完整藏文原文 · 德格版页 当前仅加载第 62 函德格 219a 版页；藏文 NFD、目录标记与异常页序保留在来源切片中，重复版页行以稳定序号区分。
བྲལ་བ་ལའོ། །མ་འབྲེལ་ཅེས་བྱ་བ་ནི་ཆགས་པ་དང་ངོ་། །མི་བརྩོན་ཞེས་བྱ་བ་ནི་ཁོང་ཁྲོ་བ་ལའོ། །མ་འབྲེལ་ཅེས་བྱ་བ་ནི་ངར་འཛིན་པ་དང་ངོ་། །མི་བརྩོན་ཞེས་བྱ་བ་ནི་བདག་གིར་འཛིན་པ་ལའོ། །མ་འབྲེལ་ཅེས་བྱ་བ་ནི་སེར་སྣ་དང་ངོ་། །མི་བརྩོན་ཞེས་བྱ་བ་ནི་སྦྱིན་
D216.062.0219a01.01པའི་སྙེམས་པ་ལའོ། །མ་འབྲེལ་ཅེས་བྱ་བ་ནི་ངང་ཚུལ་ངན་པ་དང་ངོ་། །མི་བརྩོན་ཞེས་བྱ་བ་ནི་ཚུལ་ཁྲིམས་སྙེམས་པ་ལའོ། །མ་འབྲེལ་ཅེས་བྱ་བ་ནི་གནོད་སེམས་དང་ངོ་། །མི་བརྩོན་ཞེས་བྱ་བ་ནི་བཟོད་པའི་སྙེམས་པ་ལའོ། །མ་འབྲེལ་ཅེས་བྱ་བ་ནི་ལེ་ལོ་དང་ངོ་། །མི་བརྩོན་ཞེས་
D216.062.0219a02.01བྱ་བ་ནི་བརྩོན་འགྲུས་སྙེམས་པ་ལའོ། །མ་འབྲེལ་ཅེས་བྱ་བ་ནི་དྲན་པ་ཉམས་པ་དང་ངོ་། །མི་བརྩོན་ཞེས་བྱ་བ་ནི་བསམ་གཏན་སྙེམས་པ་ལའོ། །མ་འབྲེལ་ཅེས་བྱ་བ་ནི་ཤེས་རབ་འཆལ་པ་དང་ངོ་། །མི་བརྩོན་ཞེས་བྱ་བ་ནི་ཤེས་རབ་སྙེམས་པ་ལའོ། །མ་འབྲེལ་ཅེས་བྱ་བ་ནི་དགེ་
D216.062.0219a03.01བ་དང་ངོ་། །མི་བརྩོན་ཞེས་བྱ་བ་ནི་དགེ་བའི་རྩ་བ་སྒྲོ་འདོགས་པ་ལའོ། །མ་འབྲེལ་ཅེས་བྱ་བ་ནི་འཇིག་རྟེན་གྱི་ཆོས་དང་ངོ་། །མི་བརྩོན་ཞེས་བྱ་བ་ནི་འཇིག་རྟེན་ལས་འདས་པའི་ཆོས་མངོན་པར་བྱ་བར་ཆགས་པ་ལའོ། །མ་འབྲེལ་ཅེས་བྱ་བ་ནི་འདུས་བྱས་དང་ངོ་། །མི་བརྩོན་ཞེས་
D216.062.0219a04.01བྱ་བ་ནི་འདུས་མ་བྱས་པའི་ཆོས་ལ་ཡོངས་སུ་རྟོག་པ་ལའོ། །མ་འབྲེལ་ཅེས་བྱ་བ་ནི་ཁ་ན་མ་ཐོ་བ་དང་བཅས་པ་དང་ངོ་། །མི་བརྩོན་ཞེས་བྱ་བ་ནི་ཁ་ན་མ་ཐོ་བ་མེད་པའི་ཆོས་སྒྲོ་འདོགས་པ་ལའོ། །མ་འབྲེལ་ཅེས་བྱ་བ་ནི་ཟག་པ་དང་བཅས་པ་དང་ངོ་། །མི་བརྩོན་ཞེས་བྱ་བ་ནི་ཟག་པ་
D216.062.0219a05.01མེད་པའི་ཟད་པའི་ཆོས་སུ་སྙེམས་པ་ལའོ། །ཀྱེ་གྲོགས་པོ་དག་དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་གང་འབྲེལ་པ་དང་། མ་འབྲེལ་པར་ལྟ་བ་དང་བྲལ་བས་ཐམས་ཅད་མཁྱེན་པ་རྟོགས་མོད་ཀྱི། ཡང་ཀྱེ་གྲོགས་པོ་དག་ཐམས་ཅད་མཁྱེན་པ་ནི་མི་རྟོགས་
D216.062.0219a06.01སོ། །དེ་ཅིའི་ཕྱིར་ཞེ་ན། བྱེད་པས་ཐམས་ཅད་མཁྱེན་པ་རྟོགས་པར་མི་འགྱུར་རོ། །དེ་ཅིའི་ཕྱིར་ཞེ་ན། བྱེད་པ་དང་བྲལ་བ་ནི་ཐམས་ཅད་མཁྱེན་པ་ཡིན་ཏེ། ཐམས་ཅད་མཁྱེན་པ་ལ་རྟོགས་པར་བྱེད་པ་སུ་ཡང་མེད་དོ། །ཐམས་ཅད་མཁྱེན་པ་ནི་གཟུགས་ཀྱིས་ཀྱང་མི་རྟོགས་
D216.062.0219a07.01