完整藏文原文 · 德格版页 当前仅加载第 62 函德格 255b 版页；藏文 NFD、目录标记与异常页序保留在来源切片中，重复版页行以稳定序号区分。
རས་ཟུང་གཅིག་པོ་དེ་ཕུལ་ཅིག་ཅེས་དེ་སྐད་ཀྱི་སྒྲ་ཡང་ཐོས་པར་གྱུར་ནས། དེ་འདི་སྙམ་དུ་སེམས་ཏེ། གང་བདག་གིས་རས་ཟུང་གཅིག་པོ་འདི་བཙུན་མོ་དམ་པ་ལ་སྦྱིན་ནོ་སྙམ་སྟེ་དེ་སོང་བ་དང་། དེ་ཡང་མ་མཐོང་ནས་དེ་འདི་སྙམ་དུ་སེམས་ཏེ་བདག་གིས་བུད་མེད་གཞན་དག་ལ་སྦྱིན་ནོ་
D216.062.0255b01.01སྙམ་པ་དང་། དེས་བུད་མེད་ཀྱི་གཡོག་ཐམས་ཅད་མ་མཐོང་བར་གྱུར་ཏེ། དེ་ལ་འདི་འདྲ་བའི་ཏིང་ངེ་འཛིན་མངོན་དུ་གྱུར་ནས་དེ་ལྟར་དེ་མིག་གིས་ཀྱང་གཟུགས་{ཆུང་ཟད་,ཅུང་ཟད་}ཀྱང་མ་མཐོང་ཞིང་སྣང་བ་མེད་དེ་སྐྱེས་པ་མི་མཐོང་། བུད་མེད་མི་མཐོང་། ཁྱེའུ་མི་མཐོང་། བུ་མོ་མི་མཐོང་།
D216.062.0255b02.01རྩིག་པ་མི་མཐོང་། ཤིང་མི་མཐོང་སྟེ། གཞན་དུ་ན་བདག་གི་ལུས་ཀྱི་འདུ་ཤེས་འབའ་ཞིག་འཇུག་གོ། །རྒྱལ་པོ་ཆེན་པོ་གང་གི་ལུས་མཐོང་བ་དེ་ལ་རས་ཟུང་གཅིག་པོ་དེ་ཕུལ་ཅིག་ཅེས་དེ་སྐད་ཀྱི་སྒྲ་ཡང་ཐོས་པར་གྱུར་ནས་དེ་འདི་སྙམ་དུ་སེམས་ཏེ། བདག་རང་ཉིད་བགོའོ་སྙམ་པ་དང་།
D216.062.0255b03.01དེ་ནས་བདག་གི་ལུས་ཀྱང་མ་མཐོང་སྟེ། དེ་གཟུགས་ཀྱི་འདུ་ཤེས་ཐམས་ཅད་དང་བྲལ་ནས་རྒྱལ་པོ་ཆེན་པོ་ཇི་ལྟར་རགས་པ་ཡང་རུང་། ཕྲ་མོ་ཡང་རུང་། གཟུགས་{ཆུང་ཟད་,ཅུང་ཟད་}ཀྱང་མ་མཐོང་བ་དེ་བཞིན་དུ་ཁྱོད་ཀྱི་འགྱོད་པ་ལ་ལྟོས་ཤིག །ཁྱོད་ཀྱི་འགྱོད་པ་ཇི་ལྟར་མཐོང་བ་དེ་
D216.062.0255b04.01བཞིན་དུ་ཆོས་ཐམས་ཅད་ལ་ལྟོས་ཤིག །གང་གིས་མཐོང་བ་དེ་ལ་ཡང་དེ་བཞིན་དུ་ལྟོས་ཤིག །ཇི་ལྟར་གང་མཐོང་བ་དང་། གང་གིས་མཐོང་བ་དེ་མི་མཐོང་བ་དང་། རྣམ་པར་མི་མཐོང་བ་དེ་ལྟར་ལྟོས་ཤིག །རྒྱལ་པོ་ཆེན་པོ་དེ་ནི་ཆོས་ཐམས་ཅད་ལ་ཡང་དག་པར་
D216.062.0255b05.01མཐོང་བ་སྟེ། རྒྱལ་པོ་ཆེན་པོ་མ་མཐོང་བ་ནི་ཡང་དག་པར་མཐོང་བའོ།། །།བམ་པོ་ལྔ་པ་སྟེ་ཐ་མ། དེ་ནས་རྒྱལ་པོ་མ་སྐྱེས་དགྲ་འདུ་ཤེས་དད་སེམས་པའི་རྣམ་པར་རྟོག་པ་ཐམས་ཅད་དང་བྲལ་ནས་ཏིང་ངེ་འཛིན་དེ་ལས་ལངས་མ་ཐག་ཏུ་འཁོར་དེ་དང་།
D216.062.0255b06.01བདག་གི་ལུས་དང་། བདག་གི་ཁང་པ་དང་། བདག་གི་གཡོག་སྔ་མཁོ་བཞིན་དུ་མཐོང་ནས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་གསོལ་ཏོ། །འཇམ་དཔལ་བདག་གིས་འཁོར་འདི་སྔར་མ་མཐོང་ན་གར་མཆིས་པར་གྱུར། འཇམ་དཔལ་གྱིས་སྨྲས་
D216.062.0255b07.01