完整藏文原文 · 德格版页 当前仅加载第 62 函德格 222b 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་པ་ཁོ་ན་ལགས་ན། སྐྱེས་བུ་དམ་པ་སྐྱེས་བུ་ཆེན་པོ་དེ་དག་བརྗོད་པ་སྣ་ཚོགས་ཀྱིས་སྟོན་ཀྱང་ཆོས་ཉིད་དང་ཡང་མི་འགལ་བར་བགྱིད་པ་ངོ་མཚར་ཏོ། །བཅོམ་ལྡན་འདས་སུ་ཞིག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་མི་སྐྱེ་བར་འགྱུར། བཅོམ་ལྡན་
D216.062.0222b01.01འདས་ཀྱིས་བཀའ་སྩལ་པ། ཤཱ་རིའི་བུ་བྱང་ཆུབ་སེམས་དཔའ་དག་ནི་དེ་ལྟར་མ་ཆགས་པའི་སློབ་པ་ལ་སློབ་ཅིང་མི་ཆགས་བཞིན་དུ་སྟོན་ཏེ། ཤཱ་རིའི་བུ་ས་བོན་ཇི་ལྟ་བ་བཞིན་སྐྱེད་ཀྱང་དེ་བཞིན་ནོ། །ཤཱ་རིའི་བུ་དེ་དང་འདྲ་བར་བྱང་ཆུབ་སེམས་དཔའ་རྣམས་ཀྱི་བསླབ་པ་ཇི་ལྟ་བ་དེ་
D216.062.0222b02.01བཞིན་དུ་དེ་དག་གི་ཡེ་ཤེས་སོ། །དེ་བཞིན་དུ་དེ་དག་གི་སྟོན་པའོ། །ཤཱ་རིའི་བུ་ཁྱོད་ཀྱིས་བསླབ་པ་ཇི་ལྟ་བུ་ལ་བསླབས་པ་ཁྱོད་ཀྱི་ཡེ་ཤེས་ཀྱང་དེ་བཞིན་ནོ། །སྤོབས་པ་ཡང་དེ་དང་འདྲ་བར་ཁྱོད་ཀྱིས་ཐོབ་བོ། །བྱང་ཆུབ་སེམས་དཔའ་འོད་བཀོད་པས་གསོལ་པ། བཅོམ་ལྡན་འདས་
D216.062.0222b03.01ཉན་ཐོས་ཀྱི་བསླབ་པ་ཇི་ལྟ་བུ་ལགས། བྱང་ཆུབ་སེམས་དཔའི་བསླབ་པ་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཉན་ཐོས་ཀྱི་བསླབ་པ་ནི་ཚད་ཡོད་པ། བྱང་ཆུབ་སེམས་དཔའི་བསླབ་པ་ནི་ཚད་མེད་པ་སྟེ། རིགས་ཀྱི་བུ་ཇི་ལྟར་ཉན་ཐོས་ཀྱི་
D216.062.0222b04.01བསླབ་པ་ཚད་ཡོད་ལ་ཆགས་པ་དང་བཅས་པ་དེ་བཞིན་དུ་དེའི་ཡེ་ཤེས་ཀྱང་ཚད་ཡོད་ལ་ཆགས་པ་དང་བཅས་པའོ། །རིགས་ཀྱི་བུ་ཇི་ལྟར་བྱང་ཆུབ་སེམས་དཔའི་བསླབ་པ་ཚད་མེད་ལ་ཆགས་པ་མེད་པ་དེ་བཞིན་དུ་དེའི་ཡེ་ཤེས་ཀྱང་ཚད་མེད་ལ་ཆགས་པ་མེད་པའོ། །དེ་ནས་བཅོམ་
D216.062.0222b05.01ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་འོད་བཀོད་པས་འདི་སྐད་ཅེས་གསོལ་ཏོ། །བཅོམ་ལྡན་འདས་འཁོར་འདི་ནས་སུ་ཡང་ཆོས་ཉན་པ་མི་སྤོང་བར་བགྱི་ན། སྐྱེས་བུ་དམ་པ་དེ་དག་འདིར་མཆི་བར་མཚན་མ་ཞིག་མཛད་དུ་གསོལ། དེ་ཅིའི་སླད་དུ་ཞེ་ན།
D216.062.0222b06.01འཇམ་དཔལ་གཞོན་ནུར་གྱུར་པ་ནི་ཟབ་མོ་ལ་མོས་པས་དེའི་ཆོས་བཤད་པ་ཡང་ཟབ་མོ་ལགས་སོ། །དེ་ནས་བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་འོང་བར་བྱ་བའི་ཕྱིར་མཚན་མ་མཛད་དོ། །དེ་ནས་འཇམ་དཔལ་གཞོན་ནུར་གྱུར་པ་སྐྱེས་བུ་དམ་པ་ཉི་ཤུ་རྩ་ལྔ་པོ་
D216.062.0222b07.01