完整藏文原文 · 德格版页 当前仅加载第 70 函德格 27b 版页；藏文 NFD、目录标记与异常页序保留在来源切片中，重复版页行以稳定序号区分。
ཚོགས་རྣམས་ཀྱིས་རྣམ་པར་བཀྲ་བར་བྱས་པ་ཨིན་དྲ་ནཱི་ལ་དང་སེར་པོ་དང་དམར་པོ་རྣམས་ཀྱིས་དབྱིབས་སྣ་ཚོགས་པ་གསལ་བར་བྱས་པས་རྣམ་པར་བཀྲ་བར་གྱུར་པའི་བྱ་ཆུ་ལ་རྒྱུ་བ་རྣམས་ཀྱིས་ཀྱང་ཐེན་ཀོར་རྣམས་ཡོངས་སུ་སྐོར་བ་དེ་དག་རྣམས་ཀྱང་ལྷ་དེས་མཆོག་ཏུ་དགའ་བའི་ཡིད་ཀྱིས་
D287.070.0027b01.01ལྟ་བར་བྱེད་དོ། །དེ་ནས་ཐམས་ཅད་དུ་ལྷའི་ཚོགས་རྣམས་མཐོང་བ་ནི་རྒྱུན་མི་འཆད་པར་ཆུ་ལ་འཇུག་པ་རྣམས་དང་རྒྱུན་མི་འཆད་པར་ནམ་མཁའ་ལ་རྒྱུ་བ་རྣམས་དང་། རྟག་ཏུ་ཆུ་ལ་རྒྱུ་བའི་བྱ་རྣམས་དང་ལྷའི་ཚོགས་རྣམས་དང་ཆུའི་ནང་ན་རྒྱུ་བ་མཆོག་ཏུ་དཔེ་མེད་པའི་གཟུགས་
D287.070.0027b02.01རྣམས་ལ་ལྟ་བར་བྱེད་པ་དང་སྔོན་གྱི་དགེ་བའི་འབྲས་བུ་རྣམས་ཡིན་པར་རྗོད་པར་ཡང་བྱེད་དེ། དེ་ཡང་ཇི་ལྟར། ལྟ་བྱེད་རྒྱ་མཚོ་འདི་ལ་ནི། །གཟུགས་ཀྱིས་ངོམས་པ་ཡོད་མ་ཡིན། །དེ་བཞིན་ཡིད་དུ་འོང་བའི་རོ། །རོས་ཀྱང་ངོམས་པ་ཡོད་མ་ཡིན། །སྣ་ཡང་རྟག་ཏུ་དྲི་
D287.070.0027b03.01ཡིས་ནི། །ངོམས་པར་འགྲོ་བ་མ་ཡིན་ནོ། །རེག་བྱ་བདེ་དང་ལྡན་པ་ཡི། །རེག་བྱས་ལུས་གང་ངོམས་ཡོད་མིན། །ཤིན་ཏུ་སྙན་ཅིང་དགའ་བའི་སྒྲས། །འདི་ཡི་རྣ་བ་ངོམས་ལྡན་མིན། །ཡིད་ཀྱང་ངོམས་པར་མཐོང་མིན་ཏེ། །དེ་བཞིན་ཆོས་ཀྱིས་ཀྱང་ངོམས་མིན། །དབང་པོ་
D287.070.0027b04.01དྲུག་ཀྱང་འགྱུར་ལྡོག་གི། །ཐག་པས་བཟུང་ཞིང་དཀྲིས་ནས་ནི། །འདོད་པའི་ས་ལ་རྣམ་མང་དུ། །རྟག་ཏུ་སྐྲག་ཅིང་འཁོར་བར་བྱེད། །འབར་བ་ལ་ནི་རྩྭ་བཞིན་དུ། །ལྷ་རྣམས་ལ་ནི་ངོམས་ཡོད་མིན། །མི་རྣམས་ཀྱི་ནི་རང་བཞིན་འདི། །གང་ཞིག་ངོམས་པ་མེད་པ་ཡི། །དབང་པོ་
D287.070.0027b05.01དྲུག་མེ་གདུག་པ་ནི། །རྣམ་རྟོག་རླུང་གིས་བརྒྱལ་བ་ཡིན། །གང་ཡང་འཇིག་རྟེན་འདི་ཚིག་པ། །བློ་གྲོས་མེད་པས་མ་རིག་གོ། །བག་མེད་རྣམས་ཀྱི་ས་འདི་ན། །ཆོས་ཀྱི་ལམ་ལ་མི་སྟེན་རྣམས། །དགའ་བའི་ཡུལ་གྱི་སྤྱོད་ཡུལ་ལས། །རང་ཉིད་བག་མེད་ཆགས་བྲལ་གྱིས། །
D287.070.0027b06.01དེ་ལྟར་ལྷ་དེ་དག་རྣམས་ཀྱིས་སྔོན་བྱས་པའི་རྣམས་དྲན་པས་སྐྱེ་བ་གཞན་དྲན་ནས་ཅི་ལྟ་བ་བཞིན་དུ་ཚིགས་སུ་བཅད་པ་བརྗོད་པ་ཡིན་ནོ། །སླར་ཡང་རང་བཞིན་གྱིས་ཡུལ་རྣམས་ལ་སྲེད་པས་འཁྲིད་པར་འགྱུར་ཏེ། འདོད་པའི་ཡུལ་རྣམས་ཤིན་ཏུ་གཡོ་བར་གྱུར་པའི་སྒྲ་དང་། རེག་
D287.070.0027b07.01