完整藏文原文 · 德格版页 当前仅加载第 70 函德格 285b 版页；藏文 NFD、目录标记与异常页序保留在来源切片中，重复版页行以稳定序号区分。
མྱོང་བར་བྱེད་པའི་ཕྱིར་རོ། །དེ་ལྟར་བག་མེད་པ་འདིས་ནི་ལྷ་རྣམས་དང་། སྲོག་ཆགས་སུ་གྱུར་པའི་རྣམས་ཐམས་ཅད་དང་། འགྲོ་བ་ལྔར་སྐྱེས་པར་གྱུར་པ་རྣམས་དང་། ཁམས་གསུམ་དུ་གཏོགས་པ་རྣམས་ཀྱང་ལོག་པར་ལྟུང་བར་བྱེད་པའི་ཕྱིར་རོ། །དེའི་ཕྱིར་ཐམས་ཅད་ཀྱིས་
D287.070.0285b01.01ཐམས་ཅད་ཀྱང་རབ་ཏུ་བརྩོན་པ་ཐམས་ཅད་ཀྱིས། གནས་སྐབས་ཐམས་ཅད་དུ་སྡུག་བསྔལ་གྱི་འཇིགས་པ་རྣམས་དང་། བདེ་བ་འདོད་པ་རྣམས་ཀྱིས་ཀྱང་སྡུག་བསྔལ་རྣམས་ཀྱི་རྩ་བ་འདི་ཡོངས་སུ་སྤང་བར་གྱིས་དང་། འདི་ལྟ་སྟེ་བག་མེད་པའོ། །དེ་ནས་ཡང་དེའི་ཚེ་ན་མུ་སུ་ལུན་དྷ་
D287.070.0285b02.01དེས་ཚིགས་སུ་བཅད་པ་བརྗོད་པ། ཇི་ལྟར། བག་ཡོད་པ་ནི་དགའ་བར་བརྗོད། །བག་མེད་སྡུག་བསྔལ་སྐལ་ལྡན་ཡིན། །བག་ཡོད་བག་མེད་པ་དག་གི། །འདི་ནི་རང་གི་མཚན་ཉིད་བརྗོད། །དེ་ལྟར་ལྷ་རྣམས་ཀྱི་མངའ་བདག་དམ་པའི་ལམ་ཇི་ལྟ་བ་བཞིན་དུ་སྟོན་པར་བྱེད་པ་པོ་
D287.070.0285b03.01དེས་ལྷ་དེ་དག་རྣམས་ལ་རྗེས་སུ་འདོམས་པར་བྱེད་དོ། །དེ་ལ་ལྷ་དེ་དག་རྣམས་ཐམས་ཅད་ཀྱང་ཡིད་ལས་སུ་རུང་བར་བྱས་པ་དང་། དབང་པོ་རྣམས་རྒྱས་པ་དང་། དབང་པོ་རྣམས་རབ་ཏུ་དང་བ་དང་། ཡིད་རྩེ་གཅིག་ཏུ་གྱུར་པས་ཉན་པར་བྱེད་ཅིང་། མུ་སུ་ལུན་དྷ་པད་མའི་སྙིང་པོ་ལ་སེང་གེའི་
D287.070.0285b04.01ཁྲི་ལ་གནས་པ་དེ་ལ་འདི་ལྟར་ཡང་རྗོད་པར་བྱེད་དེ། བདག་ཅག་རྣམས་ལ་ཤིན་ཏུ་ཕན་པར་གྱུར་པ་དང་མཐར་ཐུག་པར་བདེ་བ་གང་ཡིན་པ་དེ་དག་ཀྱང་འདིར་བརྗོད་ལགས་ན། བདག་ཅག་རྣམས་ལ་ཕན་པ་དང་བདེ་བ་རྣམས་ཀྱང་ཁྱེད་ཉིད་ཀྱིས་བཀའ་སྩལ་དུ་གསོལ། བདག་ཅག་རྣམས་
D287.070.0285b05.01ཀྱིས་ཅི་བགྱི་བ་ཡང་ལྷ་ཉིད་ཀྱི་ཞལ་སྔ་ནས་བཀའ་སྩལ་དུ་གསོལ། ཇི་ལྟར་ཚིག་འདི་དག་རྣམས་བརྗོད་པ་དང་འཐབ་བྲལ་གྱི་བདག་པོ་དེས་འདི་སྐད་ཅེས་བརྗོད་དོ། །ཇི་ལྟར་བཅོམ་ལྡན་འདས་གང་ཡིན་པ་འདི་ནི་ཐར་པའི་སྤྱོད་པ་རྣམས་རིག་ཅིང་རྟོགས་ལ་མཁྱེན་པ། སྐྱོན་རྣམས་ཐམས་
D287.070.0285b06.01ཅད་ལས་རྣམ་པར་གྲོལ་བ། ཡོན་ཏན་རྣམས་ཐམས་ཅད་དང་ལྡན་པ་སེམས་ཅན་རྣམས་ཐམས་ཅད་ཀྱི་ཡང་གཙོ་བོར་གྱུར་པའི་སངས་རྒྱས་དེ་ལ་སྐྱབས་སུ་སོང་དང་། སྡུག་བསྔལ་རྣམས་ཐམས་ཅད་དང་བྲལ་བར་འགྱུར་གྱིས། དེ་ནི་བག་མེད་པ་རྣམས་དང་བྲལ་བ་ཡིན་པས་དེ་ལ་སྐྱབས་
D287.070.0285b07.01