完整藏文原文 · 德格版页 当前仅加载第 62 函德格 245a 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །འཇམ་དཔལ་གཞོན་ནུར་གྱུར་པས་ཏིང་ངེ་འཛིན་དེ་ལ་སྙོམས་པར་ཞུགས་མ་ཐག་ཏུ་དེ་ནས་གཙུག་ལག་ཁང་དེའི་སྒོ་ནས་བཟུང་སྟེ། གྲོང་ཁྱེར་གྱི་སྒོའི་བར་དུ་དེའི་བར་གྱི་ལམ་ཐམས་ཅད་ལག་མཐིལ་བཞིན་དུ་མཉམ་པར་གྱུར་ཏོ། །རིན་པོ་ཆེ་དུ་མ་ནི་
D216.062.0245a01.01བསྩགས། རིན་པོ་ཆེ་དུ་མས་ནི་སྤྲས། རིན་པོ་ཆེའི་སྟེགས་བུས་ནི་བསྐོར། ཞེང་དུ་ཤིང་རྟ་བདུན་ཙམ་དུ་མེ་ཏོག་པད་མ་དམར་པོ་དང་། ཀུ་མུ་ད་དང་། པུན་ད་རཱི་ཀས་ནི་གང་། སྟེང་ནས་ནི་རིན་པོ་ཆེའི་དྲ་བས་གཡོགས། དར་གྱི་ལྡ་ལྡི་མང་པོ་ནི་བྲེས། གདུགས་དང་།
D216.062.0245a02.01རྒྱལ་མཚན་དང་། བ་དན་དང་། རུ་མཚོན་ནི་བསྒྲེང་བར་གྱུར་ཏོ། །རིན་པོ་ཆེའི་སྟེགས་བུ་གཉིས་ཀྱི་གཡས་གཡོན་དུ་མདའ་རྒྱང་རེ་རེ་ཙམ་ན་རིན་པོ་ཆེའི་ཤིང་ཡོད་པར་གྱུར་ཏོ། །རིན་པོ་ཆེའི་ཤིང་ཐམས་ཅད་ལས་རིན་པོ་ཆེའི་ཤིང་གཉིས་པ། རིན་པོ་ཆེའི་སྲད་བུས་སྦྲེལ་
D216.062.0245a03.01བར་གྱུར་ཏོ། །རིན་པོ་ཆེའི་ཤིང་རེ་རེ་ལས་ཀྱང་གང་དྲི་བྱུང་བར་གྱུར་པའི་དྲི་དེས་ནི་དཔག་ཚད་གཅིག་ཁོ་ར་ཁོར་ཡུག་ཏུ་ཁྱབ་པར་གྱུར་ཏོ། །རིན་པོ་ཆེའི་ཤིང་གཉིས་ཀྱི་བར་ན་རྫིང་བུ་སྤྲུལ་པར་གྱུར་ཏེ། གསེར་གྱི་བྱེ་མ་ནི་བཀྲམ། རིན་པོ་ཆེའི་སྟེགས་བུས་ནི་བསྐོར། ནོར་བུ་བཻ་
D216.062.0245a04.01དཱུརྱའི་སྐས་ནི་ཟུག །མེ་ཏོག་ཨུད་པ་ལ་དང་། པད་མ་དང་། ཀུ་མུ་ད་དང་། པུན་ད་རཱི་ཀས་ནི་བཀབ། བྱ་ངུར་པ་ནི་སྐད་འབྱིན། ཆུ་ཡན་ལག་བརྒྱད་དང་ལྡན་པས་ནི་ཡོངས་སུ་གང་བར་གྱུར་ཏོ། །ཤིང་ཐམས་ཅད་ལ་རིན་པོ་ཆེ་དང་གསེར་གྱི་དྲ་བ་ནི་བྲེས་པར་གྱུར་
D216.062.0245a05.01ཏོ། །རིན་པོ་ཆེའི་ཤིང་ཐམས་ཅད་ཀྱི་བར་ན་རིན་པོ་ཆེའི་པོག་ཕོར་ནས་སྤོས་ཀྱིས་ནི་བདུགས་པར་གྱུར་ཏོ། །རིན་པོ་ཆེའི་ཤིང་ཐམས་ཅད་ཀྱི་དྲུང་ན་ལྷའི་བུ་མོ་ཉི་ཤུ་རྩ་ལྔ་ལྔ་སྤྲུལ་ཡོད་པ་ནས་བྱུང་བའི་ཙན་དན་གྱི་སྙིང་པོའི་ཕྱེ་མ་ཐོགས་ཏེ་འདུག་པར་གྱུར་ཏོ། །འཇམ་དཔལ་
D216.062.0245a06.01གཞོན་ནུར་གྱུར་པས་ཏིང་ངེ་འཛིན་དེ་ལ་སྙོམས་པར་ཞུགས་མ་ཐག་ཏུ་དེ་ནས་དེའི་ཚེ་ངོ་མཚར་དང་རྨད་དུ་བྱུང་བ་འདི་དག་དང་གཞན་དག་ཀྱང་སྣང་ངོ་། །དེ་ནས་འཇམ་དཔལ་གཞོན་ནུར་གྱུར་པས་ཤམ་ཐབས་བགོས་ཏེ། གནས་བརྟན་འོད་སྲུང་ཆེན་པོ་ལ་འདི་སྐད་ཅེས་སྨྲས་སོ། །
D216.062.0245a07.01