完整藏文原文 · 德格版页 当前仅加载第 70 函德格 279b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་ལྷ་དེ་དག་རྣམས་ལྷ་མོ་དང་ལྷན་ཅིག་ཏུ་བཅས་པ་རྣམས་ཀྱི་ཚད་དང་ཁ་དོག་དང་དབྱིབས་རྣམས་ཉེ་བར་བཅོམ་མོ། །དེ་བཞིན་དུ་ཡན་ལག་ལྔ་དང་ལྡན་པའི་ཡུལ་གྱི་བདེ་བ་རྣམས་ཀྱིས་ནི་ཡན་ལག་ལྔ་དང་ལྡན་པའི་ཡུལ་གྱི་བདེ་བ་རྣམས་ཉེ་བར་བཅོམ་མོ། །ཇི་ལྟ་ཇི་ལྟར་ངོ་བོ་ཉིད་ཀྱི་ལྷ་རྣམས་
D287.070.0279b01.01ཀྱི་རྒྱགས་པ་ཆེན་པོ་ཐམས་ཅད་ཆུང་ངུན་དུ་བྱས་པར་འགྱུར་ཏེ། ཐབས་རྣམས་ཐམས་ཅད་ཀྱིས་གང་གི་ཚེ་ལྷ་དེ་དག་དང་ངོ་བོ་ཉིད་ཀྱི་ལྷ་དེ་དག་རྣམས་རྣམ་པར་འདྲེ་བར་འགྱུར་བ་དེའི་ཚེ་ནའོ། །དེ་ལྟར་དེ་དག་རྣམས་ཀྱིས་ངོ་བོ་ཉིད་ཀྱི་ལྷ་རྣམས་ཀྱི་གཟི་བརྗིད་དེ་དག་དེ་བཞིན་དུ་ཟིལ་གྱིས་
D287.070.0279b02.01གནོན་ཏེ། ཇི་ལྟར་འཛམ་བུའི་གླིང་དུ་ཉི་མ་ཤར་བར་གྱུར་ན། གཟའ་དང་སྐར་མ་དང་རྒྱུ་སྐར་རྣམས་ཀྱི་གཟི་བརྗིད་ཉམས་པར་བྱེད་དོ། །དེ་བཞིན་དུ་སྤྲུལ་པའི་ལྷ་དེ་དག་རྣམས་ཀྱིས་ལྷ་རྣམས་ཐམས་ཅད་ཀྱི་འོད་ཟེར་ཟིལ་གྱིས་གནོན་ནོ། །ཇི་ལྟར་ལྷ་རྫས་ཀྱི་རོལ་མོ་རྣམས་
D287.070.0279b03.01ཀྱིས་མི་རྣམས་ཟིལ་གྱིས་གནོན་པར་བྱེད་པ་དེ་བཞིན་དུ་རོལ་མོ་རྣམས་ཀྱང་མངོན་པར་ཟིལ་གྱིས་གནོན་ནོ། །གླུ་རྣམས་ཀྱང་དེ་བཞིན་དུ་ཟིལ་གྱིས་གནོན་ནོ། །ཚད་དང་མདོག་དང་དབྱིབས་རྣམས་ཀྱང་དེ་བཞིན་དུ་ཟིལ་གྱིས་གནོན་ཏེ། ཇི་ལྟར་འཐབ་བྲལ་བས་མི་རྣམས་ཟིལ་
D287.070.0279b04.01གྱིས་གནོན་པ་བཞིན་ནོ། །དེ་ནས་ངོ་བོ་ཉིད་ཀྱི་ལྷ་དེ་དག་རྣམས་ངོ་ཚ་བ་དང་བཅས་པས་གང་ན་དེ་མཚོ་ཆེན་པོ་དེ་ཡོད་པའི་འགྲམ་དེར་ཉེ་བར་འགྲོ་བར་བྱེད་དེ། ངོ་ཚ་བ་དང་ངོ་མཚར་བར་གྱུར་པ་དང་བཅས་པའི་ཡིད་ཀྱིས་སོ། །དེ་ནས་སྤྲུལ་པའི་ལྷ་དེ་དག་རྣམས་མཚོ་དེའི་གང་ན་
D287.070.0279b05.01པད་མ་ཆེན་པོ་ཡོད་པ་ཡིན་པ་དེ་དང་ཉེ་བར་མངོན་པར་གནས་ནས་གླུ་ལེན་པར་བྱེད་པར་གྱུར། གར་བྱེད་པར་གྱུར། དགོད་པར་གྱུར་པས་ཀྱང་ལྷ་རྫས་ཀྱི་འདོད་པའི་ཡོན་ཏན་ལྔ་ཕུན་སུམ་ཚོགས་པར་གྱུར་པའི་བདེ་བ་རྣམས་དང་ཡང་དག་པར་ལྡན་པས་མཚོ་དེའི་སྟེང་གི་པད་མ་ཆེན་
D287.070.0279b06.01པོའི་འདབ་མ་རྣམས་ཀྱི་བར་དུ་སོང་ནས་གར་བྱེད་པ་དང་། དགོད་པར་བྱེད་པ་དང་། འགྱིང་བར་བྱེད་པ་དང་། ཕན་ཚུན་གྲོགས་བྱེད་པས་ཀྱང་རྒྱགས་པ་ལ་དོན་གཅིག་པ་རྣམས་ཡིན་ཏེ། འཐབ་བྲལ་བ་རྣམས་ལས་ཆེས་ལྷག་པའི་ལུས་ཅན་དེ་དག་རྣམས་ཀྱིས་རང་བཞིན་གྱི་
D287.070.0279b07.01