完整藏文原文 · 德格版页 当前仅加载第 62 函德格 230b 版页；藏文 NFD、目录标记与异常页序保留在来源切片中，重复版页行以稳定序号区分。
མང་དུ་ཐོས་པ་འགྲོའོ། །མདུན་ནས་ནི་བྱང་ཆུབ་སེམས་དཔའ་བརྒྱད་སྟོང་འགྲོ་སྟེ། ལ་ལ་ནི་ཚངས་པའི་གཟུགས། ལ་ལ་ནི་བརྒྱ་བྱིན་གྱི་གཟུགས། ལ་ལ་ནི་རྒྱལ་པོ་ཆེན་པོ་བཞིའི་གཟུགས། ལ་ལ་ནི་ལྷའི་གཟུགས་ཀྱིས་ལམ་གྱི་བྱི་དོར་བྱེད་ཅིང་འགྲོ་སྟེ། ཤཱ་རིའི་བུ་དེའི་ཚེ་ན་དེ་བཞིན་གཤེགས་
D216.062.0230b01.01པ་དེ་རྒྱལ་པོའི་ཕོ་བྲང་དེར་གཤེགས་པ་དང་། བྱིས་པ་རྒྱན་བཟང་པོས་བརྒྱན་པ་གསུམ་ཞིག་ལམ་གྱི་བར་ན་རྩེ་ཞིང་འདུག་པ་ལས་བྱིས་པ་དེ་དག་གིས་དེ་བཞིན་གཤེགས་པ་བཟང་བ། སེམས་དད་པར་འགྱུར་བ། དབང་པོ་ཞི་བ། ཡིད་ཞི་བ། དུལ་བ་དང་ཞི་གནས་མཆོག་དམ་པའི་ཕ་
D216.062.0230b02.01རོལ་ཏུ་སོན་པ། སྐྱོན་མེད་པ། དབང་པོ་ཐུལ་བ། རྫིང་བཞིན་དུ་དང་ལ་གསལ་ཞིང་རྙོག་པ་མེད་པ། མཆོད་སྦྱིན་གྱི་ཤིང་གསེར་ལས་བྱས་པ་ལྟར་མངོན་པར་འཕགས་པ་འབར་བ་མཛེས་པ། ལྷམ་མེ་ལྷན་ནེར་བཞུགས་པ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་
D216.062.0230b03.01ཀུན་ནས་བརྒྱན་པ་དེ་རྒྱང་མ་ནས་གཤེགས་པ་མཐོང་ངོ་། །མཐོང་ནས་ཁྱེའུ་གཅིག་གིས་ཁྱེའུ་གཉིས་ལ་འདི་སྐད་ཅེས་སྨྲས་སོ། །ཁྱེའུ་ཁྱེད་ཅག་གིས་དེ་བཞིན་གཤེགས་པ་སེམས་ཅན་ཐམས་ཅད་ཀྱི་མཆོག་བསོད་ནམས་ཀྱི་ཞིང་བླ་ན་མེད་པ་ལྷ་དང་མིའི་འཇིག་རྟེན་དུ་བཅས་པའི་སྦྱིན་
D216.062.0230b04.01པའི་གནས་དེ་གཤེགས་པ་མཐོང་ངམ། ཚུར་ཤོག་དེ་ལ་མཆོད་པ་བྱའོ། །འདི་ལ་ཕུལ་ན་འབྲས་བུ་ཆེན་པོར་འགྱུར་རོ། །དེ་ནས་དེའི་ཚེ་ཁྱེའུ་དེས་ཚིགས་སུ་བཅད་པ་འདི་སྨྲས་སོ། །འདི་ནི་སེམས་ཅན་ཀུན་གྱི་མཆོག །སྦྱིན་གནས་བླ་ན་མེད་པ་སྟེ། །དེ་བས་འདི་
D216.062.0230b05.01ལ་མཆོད་པར་བྱ། །འདི་མཆོད་འབྲས་བུ་ཆེན་པོར་འགྱུར། །ཁྱེའུ་གཉིས་པོས་སྨྲས་པ། བདག་ཅག་ལ་ནི་མེ་ཏོག་དང་། །དྲི་དང་ཕྱེ་མ་བྱུག་མ་མཆིས། །འཇིག་རྟེན་གང་ཟག་ཟླ་མེད་པ། །འདི་ལ་ཅིས་ནི་མཆོད་པར་བགྱི། །དེ་ནས་ཁྱེའུ་དེས་མུ་ཏིག་གི་སེ་མོ་དོ་རིན་བརྒྱ་སྟོང་
D216.062.0230b06.01རི་བ་ལག་པ་གཡས་པས་མགུལ་ནས་བཀྲོལ་ཏེ་ཚིགས་སུ་བཅད་པ་འདི་སྨྲས་སོ། །བསོད་ནམས་ཞིང་ནི་བླ་ན་མེད། །དེ་ལ་འདིས་ནི་མཆོད་པར་བགྱི། །འདི་མཐོང་ནས་ནི་མཁས་པ་དག །དངོས་པོ་དག་ལ་སུ་ཞིག་ཆགས། །དེ་ནས་ཤཱ་རིའི་བུ་ཁྱེའུ་གཉིས་པོ་དེ་དག་ཁྱེའུ་དེའི་
D216.062.0230b07.01