完整藏文原文 · 德格版页 当前仅加载第 70 函德格 250b 版页；藏文 NFD、目录标记与异常页序保留在来源切片中，重复版页行以稳定序号区分。
གཡོ་བ། རླུང་གིས་ཀྱང་ནགས་ཀྱི་ཚལ་འདི་ལ་ཇི་ལྟ་བ་དེ་བཞིན་དུ་རྒྱལ་པོ་འདིའི་གྲོགས་པོ་ནི་ཤིན་ཏུ་བརྟན་པོ་ཡིན་ནོ། །རང་བཞིན་ཤིན་ཏུ་བཟང་བར་གྱུར་པས་སྐྱེ་བོ་ཐམས་ཅད་ཀྱིས་མངོན་པར་བགྲོད་པར་བྱ་བར་གྱུར་པ་མཆོག་ཏུ་དགའ་བར་གྱུར་པ་ཡིན་ནོ། །ཤིན་ཏུ་གྲོགས་པོ་བརྟན་པར་
D287.070.0250b01.01གྱུར་པའི་ཡོན་ཏན་དང་ལྡན་པ་ལ་ཡང་འཇིག་རྟེན་པའི་ཡོན་ཏན་བཅུ་གསུམ་དང་ལྡན་པར་འགྱུར་བ་རྣམས་འདི་ལྟ་སྟེ། གང་དུ་འདི་ལ་བུག་རྡོལ་བྱུང་བར་གྱུར་པ་ན་དེའི་ཚེ་འདིས་རབ་ཏུ་འགེབས་པར་བྱེད་པ་ཡིན་ཏེ། དཀའ་བར་སྤྱད་པ་ཐམས་ཅད་དང་མཆོག་ཏུ་རྒུད་པའི་དོན་དག་ལའོ། །དེ་ཅིའི་
D287.070.0250b02.01ཕྱིར་བྱེད་པ་ཡིན་ཞེ་ན། གྲོགས་པོ་གང་ཡིན་པའི་གྲོགས་པོ་གཞན་ཡང་དེའི་གྲོགས་པོར་འགྱུར་ཏེ་དེས་ཀྱང་ངའི་གྲོགས་པོ་འདིའི་གྲོགས་པོ་ཡིན་ཞེས་བྱས་ནས་དེ་དང་ལྷན་ཅིག་ཏུ་མཛའ་བར་འགྱུར་རོ། །ཁྱིམ་ན་ནོར་གྱི་རིགས་གང་དག་ཡོད་པ་འདི་ལ་ཤེས་པར་བྱེད་དོ། །གང་དང་
D287.070.0250b03.01གང་ཡང་ཕན་པའི་ལྷག་མ་གཞན་དུ་གྱུར་པ་ཡང་། དེ་དག་རྣམས་འདིས་བདག་ཉིད་ཐམས་ཅད་ཀྱིས་བྱེད་དེ། རྣམ་པ་ཐམས་ཅད་དང་བདག་ཉིད་ཐམས་ཅད་ཀྱིས་ཀྱང་སྟེན་པར་བྱེད་དོ། །གལ་ཏེ་ཡང་འདི་གང་དག་གིས་དཀའ་བར་གྱུར་པ་ཐམས་ཅད་དུ་གྱུར་པ་དང་སྲོག་འཆད་པར་གྱུར་ཀྱང་དེས་བརྒྱ་
D287.070.0250b04.01ལ་ཡང་ཡོངས་སུ་མི་གཏོང་ངོ་། །འདི་ཡང་ཇི་ལྟ་ཇི་ལྟར་དོན་གྱི་རིགས་རྣམས་ལ་བཟོད་པར་འགྱུར་བ་དེ་ལྟར་བྱེད་དོ། །གང་ཡང་འདིའི་ཁྱིམ་ན་ཅུང་ཟད་ཡོད་པ་དེ་རྣམས་ཐམས་ཅད་སྔོ་བར་བྱེད་དོ། །གང་གི་ཚེ་འདི་ཕུན་སུམ་ཚོགས་པར་གྱུར་པ་དེའི་ཚེ་ཤིན་ཏུ་དགའ་བར་འགྱུར་རོ། །
D287.070.0250b05.01གང་གི་ཚེ་འདི་ལ་སྡུག་བསྔལ་དག་བྱུང་བར་གྱུར་པ་དེའི་ཚེ་མཉམ་པོར་སྡུག་བསྔལ་བར་འགྱུར་རོ། །ཐམས་ཅད་ནས་ཁྲོས་པ་སྐྱེས་པར་གྱུར་ཀྱང་རྣམ་པར་འགྱུར་བར་མི་འགྱུར་རོ། །དེ་དང་ཡང་གང་ལྷན་ཅིག་ཏུ་གྱུར་པ་དེ་དག་བཟའ་ཟ་བས་ཀྱང་དེ་དང་ལྷན་ཅིག་ཏུ་དགའ་བར་འགྱུར་རོ། །
D287.070.0250b06.01གང་འདིའི་ཁྱིམ་ན་ཡོད་པར་གྱུར་པ་དེ་དག་ཀྱང་དབང་པོ་ལ་གནོད་པ་མེད་པར་དོན་དུ་གཉེར་བར་བྱེད་པ་དང་། གང་ཡང་བདག་རང་གི་ཁྱིམ་ན་ཡོད་པར་དེ་ཐམས་ཅད་སྐྱོ་བ་མེད་པར་ཡང་འདི་ལ་སྟེར་བར་བྱེད་དོ། །གང་ཡང་ཅུང་ཟད་ཁྱིམ་ན་ཡོད་པ་དེ་ཐམས་ཅད་གྲོགས་པོ་ལ་རྗོད་
D287.070.0250b07.01