完整藏文原文 · 德格版页 当前仅加载第 70 函德格 195a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ལས་མ་གཏོགས་པ་སྟེ། དེ་དག་རྣམས་ལས་སེམས་ཤིན་ཏུ་ཆགས་པར་གྱུར་པའི་གླང་པོ་རྣམས་པད་མ་ཟ་བར་གྱུར་པ་དེ་དག་རྣམས་ཕན་ཚུན་དུ་ལྷན་ཅིག་པར་གླང་མོ་རྣམས་ཀྱིས་ཡོངས་སུ་བསྐོར་ནས་ཤིན་ཏུ་གཙང་བར་གྱུར་པའི་ཆུ་ཡང་ཡོན་ཏན་བདུན་དང་ལྡན་པ་ཆུ་
D287.070.0195a01.01བལ་གྱི་སྐྱོན་རྣམས་དང་བྲལ་བ་འདམ་གྱི་དྲི་མའི་སྐྱོན་རྣམས་དང་བྲལ་བ་རིང་བ་དང་ཐུང་བའི་སྐྱོན་དང་བྲལ་བ་དང་བར་གྱུར་པ་རེག་ན་བདེ་བར་གྱུར་པ་སྟེ། ཇི་ལྟ་ཇི་ལྟར་གླང་པོ་དེ་དག་འདོད་པར་འགྱུར་བའི་རྣམ་པ་དེ་ལྟ་བུའི་རེག་བྱར་འགྱུར་རོ། །གང་ལ་གླང་པོ་དེ་དག་རྣམས་དེ་ལྟར་གླང་མོ་རྣམས་དང་
D287.070.0195a02.01བཅས་ནས་རྩེ་བར་གྱུར་པ་ན་ལྷ་དང་ལྷ་མོ་འདི་དག་རྣམས་ཀྱིས་ཀྱང་རྩེ་བར་གྱུར་པའི་གླང་པོ་དེ་དག་རྣམས་མངོན་པར་མཐོང་ནས། གཞན་ཡང་ལྷ་དེ་དག་རྣམས་རབ་ཏུ་རངས་པར་གྱུར་པའི་ཡིད་ཀྱིས་ནམ་མཁའི་དཀྱིལ་ནས་གླང་པོའི་ནགས་དང་པད་མའི་ནགས་སུ་ཡང་འཇུག་གོ། །པད་མའི་
D287.070.0195a03.01ནགས་དེ་ན་ལྷ་མོ་རྣམས་ཀྱི་གླུ་དང་ལྷ་དེ་དག་རྣམས་ཀྱི་གླུའི་སྒྲ་རྣམས་ཀྱང་རྣམ་པར་སུན་འདོན་པར་བྱེད་པའི་སྒྲ་གླང་པོ་རྣམས་ཀྱི་ནང་ན་ངར་བ་སྐྱིམ་པ་ལྟ་བུར་གྱུར་པའི་སྒྲས་ཉེ་འཁོར་ཀུན་ན་ལེགས་པར་གླུ་ལེན་པ་བཞིན་དུ་མཐོ་རིས་ཉེ་བར་རྙེད་པར་གྱུར་ཏེ་རི་དང་ཚང་ཚིང་རྣམས་ལས་ཀྱང་སྒྲ་བརྙན་གྱི་སྒྲ་
D287.070.0195a04.01རྣམས་ཐོས་པར་གྱུར་ནས་ལྷ་དེ་དག་རྣམས་ཡང་གང་ན་པད་མའི་ནགས་ཞེས་བྱ་བའི་ནགས་ཡོད་པ་དེར་རྣམ་པ་སྣ་ཚོགས་པའི་རྒྱན་གྱིས་རྣམ་པར་འབར་བར་གྱུར་པའི་ལུས་ཅན་རྣམས་ཉེ་བར་འགྲོའོ། །ལྷའི་བུ་མོའི་ཚོགས་རྣམས་ཀྱིས་ཡོངས་སུ་བསྐོར་ནས་དེ་ཁོ་ན་བཞིན་དུ་ལྷ་དེ་དག་རྣམས་པད་མའི་
D287.070.0195a05.01ནགས་སུ་རྩེ་བར་བྱེད་དོ། །གང་ཡང་གཞན་དག་རིའི་ཕུག་དང་ཚང་ཚིང་རྣམས་ལས་འོངས་པ་དེ་དག་རྣམས་ཐམས་ཅད་ཕན་ཚུན་དུ་མངོན་པར་མཐོང་ནས་རབ་ཏུ་ཆེས་དགའ་བར་གྱུར་པའི་ཡིད་ཅན་རྣམས་ལྷ་དང་ལྷ་མོའི་ཚོགས་ཀྱིས་གང་བར་གྱུར་པ་རྣམས་གླང་པོ་ཆེ་རྣམས་དང་ལྷན་ཅིག་ཏུ་ཆུའི་
D287.070.0195a06.01རྩེད་མོ་ལ་དགའ་བར་བྱེད་དོ། །དེ་དག་དེ་ལྟར་དགའ་བར་གྱུར་པའི་ལྷ་དང་ལྷ་མོའི་ཚོགས་ཀྱིས་གང་བ་རྣམས་དུས་ཡུན་རིང་བར་དགའ་བར་བྱེད་ཅིང་གར་ཡང་བྱེད་དོ། །དེ་ལྟར་དེ་དག་རྣམས་བག་མེད་པར་གྱུར་པས་ལེགས་པར་བྱས་པའི་ལས་རྣམས་ཟད་པར་འགྱུར་རོ། །ཤིན་ཏུ་མྱུར་བར་
D287.070.0195a07.01