完整藏文原文 · 德格版页 当前仅加载第 62 函德格 243a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་མོས་པར་འགྱུར་བ་དང་མོས་པར་བྱེད་པ་དང་། མོས་པར་འགྱུར་བ་དེ་ཐམས་ཅད་ནི་དེ་བཞིན་གཤེགས་པའི་རྣམ་པར་གྲོལ་བས་རྣམ་པར་གྲོལ་བར་འགྱུར་ཏེ་རྣམ་པར་གྲོལ་བ་ནི་གཉིས་སུ་ཡང་མི་སྟོན་ཏོ། །དེ་བཞིན་གཤེགས་པའི་རྣམ་པར་གྲོལ་བའི་
D216.062.0243a01.01མཚན་ཉིད་གང་ཡིན་པ་ཆོས་ཐམས་ཅད་ཀྱི་མཚན་ཉིད་ཀྱང་དེ་ཡིན་ཏེ། དེ་བཞིན་གཤེགས་པའི་རྣམ་པར་གྲོལ་བ་ནི་མཚན་ཉིད་མེད་པའོ། །ཆོས་ཐམས་ཅད་ཀྱང་རྣམ་པར་གྲོལ་བའི་མཚན་ཉིད་དང་བྲལ་བ་ཡིན་ཏེ། ཆོས་གང་མཚན་ཉིད་མེད་པ་དེ་ནི་རྣམ་པར་གྲོལ་བ་ཡང་མེད་མོད་
D216.062.0243a02.01ཀྱི། གཉིས་སུ་མེད་པ། སེམས་དང་། ལུས་དང་བྲལ་བ་དེ་ནི་རྣམ་པར་གྲོལ་བའོ། །གང་སེམས་དང་། གང་ལུས་དེ་ནི་རྣམ་པར་གྲོལ་བར་མི་འགྱུར་རོ། །དེ་ཅིའི་ཕྱིར་ཞེ་ན། རྣམ་པར་གྲོལ་བ་དེ་སེམས་དང་ལུས་ཀྱི་རང་བཞིན་ཡིན་པའི་ཕྱིར་རོ། །དེ་ལྟ་བས་ན་ཡེ་
D216.062.0243a03.01ཤེས་དེ་གཞན་ལ་རག་མ་ལས་པའི་ཕྱིར། ཕྱིར་མི་ལྡོག་པའི་འཁོར་ལོ་ཞེས་བྱའོ། །རིགས་ཀྱི་བུ་དག་གཞན་ཡང་ཕྱིར་མི་ལྡོག་པའི་འཁོར་ལོ་ནི་སླར་མི་ལྡོག་གོ། །དེ་ཅིའི་ཕྱིར་ཞེ་ན། གཟུགས་ནི་གཟུགས་ཀྱི་རང་བཞིན་ལས་མི་ལྡོག་གོ། །དེ་བཞིན་དུ་ཚོར་བ་དང་། འདུ་
D216.062.0243a04.01ཤེས་དང་། འདུ་བྱེད་དང་། རྣམ་པར་ཤེས་པ་ཡང་རྣམ་པར་ཤེས་པའི་རང་བཞིན་ལས་མི་ལྡོག་གོ། །རིགས་ཀྱི་བུ་དག་ཆོས་ཐམས་ཅད་ནི་ཆོས་ཀྱི་དབྱིངས་དེ་ལས་མི་ལྡོག་སྟེ། ཆོས་ཀྱི་དབྱིངས་དེ་ནི་ཇི་ལྟ་བ་བཞིན་ཡིན་པས་ན་ཕྱིར་མི་ལྡོག་པའི་འཁོར་ལོ་ཞེས་བྱའོ། །འཁོར་
D216.062.0243a05.01ལོ་དེ་ནི་དབུས་སུ་འཇུག་པ་ཡང་མེད་དེ་འཁོར་ལོ་དེ་ནི་ཆད་པ་མེད་པ། རྟག་པ་མེད་པའོ། །དེ་ལ་ནི་སྒོ་{ཆུང་ཟད་,ཅུང་ཟད་}ཀྱང་མེད་དེ། དེ་ནི་གཉིས་སུ་མེད་པའི་སྒོའི་འཁོར་ལོའོ། །འཁོར་ལོ་དེ་ནི་སྐོར་བ་མེད་དེ། མི་སྐོར་བའི་འཁོར་ལོའོ། །འཁོར་ལོ་དེ་ནི་སྟོན་པ་{ཆུང་ཟད་,ཅུང་ཟད་}ཀྱང་མེད་དེ་མི་རྗོད་པའི་
D216.062.0243a06.01འཁོར་ལོའོ། །འཁོར་ལོ་དེ་ནི་སྒྲོགས་པ་{ཆུང་ཟད་,ཅུང་ཟད་}ཀྱང་མེད་དེ་བརྗོད་དུ་མེད་པའི་འཁོར་ལོའོ། །ཡང་ཕྱིར་མི་ལྡོག་པའི་འཁོར་ལོ་དེ་ནི་སྟོང་པ་ཉིད་ཀྱི་སྒོ་ལ་གནས་པས་མཚན་མ་མེད་པའོ། །རྣམ་པར་གྲོལ་བའི་སྒོ་ལ་གནས་པས་མཚན་ཉིད་མེད་པའོ། །ཐམས་ཅད་ཀྱི་རྗེས་སུ་སོང་བའི་ནམ་
D216.062.0243a07.01