完整藏文原文 · 德格版页 当前仅加载第 62 函德格 245b 版页；藏文 NFD、目录标记与异常页序保留在来源切片中，重复版页行以稳定序号区分。
ཚེ་དང་ལྡན་པ་འོད་སྲུང་ཆེན་པོ་ཁྱོད་ནི་མདུན་དུ་བཞུད་ཅིག །བདག་ནི་ཁྱོད་ཀྱི་སླད་བཞིན་དུ་མཆིའོ། །དེ་ཅིའི་ཕྱིར་ཞེ་ན། གནས་བརྟན་འོད་སྲུང་ཆེན་པོ་ནི་བགྲེས་ལ་རབ་ཏུ་བྱུང་ནས་ཀྱང་ཡུན་རིང་སྟེ། དེ་བཞིན་གཤེགས་པ་མ་མཐོང་བར་རབ་ཏུ་བྱུང་ཞིང་། གང་འཇིག་རྟེན་
D216.062.0245b01.01ན་དགྲ་བཅོམ་པ་དེའི་རྗེས་སུ་རབ་ཏུ་བྱུང་བས་དེ་བས་ན། ཚེ་དང་ལྡན་པ་འོད་སྲུང་ཆེན་པོ་ཁྱོད་ནི་མདུན་དུ་བཞུད་ཅིག །དེ་སྐད་ཅེས་སྨྲས་པ་དང་། འོད་སྲུང་ཆེན་པོས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་ལེགས་པར་གསུངས་པའི་
D216.062.0245b02.01ཆོས་འདུལ་བ་ལས་ནི་སུ་ཡང་ནས་རྒན་པ་དང་། ལོ་གྲངས་ཀྱིས་རྒན་པ་ཞེས་མི་བགྱིའི། འཇམ་དཔལ་ལེགས་པར་གསུངས་པའི་ཆོས་འདུལ་བ་ལས་ནི། ཤེས་རབ་ཀྱིས་རྒན་པ་དང་། ཐོས་པས་རྒན་པ་དང་། སྤོབས་པས་རྒན་པ་དང་། དབང་པོ་ཤིན་
D216.062.0245b03.01ཏུ་རྣམ་པར་ཕྱེ་བ་ལ་རྒན་པ་ཞེས་བགྱི་ལ། འཇམ་དཔལ་ཁྱོད་ཀྱང་ཤེས་རབ་ཀྱིས་བགྲེས། གསན་པས་བགྲེས། སྤོབས་པས་བགྲེས། དབང་པོ་དམ་པ་དང་། དམ་པ་མ་ལགས་པར་མཁྱེན་པ་ལ་མཁས་པས་དེའི་སླད་དུ་ཁྱོད་ཉིད་ཐུ་བོ་བགྲེས་པ་ལགས་ཀྱིས་
D216.062.0245b04.01མདུན་དུ་བཞུད་ཅིག །བདག་ནི་ཁྱོད་ཀྱི་སླད་བཞིན་དུ་མཆིའོ། །ཡང་འཇམ་དཔལ་དོན་འདི་ཉིད་ཤིན་ཏུ་བཤད་པའི་སླད་དུ་སྐབས་འདིར་བདག་གིས་དཔེ་ཙམ་ཞིག་བཤད་པར་སྤོབས་སོ། །འཇམ་དཔལ་འདི་ལྟ་སྟེ། དཔེར་ན་སེང་གེའི་ཕྲུ་གུ་བྱུང་ནས་རིང་པོ་མ་ལོན་པ་ནི་
D216.062.0245b05.01བདག་གི་སྟོབས་ཀྱི་ཤུགས་མ་རྫོགས་མོད་ཀྱི། སེང་གེའི་ཕྲུ་གུ་དེའི་དྲི་རླུང་གིས་གང་དང་གང་དུ་ཁྱེར་བ་དེ་དང་དེ་དག་ཏུ་{རི་དགས་,རི་དྭགས་}ཐམས་ཅད་དྲི་དེ་མི་བཟོད་ནས་འབྲོས་པར་བགྱིད་དེ། བལ་གླང་གླང་པོ་ཆེན་པོ་ལོ་དྲུག་ཅུ་ལོན་པ། ལིག་རི་སྲ་བས་དམ་དུ་བཅིངས་པ་དེ་དག་ཀྱང་
D216.062.0245b06.01སེང་གེའི་ཕྲུ་གུ་དེའི་དྲིས་ཕོག་པ་དང་། འཇིགས་སྐྲག་ནས་ལིག་རིས་བཅིངས་པ་དེ་དག་བཅད་དེ་ཕྱོགས་ཕྱོགས་སུ་འབྲོས་སོ། །ཕུག་ན་གནས་པ་ནི་ཕུག་ཏུ། ཁུང་ན་གནས་པ་ནི་ཁུང་དུ་འཇུག །ཆུ་ན་གནས་པ་ནི་ཆུར་འཇུག །བྱ་ནི་ནམ་མཁའ་ལ་འཕུར་
D216.062.0245b07.01