完整藏文原文 · 德格版页 当前仅加载第 70 函德格 183b 版页；藏文 NFD、目录标记与异常页序保留在来源切片中，重复版页行以稳定序号区分。
སྤྱོད་པ་དང་སྟེན་པར་བྱེད་པ་དང་། དགེ་སློང་ཡེ་ཤེས་ཀྱི་རྒྱལ་པོ་སྟེན་པ་རྣམས་ཀྱི་ཐབས་དེ་སྙེད་ཅིག་ཏུ་འགྱུར་རོ། །དེ་ནས་དེའི་ཚེ་བཅོམ་ལྡན་འདས་འོད་སྲུང་གིས་ཚིགས་སུ་བཅད་པ་གསུངས་པ། ཇི་ལྟར། གོམས་པ་བླ་མ་ལས་ལེགས་ཉན། །དེ་བཞིན་སྡོམ་པ་རྒྱ་ཆེན་
D287.070.0183b01.01ཡིན། །ཡེ་ཤེས་རྒྱལ་པོ་བསྟེན་པས་ནི། །དྲན་བཞིན་དུ་ནི་ཚུལ་ཁྲིམས་སྟེན། །ལྷ་དང་བཅས་པའི་འཇིག་རྟེན་གྱི། །རྒྱལ་གང་བདེ་ལེགས་སྟོན་པ་པོ། །ཐ་མལ་རྒྱལ་མིན་ཤེས་བྱ་སྟེ། །སྲེད་པའི་འཆིང་བའི་སྡུག་བསྔལ་ཅན། །གང་ལ་སྡུག་བསྔལ་མི་དམིགས་པ། །དེ་ནི་
D287.070.0183b02.01འདིར་ནི་རྒྱལ་པོ་ཡིན། །གང་ཡང་སྡུག་བསྔལ་གྱིས་གཡོགས་དེ། །རྒྱལ་སྒྲ་ཇི་ལྟར་འདིར་འོས་ཡིན། །དེ་ལྟར་ཡེ་ཤེས་ཀྱི་རྒྱལ་པོ་དགེ་སློང་གིས་བསྟེན་པར་བྱའི་ཐ་མལ་པ་ནི་མ་ཡིན་ནོ། །ཀུན་ཏུ་སྟེན་པར་བྱེད་པ་ལས་བསམ་གཏན་སྒོམ་པ་ན་ཡོངས་སུ་ཉམས་པར་འགྱུར་རོ། །དེ་
D287.070.0183b03.01ཡོངས་སུ་ཉམས་པར་གྱུར་པས་སླར་ཡང་དམྱལ་བ་དང་། {ཡི་དགས་,ཡི་དྭགས་}དང་། དུད་འགྲོར་སྐྱེ་བར་འགྱུར་རོ། །གང་ལ་རྒྱལ་པོ་དེ་ལས་གྱུར་པའི་ཡུལ་གྱི་སྐྱོན་དེ་དག་སེམས་ཅན་རྣམས་ལ་ཡིན་པ་གང་གི་ཕྱིར་དགེ་སློང་གིས་གནས་སྐབས་ཐམས་ཅད་དུ་རྒྱལ་པོ་ལ་བསྟེན་པར་མི་བྱའོ། །ནགས་ན་གནས་
D287.070.0183b04.01པ་འདི་དག་རྣམས་ལ་རྣམ་པར་གཤེ་བའི་ཕྱིར་རོ། །དེའི་ཕྱིར་ཆོས་དགུ་པ་འདི་རྣམ་པར་སྨད་པར་བྱ་བ་བསམ་གཏན་སེམས་པ་ན་བར་ཆད་བྱེད་པ་ཡིན་ནོ། །གཞན་ཡང་ཆོས་བཅུ་པ་རྣམ་པར་སྨད་པ་བསམ་གཏན་སྒོམ་པ་ནི་བར་དུ་གཅོད་པར་བྱེད་པ་འདི་ཡང་གང་ཞེ་ན། འདི་ལྟ་སྟེ། བདེ་བར་
D287.070.0183b05.01ཕེའུ་འདེབས་པ་ཞེས་བྱ་བ་རོ་རྣམས་བྱེད་པ་པོ་ཡིན་ནོ། །གལ་ཏེ་དུས་རིང་བ་ནས་ཡུལ་ལ་འགྲོ་བས་རབ་ཏུ་རྒྱུ་བ་སྤངས་པར་གྱུར་པ་རྣམས་ལྗོངས་རྒྱུ་བས་ཉེ་བར་འགྲོ་བར་བྱེད་པ་ན་དགའ་བར་འགྱུར་བའི་ནགས་སམ། གནས་ཀྱང་ཀུན་ཏུ་བཏང་ནས་ཡུལ་དག་ཏུ་རྒྱུན་མི་འཆད་པར་ཉེ་བར་ཀུན་ཏུ་འགྲོའོ། །
D287.070.0183b06.01དེ་དེ་དག་རྣམས་ཀུན་ཏུ་འགྲོ་བ་ན་བག་མེད་པའི་སྤྱོད་པས་སྟེན་པར་བྱེད་པས་དེ་ཁྱིམ་ནས་ཁྱིམ་རྣམས་སུ་དང་། གྲོང་ནས་གྲོང་དང་། ཚོང་འདུས་ནས་ཚོང་འདུས། གྲོང་ཆུང་ནས་གྲོང་ཆུང་། གྲོང་ཁྱེར་ནས་གྲོང་ཁྱེར་རྣམས་སུ་ཀུན་ཏུ་འགྲོ་བར་བྱེད་དེ། ཇི་ལྟར་ཡུལ་ལྗོངས་རྣམས་སུ་ཚོགས་པ་
D287.070.0183b07.01