完整藏文原文 · 德格版页 当前仅加载第 62 函德格 226a 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ཀྱི་ཞིང་གང་གཱའི་ཀླུང་གི་བྱེ་མ་སྙེད་བདུན་ཅུ་རྩ་གཉིས་འདས་པ་ན་འཇིག་རྟེན་གྱི་ཁམས་མི་མཇེད་ཅེས་བྱ་བ་དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བ་བཞུགས་སོ་འཚོ་གཞེས་སོ། །དེ་ན་བྱང་ཆུབ་སེམས་དཔའ་སེམས་དཔའ་ཆེན་པོ་
D216.062.0226a01.01འཇམ་དཔལ་གཞོན་ནུར་གྱུར་པ་ཞེས་བྱ་བ་བསམ་གྱིས་མི་ཁྱབ་པའི་གོ་ཆ་བགོས་པ། མངོན་པར་ཤེས་པ་དང་། སྟོབས་དང་། ཕ་རོལ་ཏུ་ཕྱིན་པ་ཐམས་ཅད་ཐོབ་པ་ཞིག་ཡོད་དེ། འཇམ་དཔལ་གཞོན་ནུར་གྱུར་པ་དེས་ལྷུང་བཟེད་འདི་བླང་བའི་ཕྱིར་སྟན་ལས་མ་ལངས་བཞིན་དུ་ལག་པ་འདི་བཏང་ངོ་། །དེ་ནས་
D216.062.0226a02.01དེ་བཞིན་གཤེགས་པ་འོད་ཟེར་གྱི་རྒྱལ་པོའི་སངས་རྒྱས་ཀྱི་ཞིང་དེ་ནས་བྱང་ཆུབ་སེམས་དཔའ་དེ་དག་ཡོངས་སུ་སྐོམ་པར་གྱུར་ནས། བཅོམ་ལྡན་འདས་བདག་ཅག་ནི་འཇིག་རྟེན་གྱི་ཁམས་མི་མཇེད་པ་དེ་དང་། དེ་བཞིན་གཤེགས་པ་ཤཱཀྱ་ཐུབ་པ་དེ་དང་། འཇམ་དཔལ་གཞོན་ནུར་གྱུར་པ་དེ་བལྟ་བར་འཚལ་
D216.062.0226a03.01ལོ་ཞེས་དེ་སྐད་གསོལ་ཏོ། །དེ་ནས་དེ་བཞིན་གཤེགས་པ་འོད་ཟེར་གྱི་རྒྱལ་པོས་སྨིན་མཚམས་ཀྱི་མཛོད་སྤུ་ནས་འོད་ཕྱུང་ནས། འོད་དེས་སངས་རྒྱས་ཀྱི་ཞིང་གང་གཱའི་ཀླུང་གི་བྱེ་མ་སྙེད་བདུན་ཅུ་རྩ་གཉིས་པོ་དེ་དག་ཐམས་ཅད་བརྟོལ་ཏེ། ཐམས་ཅད་ཡོད་པའི་འཇིག་རྟེན་གྱི་ཁམས་སྣང་བ་ཆེན་པོས་ཁྱབ་
D216.062.0226a04.01པར་གྱུར་ཏོ། །སེམས་ཅན་གང་དག་གི་ལུས་ལ་འོད་དེས་ཕོག་པར་གྱུར་པ་དེ་དག་ཐམས་ཅད་ནི་འཁོར་ལོས་སྒྱུར་བའི་བདེ་བ་དང་ལྡན་པར་གྱུར་ཏོ། །རྣལ་འབྱོར་སྤྱོད་པ་གང་དག་གི་ལུས་ལ་འོད་དེས་ཕོག་པར་གྱུར་པ་དེ་དག་ཐམས་ཅད་ནི་འབྲས་བུ་ཐོབ་པར་གྱུར་ཏོ། །སློབ་པ་གང་དག་གི་ལུས་ལ་འོད་དེས་ཕོག་པར་
D216.062.0226a05.01གྱུར་པ་དེ་དག་ཐམས་ཅད་ནི་རྣམ་པར་ཐར་པ་བརྒྱད་ལ་བསམ་གཏན་བྱེད་པའི་དགྲ་བཅོམ་པར་གྱུར་ཏོ། །བྱང་ཆུབ་སེམས་དཔའ་གང་དག་གི་ལུས་ལ་འོད་དེས་ཕོག་པར་གྱུར་པ་དེ་དག་ཐམས་ཅད་ནི་ཏིང་ངེ་འཛིན་ཉི་མ་ལྟ་བུའི་སྒྲོན་མ་ཞེས་བྱ་བ་ཐོབ་པར་གྱུར་ཏོ། །འདི་ལྟ་སྟེ། དེ་བཞིན་གཤེགས་པ་འོད་
D216.062.0226a06.01ཟེར་གྱི་རྒྱལ་པོ་དེའི་སངས་རྒྱས་ཀྱི་ཞིང་དེ་ནས་བྱང་ཆུབ་སེམས་དཔའ་དེ་དག་གིས་འཇིག་རྟེན་གྱི་ཁམས་མི་མཇེད་པ་འདི་དང་། བཅོམ་ལྡན་འདས་ཤཱཀྱ་ཐུབ་པ་དང་། འཇམ་དཔལ་གཞོན་ནུར་གྱུར་པ་དང་། ཉན་ཐོས་ཀྱི་དགེ་འདུན་ཐམས་ཅད་མཐོང་བར་གྱུར་ཏོ། །དེ་ནས་བྱང་ཆུབ་སེམས་
D216.062.0226a07.01