完整藏文原文 · 德格版页 当前仅加载第 62 函德格 240a 版页；藏文 NFD、目录标记与异常页序保留在来源切片中，重复版页行以稳定序号区分。
གཟུངས་ལ་གནས་པ་ཡང་ཆགས་པར་ཡང་མི་བྱེད། ཞེ་སྡང་བར་ཡང་མི་བྱེད། ཁེངས་པར་ཡང་མི་བྱེད། དུད་པར་ཡང་མི་བྱེད་དོ། །རིགས་ཀྱི་བུ་དག་འདི་ལྟ་སྟེ། དཔེར་ན་ས་ནི་ཆར་པའི་རྒྱུན་ཐམས་ཅད་ལེན་ཏེ། ཆོག་མི་ཤེས་པར་བྱེད་དོ། །རིགས་
D216.062.0240a01.01ཀྱི་བུ་དག་དེ་བཞིན་དུ་བྱང་ཆུབ་སེམས་དཔའ་གཟུངས་ལ་གནས་པ་ཡང་སངས་རྒྱས་རྣམས་དང་། བྱང་ཆུབ་སེམས་དཔའ་དག་དང་། ཡང་དག་པར་སོང་བ་དག་དང་། ཡང་དག་པར་ཞུགས་པ་དག་ལ་ཆོས་ཐམས་ཅད་ཉན་ན་ཡང་ཆོག་མི་ཤེས། འཆད་ན་ཡང་ཆོག་མི་ཤེས་སོ། །
D216.062.0240a02.01རིགས་ཀྱི་བུ་དག་འདི་ལྟ་སྟེ། དཔེར་ན་ས་ནི་ས་བོན་ཐམས་ཅད་འཛིན་མོད་ཀྱི། དུས་ལ་མ་བབ་དྲོད་ལ་མ་བབ་པར་ལྗང་བུ་མི་སྐྱེད་དོ། །རིགས་ཀྱི་བུ་དག་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་གཟུངས་ཐོབ་པ་ཡང་དགེ་བའི་རྩ་བའི་ས་བོན་ཐམས་ཅད་འཛིན་མོད་
D216.062.0240a03.01ཀྱི། དུས་མ་ཡིན། ཚོད་མ་ཡིན་ཞིང་སངས་རྒྱས་ཀྱི་ཆོས་ཡོངས་སུ་མ་རྫོགས་པར་བྱང་ཆུབ་ཀྱི་སྙིང་པོ་ལ་མི་འདུག་གོ། །རིགས་ཀྱི་བུ་དག་འདི་ལྟ་སྟེ། དཔེར་ན་དཔའ་བོ་ནི་ས་ལ་གནས་ན་ཕ་རོལ་གྱི་སྡེ་ཐམས་ཅད་ལས་རྒྱལ་བར་བྱེད་དོ། །རིགས་ཀྱི་བུ་དག་དེ་བཞིན་དུ་བྱང་
D216.062.0240a04.01ཆུབ་སེམས་དཔའ་སེམས་དཔའ་ཆེན་པོ་གཟུངས་ཐོབ་པ་ཡང་བྱང་ཆུབ་ཀྱི་སྙིང་པོ་ལ་འདུག་ན་བདུད་ཀྱི་སྡེ་ཐམས་ཅད་ལས་རྒྱལ་བར་བྱེད་དོ། །རིགས་ཀྱི་བུ་དག་འདི་ལྟ་སྟེ། དཔེར་ན་ས་ནི་ནམ་མཁའ་ལ་རྟག་པའམ། མི་རྟག་པའམ། བདེ་བའམ། སྡུག་བསྔལ་བའམ། སྡུག་
D216.062.0240a05.01པའམ། མི་སྡུག་པའམ། བདག་གམ། བདག་མེད་པའམ། སེམས་ཅན་ནམ། སེམས་ཅན་མེད་པའམ། སྲོག་གམ། སྲོག་མེད་པའམ། གང་ཟག་གམ། གང་ཟག་མེད་པར་མི་འཛིན་ཏོ། །རིགས་ཀྱི་བུ་དག་དེ་བཞིན་དུ་གཟུངས་ཀྱང་ཆོས་ཐམས་ཅད་མི་འཛིན་ཏོ། །དེ་
D216.062.0240a06.01ཅིའི་ཕྱིར་ཞེ་ན། རིགས་ཀྱི་བུ་གཟུངས་ནི་གཉིས་དང་བྲལ་བའི་ཕྱིར་རོ། །རིགས་ཀྱི་བུ་དག་འདི་ལྟ་སྟེ། དཔེར་ན་ས་ནི་ནམ་མཁའ་མི་འཛིན་ཏོ། །རིགས་ཀྱི་བུ་དག་དེ་བཞིན་དུ་གཟུངས་ཀྱང་ཆོས་ཐམས་ཅད་མི་འཛིན་ཏོ། །རིགས་ཀྱི་བུ་དག་འདི་ལྟ་སྟེ། དཔེར་ན་སྟོང་པ་ཉིད་ནི་ལྟ་
D216.062.0240a07.01