完整藏文原文 · 德格版页 当前仅加载第 62 函德格 248b 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་གྱི་ཁམས་རྟག་ཏུ་སྒྲ་བསྒྲགས་དེ་ནས་ལྷུང་བཟེད་དེ་དག་བྱང་ཆུབ་སེམས་དཔའ་དེ་དག་གི་བྱིན་གྱི་རླབས་དང་། དེ་བཞིན་གཤེགས་པ་དེའི་སྔོན་གྱི་སྨོན་ལམ་གྱིས་སྟེང་གི་བར་སྣང་ལས་སོང་སྟེ། མཚོ་མ་དྲོས་པ་ཆེན་པོར་བབས་ཏེ། དེ་དག་ཆུ་
D216.062.0248b01.01ཡན་ལག་བརྒྱད་དང་ལྡན་པས་བཀྲུས་ནས། མེ་ཏོག་པད་མའི་འདབ་མའི་སྟེང་དུ་བཞག་སྟེ། ཀླུའི་བུ་མོ་བརྒྱད་ཁྲི་ཉིས་སྟོང་གིས་ཁྱེར་ནས། བྱང་ཆུབ་སེམས་དཔའ་དེ་དག་ལ་ཕུལ་ལོ། །དེ་ནས་རྒྱལ་པོ་མ་སྐྱེས་དགྲ་ཤིན་ཏུ་ཆེར་དགའ་མགུ་
D216.062.0248b02.01རངས་རབ་ཏུ་དགའ་ཞིང་དགའ་བ་དང་ཡིད་བདེ་བ་སྐྱེས་ནས། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ཞིང་འདུག་པར་གྱུར་པ་དང་། འཇམ་དཔལ་གྱིས་སྨྲས་པ། རྒྱལ་པོ་ཆེན་པོ་མཆོད་སྟོན་དྲོངས་ཤིག །དེའི་དུས་ལ་བབ་པར་ཤེས་
D216.062.0248b03.01པར་གྱིས་ཤིག །དེ་ནས་རྒྱལ་པོ་མ་སྐྱེས་དགྲས་མཆོད་སྟོན་ཇི་ལྟར་སྦྱར་བ་རྣམས་དྲངས་ཏེ། བཟའ་བའམ། བཅའ་བའམ། བལྡག་པ་གང་དང་གང་དྲངས་པ་དེ་དང་དེ་གཞོན་པའི་མཐའི་བར་དུ་ཟད་མི་ཤེས་པར་གྱུར་ཏོ། །དེ་ལྟ་སྟེ། རྒྱལ་
D216.062.0248b04.01པོ་མ་སྐྱེས་དགྲས་ལྔ་བརྒྱ་པའི་མཆོད་སྟོན་སྦྱར་བ་དེ་ལས། བྱང་ཆུབ་སེམས་དཔའ་བརྒྱད་ཁྲི་ཉིས་སྟོང་པོ་དེ་དག་དང་། ཉན་ཐོས་ལྔ་བརྒྱ་ཙམ་དེ་དག་ཆོག་པར་བྱས་ཀྱང་། མཆོད་སྟོན་དེ་ཡོངས་སུ་ཟད་ཅིང་གཏུགས་པར་མ་གྱུར་ཏོ། །དེ་ནས་རྒྱལ་པོ་
D216.062.0248b05.01མ་སྐྱེས་དགྲས་གསོལ་པ། འཇམ་དཔལ་མཆོད་སྟོན་འདི་མ་བྱས་པ་ངོ་མཚར་ཏོ། །འཇམ་དཔལ་གྱིས་སྨྲས་པ། རྒྱལ་པོ་ཆེན་པོ་ཇི་ལྟར་འགྱོད་པ་ངན་པ་དེ་མི་ཟད་པ་དེ་བཞིན་དུ་མཆོད་སྟོན་འདི་མི་ཟད་དོ། །དེ་ནས་བྱང་ཆུབ་སེམས་དཔའ་སེམས་དཔའ་
D216.062.0248b06.01ཆེན་པོ་དེ་དག་གིས་ཟས་ཟོས་ནས་ལྷུང་བཟེད་རྣམས་ནམ་མཁའ་ལ་འཕངས་པ་དང་། དེ་དག་མ་བཟུང་བཞིན་དུ་བར་སྣང་ལ་འདུག་པར་གྱུར་ཏེ་མ་ལྷུང་ངོ་། །དེ་ནས་རྒྱལ་པོས་གསོལ་པ། འཇམ་དཔལ་ལྷུང་བཟེད་འདི་དག་ཅི་ལ་གནས། སྨྲས་པ། རྒྱལ་པོ་ཆེན་པོ་ཁྱོད་ཀྱི་འགྱོད་པ་ངན་པ་
D216.062.0248b07.01