完整藏文原文 · 德格版页 当前仅加载第 62 函德格 249a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཅི་ལ་གནས་པ་དེ་ཉིད་ལ་ལྷུང་བཟེད་འདི་དག་གནས་སོ། །རྒྱལ་པོས་གསོལ་པ། འཇམ་དཔལ་ལྷུང་བཟེད་འདི་དག་ནི་མི་གནས་སོ། །འཇམ་དཔལ་གྱིས་སྨྲས་པ། རྒྱལ་པོ་ཆེན་པོ་ཁྱོད་ཀྱི་འགྱོད་པ་ངན་པ་དེ་ཡང་མི་གནས་སོ། །རྒྱལ་པོ་ཆེན་པོ་འདི་ལྟ་
D216.062.0249a01.01སྟེ། དཔེར་ན་ལྷུང་བཟེད་འདི་དག་མི་གནས་ཀྱང་མི་ལྟུང་བ་དེ་བཞིན་དུ་རྒྱལ་པོ་ཆོས་ཐམས་ཅད་ཀྱང་མི་ཆགས་མི་གནས་ཤིང་ཆོས་གང་ལ་ཡང་མི་ལྟུང་ངོ་། །དེ་ནས་རྒྱལ་པོ་མ་སྐྱེས་དགྲས་བྱང་ཆུབ་སེམས་དཔའ་དེ་དག་དང་། ཉན་ཐོས་ཆེན་པོ་དེ་དག་ལག་པ་དང་ལྷུང་བཟེད་
D216.062.0249a02.01བཀྲུས་པར་ཤེས་ཏེ། ཆོས་མཉན་པའི་ཕྱིར་འཇམ་དཔལ་གཞོན་ནུར་གྱུར་པའི་མདུན་དུ་འདུག་ནས་འཕགས་པ་འཇམ་དཔལ་བདག་གི་འགྱོད་པ་དེ་བསལ་དུ་གསོལ་ཞེས་བྱས་པ་དང་། འཇམ་དཔལ་གྱིས་སྨྲས་པ། རྒྱལ་པོ་ཆེན་པོ་ཁྱོད་ཀྱི་འགྱོད་པ་དེ་ནི་ཡང་དག་པར་རྫོགས་པའི་
D216.062.0249a03.01སངས་རྒྱས་གང་གཱའི་ཀླུང་གི་བྱེ་མ་སྙེད་ཀྱིས་ཀྱང་བསལ་མི་ནུས་སོ། །དེ་ནས་རྒྱལ་པོ་མ་སྐྱེས་དགྲས་བདག་མགོན་མེད་པར་ཤེས་ནས་ཤིང་བཅད་པ་བཞིན་དུ་ས་ཆེན་པོ་འདི་ལ་འགྱེལ་བར་གྱུར་ཏོ། །དེ་ནས་གནས་བརྟན་འོད་སྲུང་ཆེན་པོས་རྒྱལ་པོ་མ་སྐྱེས་དགྲ་ལ་འདི་སྐད་ཅེས་སྨྲས་
D216.062.0249a04.01སོ། །རྒྱལ་པོ་ཆེན་པོ་མ་འཇིགས་མ་སྐྲག་ཅིག །འཇམ་དཔལ་གཞོན་ནུར་གྱུར་པ་ནི་དགོངས་པ་འཆད་པ་ལ་མཁས་པ་ཡིན་གྱིས། འདི་ཉིད་ལ་ཁྱོད་ཀྱིས་ཅི་ལས་དགོངས་ཏེ་ཁྱོད་ཀྱི་འགྱོད་པ་ངན་པ་དེ་གང་གཱའི་ཀླུང་གི་བྱེ་མ་སྙེད་ཀྱི་སངས་རྒྱས་བཅོམ་ལྡན་འདས་ཀྱིས་ཀྱང་བསལ་
D216.062.0249a05.01མི་ནུས་སོ་ཞེས་དེ་སྐད་དུ་སྟོན་ཅེས་ཞུས་ཤིག །དེ་ནས་རྒྱལ་པོ་མ་སྐྱེས་དགྲས་སའི་སྟེང་ནས་སླར་ལངས་ཏེ་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་གསོལ་ཏོ། །འཇམ་དཔལ་ཅི་ལ་དགོངས་ཏེ་ཁྱོད་ཀྱི་འགྱོད་པ་དེ་གང་གཱའི་ཀླུང་གི་བྱེ་མ་སྙེད་ཀྱི་དེ་བཞིན་གཤེགས་
D216.062.0249a06.01པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་ཀྱང་བསལ་མི་ནུས་ཞེས་དེ་སྐད་དུ་སྟོན། འཇམ་དཔལ་གྱིས་སྨྲས་པ། རྒྱལ་པོ་ཆེན་པོ་དེ་ཇི་སྙམ་དུ་སེམས། སངས་རྒྱས་བཅོམ་ལྡན་འདས་སེམས་ཀྱི་དམིགས་པས་བསྐྱེད་པ་ཡིན་ནམ། གསོལ་
D216.062.0249a07.01