབས་དང་། སངས་རྒྱས་ཀྱི་མཐུས་སངས་རྒྱས་ཀྱི་ཞིང་སྟོང་ཕྲག་བཅུར་སོང་ཡང་ལྷུང་བཟེད་དེའི་
D216.062.0224a06.01གནས་སམ་གཞི་ཡང་མ་མཐོང་ནས་དེ་སླར་བཅོམ་ལྡན་འདས་ཀྱི་སྤྱན་སྔར་འདུག་གོ། །འདུག་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ལྷུང་བཟེད་དེའི་གནས་སམ་གཞི་ཡང་མ་མཐོང་ངོ་། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་མཽང་གལ་གྱི་བུ་ཆེན་པོ་ལ་འདི་
D216.062.0224a07.01