完整藏文原文 · 德格版页 当前仅加载第 70 函德格 189a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། འཐུངས་པ་དང་། གྲོང་པའི་ཆོས་བསྟེན་པར་གྱུར་པའམ། སྒྲ་དང་། རེག་བྱ་དང་། རོ་དང་། གཟུགས་དང་། དྲིས་བྱས་པར་གྱུར་པ་དེ་དག་རྣམས་ཀྱང་རྗེས་སུ་དྲན་པར་བྱེད་དོ། །དེ་དག་རྣམས་ལ་རྣམ་པར་རྟོག་པར་བྱེད་དོ། །དེ་རྣམ་པར་རྟོག་པས་ཉེ་བར་བཅོམ་
D287.070.0189a01.01པར་གྱུར་པས་མཆོག་ཏུ་ཀུན་དུ་འདྲེས་པར་གྱུར་ནས་ཤིན་ཏུ་རྩུབ་པར་གྱུར་པ་རྣམས་ཀྱིས་ཤིན་ཏུ་སྡུག་བསྔལ་བར་གྱུར་པ་དང་ལྷན་ཅིག་པའི་ཡུལ་མི་འདོད་པ་མི་སྡུག་པ་ཡིད་དུ་མི་འོང་བ་རྣམས་དང་ལྷན་ཅིག་ཏུ་གནས་པར་བྱེད་དོ། །འདི་ནི་ཀུན་ཏུ་འདྲེ་བར་གནས་པ་ལྔ་པ་ཡིན་ཏེ། ཡུལ་གྱི་རྣམ་པར་རྟོག་པ་
D287.070.0189a02.01རྣམས་ཀྱིས་ཉེ་བར་བཅོམ་པར་གྱུར་ནས་ཀུན་དུ་འདྲེ་བར་གནས་པ་ཡིན་ནོ། །ཀུན་དུ་འདྲེ་བར་གནས་པ་རྣམས་ཐམས་ཅད་ཡོངས་སུ་སྤང་བར་ནུས་ཀྱི་ཡིད་ཀྱི་རྣམ་པར་རྟོག་པ་རྣམས་ནི་ཡོངས་སུ་སྤང་བར་མི་ནུས་སོ། །ཡུལ་དང་ཀུན་ནས་འདྲེ་བར་གྱུར་པ་ནི་བསམ་གཏན་སྒོམ་པར་བྱེད་པ་རྣམས་
D287.070.0189a03.01ཐམས་ཅད་ལ་ཤིན་ཏུ་བར་དུ་གཅོད་པར་བྱེད་པ་ཡིན་ནོ། །གང་གི་ཕྱིར་ཀུན་དུ་འདྲེས་པར་གནས་པ་ཐམས་ཅད་ནི་ཡོངས་སུ་སྤང་བར་ནུས་ལ། ཡུལ་གྱི་ཉེ་བར་ལོངས་སྤྱོད་པ་ལ་རང་གི་སེམས་རྩབ་ཧྲལ་ཅན་གྱིས་བསླང་བའི་ཀུན་ཏུ་རྟོག་པ་རྣམས་ཀྱིས་ཀུན་ཏུ་འདྲེ་བར་གནས་པ་རྣམས་ནི་
D287.070.0189a04.01སྤང་བར་མི་ནུས་ཏེ། བསམ་གཏན་དང་། སྙོམས་པར་འཇུག་པ་དང་། ཤིན་ཏུ་སྦྱངས་པ་དང་། ལེགས་པར་སྡོམ་པ་དང་། ཚུལ་བཞིན་དུ་ཡིད་ལ་བྱེད་པ་རྣམས་ཀྱིས་རྗེས་སུ་དྲན་པར་བྱེད་པ་རྣམས་ཀྱིས་ནི་མ་གཏོགས་པའོ། །དེ་ནས་དེའི་ཚེ་བཅོམ་ལྡན་འདས་འོད་སྲུང་དེས་ཚིགས་སུ་བཅད་
D287.070.0189a05.01པ་གསུངས་པ། ཇི་ལྟར། ཚུལ་བཞིན་མ་ཡིན་ཡིད་བྱེད་པས། །མེ་གང་ཀུན་དུ་སྤར་གྱུར་པ། །ཚུལ་བཞིན་མ་ཡིན་ཡིད་བྱེད་དེའི། །ཆར་གྱིས་རབ་ཏུ་འཇོམས་པར་བྱེད། །མུན་པ་ཡུན་རིང་གིས་བསླང་གང་། །མ་རིག་ལས་བྱུང་མི་རྣམས་ཀྱི། །དེ་ནི་ཅུང་ཟད་དུ་སྐྱེས་པའི། །ཤེས་
D287.070.0189a06.01རབ་མར་མེས་འཇིག་པར་བྱེད། །བློ་གྲོས་རྨོངས་པ་དམྱལ་བར་ནི། །ཆགས་དང་རྨོངས་པས་སྲེག་པར་བྱེད། །ཤེས་རབ་ཅན་ནི་འཇོམས་མིན་ཏེ། །མྱ་ངན་འདས་པའི་ལམ་དུ་འགྲོ། །ཤེས་རབ་སྣང་བས་ལུས་ཅན་གྱི། །བཅུ་གསུམ་པོ་རྣམས་འཇོམས་པར་བྱེད། །དེ་ཕྱིར་སྐྱོན་གཞོམ་
D287.070.0189a07.01