完整藏文原文 · 德格版页 当前仅加载第 70 函德格 61a 版页；藏文 NFD、目录标记与异常页序保留在来源切片中，重复版页行以稳定序号区分。
པ་སྟེ། །སྲིད་གསུམ་ཐམས་ཅད་བསྐོར་བྱས་ཀྱང་། །དེ་ཉིད་རབ་ཏུ་མཐོང་བའང་མིན། །ཀུན་ཏུ་གཡོ་བྱེད་དབང་གིས་གཡོ། །ཇི་ལྟར་འཁོར་བ་རྒྱ་མཚོ་བཞིན། །སེམས་ཀྱི་དབང་ཕྱུག་ཡང་དག་ལྡན། །འཇིག་རྟེན་འདི་ནི་རྟག་ཏུ་འཁོར། །བདེ་སྡུག་དུས་ཀྱི་རྗེས་
D287.070.0061a01.01འབྲེལ་བ། །སྲོག་ཆགས་སྲིད་གསུམ་རྗེས་སུ་འགྲོ། །སྡུག་བསྔལ་ཐམས་ཅད་སྤངས་པ་ཡི། །ལེགས་པའི་མཆོག་ཏུ་འབབ་པར་བྱེད། །འཁོར་བྱེད་རྟག་ཏུ་སྡུག་བསྔལ་གྱིས། །དེ་ཚེ་ལུས་ཅན་རྣམས་དུབ་འགྱུར། །བརྗེད་པར་གྱུར་ནས་ཕྱི་ནས་ཀྱང་། །རྣམ་པར་གདུང་བྱེད་
D287.070.0061a02.01སྡུག་བསྔལ་སྤྱོད། །དམྱལ་བའི་གང་ཚེ་ལུས་ཅན་གྱིས། །སྡུག་བསྔལ་དྲན་པར་གྱུར་ན་ནི། །དེ་ཚེ་མ་ལུས་བདེ་འདི་རྣམས། །རྡུལ་ཕྲན་ཙམ་དུ་ངེས་པར་གནས། །དེ་དུས་ཇི་སྲིད་དུ་རྣམ་པར་བཀྲ་བའི་རྩེ་མོའི་ངོས་དེ་ན་ཉེ་བར་གནས་པར་གྱུར་གྱི་བར་དེ་སྲིད་དུ་སྐྱེ་བ་གཞན་རྗེས་སུ་དྲན་པར་
D287.070.0061a03.01བྱེད་དོ། །གང་གི་ཚེ་བཏང་བར་གྱུར་པ་དེའི་ཚེ་སྐྱེ་བ་གཞན་རྗེས་སུ་དྲན་པ་ཐམས་ཅད་བརྗེད་པར་འགྱུར་རོ། །དེ་སྐྱེ་བ་གཞན་ལ་ཉམས་སུ་མྱོང་བའི་སྡུག་བསྔལ་གཞན་བརྗེད་ནས་བརྗེད་པས་ཀྱང་ཕྱི་རོལ་ཡུལ་ལ་འཆུམས་པས་རྣམ་པ་དུ་མར་གཞན་དང་མི་འདྲ་བ་དང་། སྡུག་པའི་སྒྲ་དང་། རེག་
D287.070.0061a04.01བྱ་དང་། རོ་དང་། གཟུགས་དང་། དྲི་འདོད་པར་གྱུར་པའི་ལྷའི་རྫས་ཀྱི་ཡུལ་རྣམས་ལ་ལྷན་ཅིག་ཏུ་དགའ་བར་བྱེད་དོ། །དེ་གཞན་ཡང་གང་ན་ཆུ་ཀླུང་འོད་འབྱིན་ཞེས་བྱ་བའི་རི་ཡོད་པ་དེར་ཉེ་བར་འགྲོའོ། །རི་དེ་ཡང་ཉེ་འཁོར་ཀུན་ཏུ་དགའ་བའི་ཤིང་མཆོག་གིས་ཤིན་ཏུ་གང་བ་རབ་ཏུ་
D287.070.0061a05.01དང་བའི་ཆུ་ལ་ངང་པ་དང་། ཀཱ་རཎྜ་བ་དང་། ངང་ངུར་གྱིས་ཡོངས་སུ་གང་བ་རྣམ་པ་སྣ་ཚོགས་པའི་གསེར་འབར་བ་སྒྲའི་མཆོག་གིས་ཡིད་དགའ་བའི་ཅ་ཅོས་གང་བའི་ཆུ་ཀླུང་འབབ་པར་འགྱུར་ལ། ཆུ་ཀླུང་དེ་ལ་ཡང་ཤིན་ཏུ་མང་བ་འབྱུང་བར་འགྱུར་བ་ནི་སྟོང་ཕྲག་བཅུས་ལེགས་
D287.070.0061a06.01པར་གང་བ་སྟེ། ཚད་དང་ཤུགས་དང་དབྱིབས་རྣམས་མཚུངས་པ། ཤིང་དང་བྱའི་ཚོགས་ཀྱིས་དགའ་བར་གྱུར་པའོ། །རབ་ཏུ་མང་བ་བྱུང་བ་དེ་དག་རྣམས་ལས་ཀྱང་ཐམས་ཅད་ལས་ཆེས་ཆེར་ལྷག་པའི་ཆུ་ཀླུང་ནི་བཞི་ཡོད་པ་ལ་འདི་ལྟ་སྟེ། མཛེས་པར་འབབ་པ་དང་།
D287.070.0061a07.01