完整藏文原文 · 德格版页 当前仅加载第 62 函德格 248a 版页；藏文 NFD、目录标记与异常页序保留在来源切片中，重复版页行以稳定序号区分。
མི་སྣང་བར་བྱས་ཏེ། སྟེང་གི་བར་སྣང་ལས་མེ་ཏོག་གི་སེ་མོ་དོ་འཕྱང་བར་བྱས་སོ། །མེ་ཏོག་གི་སེ་མོ་དོ་དེ་ལས་ཀྱང་ཆུ་ཡན་ལག་བརྒྱད་དང་ལྡན་པ་འབྱུང་བར་བྱེད་དེ། ཆུ་དེས་ཀྱང་ཆུའི་བྱ་བ་བྱས་སོ། །དེ་བཞིན་དུ་བྱང་ཆུབ་སེམས་
D216.062.0248a01.01དཔའ་ཐམས་ཅད་སོ་སོ་དང་། དེ་བཞིན་དུ་ཉན་ཐོས་རྣམས་ཀྱི་མདུན་དུ་ཡང་། མུ་ཏིག་གི་སེ་མོ་དོ་འཕྱང་དུ་བཅུག་སྟེ། དེ་དག་གིས་ཆུའི་བྱ་བ་བྱས་སོ། །དེ་ནས་རྒྱལ་པོ་མ་སྐྱེས་དགྲ་འདི་སྙམ་དུ་གྱུར་ཏེ། བྱང་ཆུབ་སེམས་དཔའ་འདི་དག་ལ་ལྷུང་བཟེད་མི་མངའ་
D216.062.0248a02.01ན། དེ་དག་ཅི་ལས་གསོལ་བར་འགྱུར་སྙམ་མོ། །དེ་ནས་འཇམ་དཔལ་གཞོན་ནུར་གྱུར་པའི་སེམས་ཀྱིས་རྒྱལ་པོ་མ་སྐྱེས་དགྲའི་སེམས་ཀྱི་ཡོངས་སུ་རྟོག་པ་ཤེས་ནས། རྒྱལ་པོ་མ་སྐྱེས་དགྲ་ལ་འདི་སྐད་ཅེས་སྨྲས་སོ། །ཀྱེ་རྒྱལ་པོ་ཆེན་པོ་རིགས་ཀྱི་བུ་འདི་
D216.062.0248a03.01དག་ནི་ལྷུང་བཟེད་ཁྱེར་ཏེ་མི་འོང་གི །སངས་རྒྱས་ཀྱི་ཞིང་གང་དང་གང་དག་ཏུ་ཟས་ཟ་བ་དེ་དང་དེ་དག་ཏུ་འདི་དག་འཁོད་མ་ཐག་ཏུ། སྔོན་གྱི་བྱིན་གྱི་རླབས་ཀྱིས་ཟས་ཀྱི་སྔ་ལོགས་སུ་བདག་བདག་གི་སངས་རྒྱས་ཀྱི་ཞིང་ནས་ལྷུང་བཟེད་རྣམས་བར་སྣང་ལས་འོང་
D216.062.0248a04.01སྟེ་ལག་པ་ན་འདུག་པར་བྱེད་དོ། །རྒྱལ་པོས་གསོལ་པ། འཇམ་དཔལ་འོ་ན་སྐྱེས་བུ་དམ་པ་འདི་དག་སངས་རྒྱས་ཀྱི་ཞིང་གང་ནས་མཆིས། དེ་ན་དེ་བཞིན་གཤེགས་པའི་མཚན་ཅི་ལགས། འཇམ་དཔལ་གྱིས་སྨྲས་པ། རྒྱལ་པོ་ཆེན་པོ་འཇིག་
D216.062.0248a05.01རྟེན་གྱི་ཁམས་ནི་རྟག་ཏུ་སྒྲ་བསྒྲགས་ཞེས་བགྱིའོ། །དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བསྒྲགས་པའི་དཔལ་ཞེས་བྱ་བ་ད་ལྟར་བཞུགས་སོ། །འཚོའོ། །གཞེས་སོ། །ཆོས་ཀྱང་སྟོན་ཏོ། །སངས་
D216.062.0248a06.01རྒྱས་ཀྱི་ཞིང་དེ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་འདི་དག་ཁྱོད་ཀྱི་བཤོས་གསོལ་བ་དང་། ཁྱོད་ཀྱི་འགྱོད་པ་ངན་པ་དེ་མཉན་པའི་ཕྱིར་འདིར་ལྷགས་སོ། །དེ་ནས་བྱང་ཆུབ་སེམས་དཔའ་དེ་དག་གིས། སེམས་བསྐྱེད་མ་ཐག་ཏུ།
D216.062.0248a07.01