完整藏文原文 · 德格版页 当前仅加载第 62 函德格 253b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་སྟན་དེ་ལ་དེའི་ལུས་ཀྱང་མ་མཐོང་བར་གྱུར་ནས་བར་སྣང་ལས་རྒྱལ་པོ་ཆེན་པོ་གང་གི་ལུས་མཐོང་བ་དེ་ལ་ཕུལ་ཅིག་ཅེས་ཟེར་བའི་སྒྲ་ཐོས་ནས། དེ་ན་བྱང་ཆུབ་སེམས་དཔའ་ཡེ་ཤེས་དཔལ་གྱི་རྒྱལ་མཚན་གྱི་དྲུང་ན་བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་ཞི་བ་ལ་
D216.062.0253b01.01མོས་པ་ཞེས་བྱ་བ་ཞིག་འདུག་པར་གྱུར་པ་དེ་ལ་ཡང་རྒྱལ་པོས་རས་ཟུང་གཅིག་པོ་ཕུལ་བ་དང་། དེས་སྨྲས་པ། རྒྱལ་པོ་ཆེན་པོ་བདག་ནི་བདག་ཏུ་ལྟ་བ་ལས་ཀྱང་མི་ལེན། གཞན་དུ་ལྟ་བ་ལས་ཀྱང་མི་ལེན་ཏོ། །རྒྱལ་པོ་ཆེན་པོ་བདག་ནི་ཉོན་མོངས་པ་དང་བཅས་པ་ལས་
D216.062.0253b02.01ཀྱང་མི་ལེན། ཉོན་མོངས་པ་མེད་པ་ལས་ཀྱང་མི་ལེན་ཏོ། །རྒྱལ་པོ་ཆེན་པོ་བདག་ནི་སེམས་རྩེ་གཅིག་པ་ལས་ཀྱང་མི་ལེན། སེམས་གཡེངས་པ་ལས་ཀྱང་མི་ལེན། ཡེ་ཤེས་དང་ལྡན་པ་ལས་ཀྱང་མི་ལེན། ཡེ་ཤེས་དང་མི་ལྡན་པ་ལས་ཀྱང་མི་ལེན་ཏོ་ཞེས་དེ་སྐད་སྨྲས་པ་
D216.062.0253b03.01དང་། རྒྱལ་པོས་དེའི་ལུས་ལ་ཡང་གོས་དེ་ཕུལ་བ་དང་། སྟན་དེ་ལ་དེའི་ལུས་ཀྱང་མ་མཐོང་ནས་བར་སྣང་ལས་རྒྱལ་པོ་ཆེན་པོ་གང་གི་ལུས་མཐོང་བ་དེ་ལ་ཕུལ་ཅིག་ཅེས་ཟེར་བའི་སྒྲ་ཐོས་ནས། དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་ཞི་བ་ལ་མོས་པའི་དྲུང་
D216.062.0253b04.01ན་བྱང་ཆུབ་སེམས་དཔའ་སེམས་དཔའ་ཆེན་པོ་མི་གཡོ་བ་ཡིད་ལ་བྱེད་ཅེས་བྱ་བ་ཞིག་འདུག་པར་གྱུར་པ་དེ་ལ་རྒྱལ་པོས་གོས་དེ་ཕུལ་པ་དང་། དེས་ཀྱང་སྨྲས་པ། རྒྱལ་པོ་ཆེན་པོ་བདག་ནི་ལུས་ལ་གནས་པ་ལས་ཀྱང་མི་ལེན། ངག་ལ་གནས་པ་ལས་ཀྱང་མི་ལེན།
D216.062.0253b05.01སེམས་ལ་གནས་པ་ལས་ཀྱང་མི་ལེན། དོན་ལ་གནས་པ་ལས་ཀྱང་མི་ལེན། ཕུང་པོ་ལ་གནས་པ་ལས་ཀྱང་མི་ལེན། ཁམས་ལ་གནས་པ་ལས་ཀྱང་མི་ལེན། སྐྱེ་མཆེད་ལ་གནས་པ་ལས་ཀྱང་མི་ལེན། སེམས་ལ་གནས་པ་ལས་ཀྱང་མི་ལེན། སངས་རྒྱས་ཀྱི་
D216.062.0253b06.01ཡོན་ཏན་ལ་གནས་པ་ལས་ཀྱང་མི་ལེན་ཏོ། །དེ་ཅིའི་ཕྱིར་ཞེ་ན། རྒྱལ་པོ་ཆེན་པོ་ཆོས་ཐམས་ཅད་ནི་རབ་ཏུ་མི་གཡོ་བའི་ཚུལ་གྱིས་མི་གནས་པའོ། །དེའི་ལུས་ལ་ཡང་རྒྱལ་པོས་གོས་དེ་ཕུལ་བ་དང་། དེའི་ལུས་ཀྱང་མི་སྣང་བར་གྱུར་ནས་བར་སྣང་ལས། རྒྱལ་པོ་
D216.062.0253b07.01