完整藏文原文 · 德格版页 当前仅加载第 70 函德格 24a 版页；藏文 NFD、目录标记与异常页序保留在来源切片中，重复版页行以稳定序号区分。
བལྟ་དགའ་ཞི་བྱེད་མ་ཡིན་ནོ། །བུད་མེད་དུག་གི་མེ་ཏོག་མཚུངས། །རབ་ཏུ་བརྩོན་པས་ཡོངས་སུ་སྤངས། །མི་རྣམས་བལྟ་བར་འདོད་པ་དང་། །ཡུལ་རྣམས་ལ་ཡང་ཆེད་ཆེར་འཛིན། །འཇིག་རྟེན་འདི་དང་གཞན་དུ་ཡང་། །མི་ནི་བདེ་བའི་སྐལ་ལྡན་
D287.070.0024a01.01མིན། །བདེ་ལ་ཆགས་དང་བག་མེད་གང་། །ལེ་ལོ་དང་ནི་རྩབ་ཧྲལ་གཡོ། །སྡིག་པ་སྟེན་བྱེད་ཞིམ་པོ་ཟ། །མིས་ནི་བཟང་པོ་མཐོང་བ་མིན། །སྦྱོར་ལྡན་བརྟན་པོ་བརྩོན་འགྲུས་ཅན། །ཆོས་པ་བུད་མེད་རྣམ་སྤངས་པ། །མཁས་པ་རྒྱུ་འབྲས་ལ་དད་པའི། །མིས་ནི་བཟང་པོ་
D287.070.0024a02.01འཐོབ་པ་ཡིན། །སྐྱོན་གྱི་དྲ་བ་འདི་དག་ཀུན། །བུད་མེད་སྒྱུ་ཡིས་ས་འདིར་སྤྱོད། །ཐོས་ལྡན་བུད་མེད་རྣམ་སྤངས་པ། །འཐབ་བྲལ་འཇིག་རྟེན་མངའ་བདག་ཆེ། །དེ་ལྟར་ལྷ་དེས་རྨི་ལམ་གྱི་ནང་བཞིན་དུ་གཉིད་སད་པ་ན་ཐོས་སོ། །བྱ་དེའི་སྒྲ་རྣམ་པར་སྒྲོགས་པའི་བྱ་དེ་
D287.070.0024a03.01དག་ནི་རྣམ་པ་དུ་མར་ཡོན་ཏན་ཤིན་ཏུ་ཕུན་སུམ་ཚོགས་པ་གཤོག་པ་གཉིས་ཕན་པར་འགྱུར་བའི་ལས་བྱས་པའི་བྱ་བ་དེ་དག་གིས་བསྟན་པར་གྱུར་པ་ན། ལྷ་གསར་དུ་སྐྱེས་པ་དེས་ཐོས་པར་གྱུར་ལ་ཐོས་ནས་ཀྱང་ལྷ་དེ་དག་རྣམས་ཡིད་ཆེས་པ་སྐྱེ་བའོ། །ཤེས་རབ་དེས་སྐྱེ་བ་
D287.070.0024a04.01གཞན་དུ་རྗེས་སུ་ཞུགས་པའི་ཤེས་པ་རྣམས་དྲན་པར་འགྱུར་བས་གང་ཡང་ཡོན་ཏན་གསུམ་དང་ལྡན་པའི་འདོད་པ་སྡུག་པ་ཡིད་དུ་འོང་བའི་ཚུལ་ཁྲིམས་བསྲུངས་པ་དེ་རྗེས་སུ་དྲན་ནོ། །རྗེས་སུ་དྲན་ནས་ཀྱང་ཚིགས་སུ་བཅད་པ་བརྗོད་པ། ཇི་ལྟར། གང་ཕྱིར་བུད་མེད་རྣམ་སྤངས་
D287.070.0024a05.01པ། །གཅིག་ལས་ཚུལ་ཁྲིམས་ཐམས་ཅད་ཡིན། །བུད་མེད་རྣམ་སྤངས་བློ་ལྡན་རྣམས། །མྱ་ངན་འདས་གྲོང་འགྲོ་བ་རྣམས། །མེས་མིན་མཚོན་ཆས་ཀྱང་མ་ཡིན། །སྟོབས་མིན་སྲོག་ཆགས་དག་གིས་ཀྱང་། །བུད་མེད་རྒྱུ་ཡིས་འཆིང་བ་ནི། །གཅད་པར་མི་ནུས་
D287.070.0024a06.01སྒྲུབ་དཀའ་དེ། །དེ་རྒྱུ་རྟག་ཏུ་སྤང་བ་དང་། །སྨད་པར་ཡང་ནི་བརྩོན་པར་གྱིས། །དེ་སྤངས་པས་ནི་འཐབ་བྲལ་གྱི། །བདེ་བ་བླ་ན་མེད་འདི་འཐོབ། །བདེ་བ་གཞན་ལས་ཆེས་བདེ་བ། །འགྱུར་མེད་གོ་འཕང་ང་ཡིས་ཐོབ། །དེ་ལྟར་བྱ་དེ་དག་རྣམས་ཀྱི་
D287.070.0024a07.01