完整藏文原文 · 德格版页 当前仅加载第 62 函德格 220a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་མེད་པའོ། །ལུས་ཞེས་བྱ་བ་དེ་ནི་མ་བྱུང་བ་ཡང་དག་པར་མ་བྱུང་བ་སྟེ། དེ་ལ་གདགས་པ་མེད་དོ། །གང་དེ་ལ་གདགས་པ་དེ་ཡང་མ་བྱུང་བའོ། །གང་དེ་མཐོང་བ་དེའང་མ་བྱུང་བའོ། །གང་མ་བྱུང་བ་དེ་ནི་ཡང་དག་པར་མ་བྱུང་བའོ། །གང་ཡང་དག་པར་
D216.062.0220a01.01མ་བྱུང་བ་དེ་ནི་མི་ཤེས་པ་དང་མི་རྟོགས་པའོ། །གང་མི་ཤེས་པ་དང་མི་རྟོགས་པ་དེ་ནི་ཐམས་ཅད་མཁྱེན་པའོ། །བསྟན་པ་འདི་བསྟན་པའི་ཚེ་ལྷའི་བུ་ཉིས་སྟོང་གིས་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། །ལྷའི་བུ་ཁྲི་ཉིས་སྟོང་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་
D216.062.0220a02.01ཏུ་སེམས་སྐྱེས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤོབས་པའི་ཕུང་པོས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་ཚུར་སྤྱོན། དེ་བཞིན་གཤེགས་པའི་སྤྱན་སྔར་དོང་ལ། བྱང་ཆུབ་སེམས་དཔས་ཇི་ལྟ་བུར་བྱ་བ་དེ་བཞིན་
D216.062.0220a03.01གཤེགས་པ་ལ། མངོན་སུམ་དུ་ཞུའོ། །དེ་ནས་འཇམ་དཔལ་གཞོན་ནུར་གྱུར་པས་སའི་ཕྱོགས་དེ་ཉིད་དུ། བཅོམ་ལྡན་འདས་ཤཱཀྱ་ཐུབ་པའི་ཁ་དོག་དང་། དབྱིབས་དང་། ཆུ་ཞེང་འདྲ་བའི་དེ་བཞིན་གཤེགས་པ་ཞིག་མངོན་པར་སྤྲུལ་ཏོ། །དེ་ནས་འཇམ་དཔལ་གཞོན་ནུར་གྱུར་
D216.062.0220a04.01པས་བྱང་ཆུབ་སེམས་དཔའ་སེམས་དཔའ་ཆེན་པོ་སྤོབས་པའི་ཕུང་པོ་ལ་འདི་སྐད་ཅེས་སྨྲས་སོ། །རིགས་ཀྱི་བུ་བྱང་ཆུབ་སེམས་དཔས་ཇི་ལྟ་བུར་བྱ་བ་དེ་བཞིན་གཤེགས་པ་མངོན་དུ་བཞུགས་པ་འདི་ལ་ཞུས་ཤིག །དེ་ནས་སྤྲུལ་པའི་དེ་བཞིན་གཤེགས་པ་དེ་ལ་བྱང་ཆུབ་སེམས་
D216.062.0220a05.01དཔའ་སེམས་དཔའ་ཆེན་པོ་སྤོབས་པའི་ཕུང་པོས་བཅོམ་ལྡན་འདས་བྱང་ཆུབ་སེམས་དཔས་ཇི་ལྟ་བུར་བགྱི་ཞེས་དེ་སྐད་གསོལ་པ་དང་། དེས་བཀའ་སྩལ་པ། ང་ཅི་འདྲ་བ་ལྟར་བྱང་ཆུབ་སེམས་དཔས་ཀྱང་དེ་བཞིན་དུ་བྱའོ། །གསོལ་པ། འོ་ན་བཅོམ་ལྡན་འདས་ཇི་འདྲ།
D216.062.0220a06.01བཅོམ་ལྡན་འདས་དེས་བཀའ་སྩལ་པ། སྦྱིན་པ་མ་སྤྱད། ཚུལ་ཁྲིམས་མ་སྤྱད། བཟོད་པ་མ་སྤྱད། བརྩོན་འགྲུས་མ་སྤྱད། བསམ་གཏན་མ་སྤྱད། ཤེས་རབ་མ་སྤྱད། འདོད་པའི་ཁམས་སུ་མ་སྤྱད། གཟུགས་ཀྱི་ཁམས་སུ་མ་སྤྱད། གཟུགས་མེད་པའི་ཁམས་སུ་མ་སྤྱད། ལུས་ཀྱིས་མ་
D216.062.0220a07.01