完整藏文原文 · 德格版页 当前仅加载第 62 函德格 227a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་དེ་དག་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་འཇིག་རྟེན་གྱི་ཁམས་སྣང་བ་དང་ལྡན་པ་དེ་དང་། དེ་བཞིན་གཤེགས་པ་འོད་ཟེར་གྱི་རྒྱལ་པོ་དེ་བལྟ་བར་འཚལ་ལོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་ཞབས་ཀྱི་
D216.062.0227a01.01མཐིལ་འཁོར་ལོའི་རྩིབས་སྟོང་ཡོད་པ་གཉིས་ལས་འོད་ཟེར་གང་གིས་སངས་རྒྱས་ཀྱི་ཞིང་གང་གཱའི་ཀླུང་གི་བྱེ་མ་སྙེད་བདུན་ཅུ་རྩ་གཉིས་པོ་དེ་དག་ཐམས་ཅད་ལས་འདས་ཤིང་བརྟོལ་ནས་འཇིག་རྟེན་གྱི་ཁམས་སྣང་བ་དང་ལྡན་པ་དེ་ཐམས་ཅད་འོད་ཟེར་དེ་དག་གིས་ཁྱབ་པར་འགྱུར་བ་དེ་འདྲ་བའི་
D216.062.0227a02.01འོད་ཟེར་འོག་ཏུ་བཏང་ནས་བྱང་ཆུབ་སེམས་དཔའ་གང་དག་གི་ལུས་ལ་འོད་ཟེར་དེས་ཕོག་པར་གྱུར་པ་དེ་ཐམས་ཅད་ཏིང་ངེ་འཛིན་རི་རབ་ལྷུན་པོ་ལྟ་བུའི་སྒྲོན་མ་ཞེས་བྱ་བ་ཐོབ་པར་གྱུར་ཏོ། །སངས་རྒྱས་ཀྱི་ཞིང་དེ་ཡང་སངས་རྒྱས་ཀྱི་ཞིང་འདི་ནས་སྣང་བར་གྱུར་ཏོ། །སངས་རྒྱས་ཀྱི་ཞིང་
D216.062.0227a03.01འདི་ཡང་སངས་རྒྱས་ཀྱི་ཞིང་དེ་ནས་སྣང་བར་གྱུར་ཏོ། །འདི་ལྟ་སྟེ། དཔེར་ན་འཛམ་བུའི་གླིང་འདི་ནས་ཉི་མ་དང་ཟླ་བ་སྣང་བ་དེ་བཞིན་དུ་བྱང་ཆུབ་སེམས་དཔའ་དེ་དག་གིས་ཀྱང་དེ་བཞིན་གཤེགས་པ་ཤཱཀྱ་ཐུབ་པ་མཐོང་བར་གྱུར་ཏོ། །བྱང་ཆུབ་སེམས་དཔའ་འདི་དག་གིས་ཀྱང་བཅོམ་
D216.062.0227a04.01ལྡན་འདས་དེ་བཞིན་གཤེགས་པ་འོད་ཟེར་གྱི་རྒྱལ་པོ་དེ་མཐོང་བར་གྱུར་ཏོ། །འདི་ལྟ་སྟེ། དཔེར་ན་ལྷའི་བུ་དག་རི་རབ་ལྷུན་པོའི་སྤྱི་བོ་ལ་གནས་ཤིང་འཛམ་བུའི་གླིང་དུ་ལྟ་བ་དེ་བཞིན་དུ་བྱང་ཆུབ་སེམས་དཔའ་དག་འཇིག་རྟེན་གྱི་ཁམས་འདི་ནས་བཅོམ་ལྡན་འདས་དེ་བཞིན་གཤེགས་པ་
D216.062.0227a05.01འོད་ཟེར་གྱི་རྒྱལ་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་གོ་ཆ་ཆེན་པོ་བགོས་པ་དེ་དག་མཐོང་བར་གྱུར་ཏོ། །དེ་ནས་འཇམ་དཔལ་གཞོན་ནུར་གྱུར་པའི་ལག་པ་གཡས་པ་དེས་དེ་བཞིན་གཤེགས་པ་འོད་ཟེར་གྱི་རྒྱལ་པོའི་སངས་རྒྱས་ཀྱི་ཞིང་འཇིག་རྟེན་གྱི་ཁམས་སྣང་བ་དང་ལྡན་
D216.062.0227a06.01པ་དེ་ནས་ནམ་མཁའི་སྟེང་གི་ལམ་ལས་ལྷུང་བཟེད་དེ་བཟུང་ནས་བྱང་ཆུབ་སེམས་དཔའ་བྱེ་བ་ཕྲག་ཁྲག་ཁྲིག་བརྒྱ་སྟོང་དུ་མས་བསྐོར་ཅིང་མདུན་དུ་བདར་ཏེ་སྟེང་དུ་ཕྱུང་བར་གྱུར་ཏོ། །གང་དང་གང་དག་ནས་ལག་པ་དེ་ཕྱུང་བར་གྱུར་པའི་སངས་རྒྱས་ཀྱི་ཞིང་དེ་དང་དེ་དག་ཏུ་འོད་ཟེར་དེ་དག་
D216.062.0227a07.01