完整藏文原文 · 德格版页 当前仅加载第 62 函德格 217b 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །བྱང་ཆུབ་སེམས་དཔའ་བདུད་ཀྱི་ལྟ་བ་ཡང་དག་པར་འཇོམས་པས་སྨྲས་པ། རིགས་ཀྱི་བུ་བདག་ཏུ་ལྟ་བ་ནི་བདག་ཏུ་ལྟ་བ་ལས་ལྡང་ཞིང་བྱུང་བ་ཡིན། བདུད་ཀྱི་ལས་ནི་ལྟ་བ་ལས་ལྡང་ཞིང་བྱུང་བ་སྟེ། བདག་ཏུ་ལྟ་བ་ཡོངས་སུ་ཤེས་ན་ལྟ་བ་འབྱུང་བར་མི་བྱེད་དོ། །ལྟ་བ་ཡོངས་སུ་ཤེས་ན་ཕུང་
D216.062.0217b01.01པོ་འབྱུང་བར་མི་བྱེད་དོ། །ཕུང་པོ་ཡོངས་སུ་ཤེས་ན་བདུད་མི་མཐོང་ངོ་། །བདུད་ཀྱི་ཡུལ་ལས་འདའ་བར་བྱ་བའི་ཕྱིར་སྒྲིབ་པ་མེད་པའི་རྣམ་པར་ཐར་པ་ལ་རེག་པར་འགྱུར་རོ། །བྱང་ཆུབ་སེམས་དཔའ་སྒྲིབ་པ་མེད་པའི་རྣམ་པར་ཐར་པ་ཐོབ་ན་ཐམས་ཅད་མཁྱེན་པ་རྟོགས་སོ། །བྱང་ཆུབ་
D216.062.0217b02.01སེམས་དཔའ་མྱ་ངན་མེད་སྦྱིན་གྱིས་སྨྲས་པ། ལས་ཉེས་པ་བྱེད་པ་ནི་ཕྱིས་འགྱོད་པར་འགྱུར། ལས་ལེགས་པར་བྱེད་པ་ནི་ཕྱིས་མྱ་ངན་བྱེད་པར་མི་འགྱུར་རོ། །དེ་བས་ན་བྱང་ཆུབ་སེམས་དཔས་ལས་ལེགས་པ་བྱེད་པ། ལས་མི་སྨད་པ་བྱེད་པ། ལས་མི་འགྱོད་པ་བྱེད་པ། ལས་
D216.062.0217b03.01ཁ་ན་མ་ཐོ་བ་མེད་པ་བྱེད་པར་བྱའོ། །སེམས་ཅན་མྱ་ངན་གྱི་ཟུག་རྔུས་ཟུག་པ་རྣམས་ཀྱང་མྱ་ངན་ཞི་བར་བྱ་བ་དང་། ཟུག་རྔུ་དང་བྲལ་བར་བྱ་བའི་ཕྱིར་ཆོས་བཤད་པར་བྱ་སྟེ། དེ་ལྟར་སྤྱོད་པའི་བྱང་ཆུབ་སེམས་དཔའ་ནི་ཐམས་ཅད་མཁྱེན་པ་རྟོགས་སོ། །བྱང་ཆུབ་སེམས་དཔའ་དོན་
D216.062.0217b04.01ཐམས་ཅད་གྲུབ་པས་སྨྲས་པ། རིགས་ཀྱི་བུ་དག་སྐྱེས་བུ་གང་ཟག་ཚུལ་ཁྲིམས་དང་ལྡན་པའི་སེམས་ཀྱི་སྨོན་པ་འགྲུབ། སྨོན་ལམ་འགྲུབ་པར་འགྱུར་ལ། ཚུལ་ཁྲིམས་ཀྱི་རྩ་བ་ལ་ཡང་བག་བྱེད་པ་རྟེན། བག་བྱེད་པའི་རྩ་བ་ལ་ཡང་བྱང་ཆུབ་ཀྱི་ཕྱོགས་ཀྱི་ཆོས་རྣམས་རྟེན།
D216.062.0217b05.01བྱང་ཆུབ་ཀྱི་ཕྱོགས་ཀྱི་ཆོས་ཀྱི་རྩ་བ་ལ་ཡང་ཐམས་ཅད་མཁྱེན་པ་རྟེན་ཏོ། །དེ་བས་ན་བྱང་ཆུབ་སེམས་དཔའ་བག་བྱེད་པ་དང་། བྱང་ཆུབ་ཀྱི་ཕྱོགས་ཀྱི་ཆོས་ལ་རྟེན་པ་ནི་ཐམས་ཅད་མཁྱེན་པ་རྟོགས་སོ། །ལྷའི་བུ་ཀུན་ནས་མེ་ཏོག་གིས་སྨྲས་པ། རིགས་ཀྱི་བུ་དག་འདི་ལྟ་སྟེ།
D216.062.0217b06.01དཔེར་ན་ཤིང་མེ་ཏོག་གིས་བརྒྱན་པ་ནི་འགྲོ་བ་མང་པོའི་ཉེ་བར་འཚོ་བ་ཡིན་ནོ། །རིགས་ཀྱི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པར་ཐར་པའི་ཆོས་ཀྱི་མེ་ཏོག་རྒྱས་པ་ནི་འགྲོ་བ་མང་པོའི་ཉེ་བར་འཚོ་བ་ཡིན་ནོ། །རིགས་ཀྱི་བུ་དག་འདི་ལྟ་སྟེ། དཔེར་
D216.062.0217b07.01