完整藏文原文 · 德格版页 当前仅加载第 70 函德格 280a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་རྣམས་ལ་ཕན་པར་བྱ་བའི་དོན་དུ་དེའི་ཚེ། ཚིགས་སུ་བཅད་པ་མངོན་པར་བསྙད་པ་གླུ་དང་ལེགས་པར་འདྲེས་པ་རྣམས་བཤད་པ། ཇི་ལྟར། ལྷ་ཡི་བདེ་བ་ཐམས་ཅད་ནི། །ལས་དང་ཆ་འདྲ་མཐོང་བ་ཡིན། །གསོན་པ་དང་ནི་བདེ་བ་ཡང་། །ལས་ཟད་
D287.070.0280a01.01པས་ནི་འཇིག་པ་ཡིན། །དེ་ཕྱིར་རྣམ་པ་དུ་མའི་བདེ། །ཇི་སྲིད་ཟད་པར་མ་གྱུར་པ། །དེ་སྲིད་དུ་ནི་བསོད་ནམས་ཀྱིས། །བསོད་ནམས་མ་བྱས་ལས་སྡུག་བསྔལ། །གསོན་ཚེ་མྱུར་བ་ཉིད་དུ་འགྲོ། །ལང་ཚོ་མྱུར་བར་འགྲོ་བ་ཡིན། །འཆི་བདག་མྱུར་བ་ཉིད་འོང་གིས། །
D287.070.0280a02.01བག་མེད་པ་ལ་དགའ་མ་བྱེད། །ལུས་ཅན་ཀུན་གྱི་བདེ་བ་ཀུན། །འཇིག་པའི་རྒུད་པར་འགྱུར་བ་ཡིན། །གསོན་པ་ཡང་ནི་མཐར་འཇོམས་ན། །བག་མེད་ལ་ནི་དགའ་མ་བྱེད། །དབང་པོ་རྣམས་ཀྱི་སྤྱོད་ཡུལ་ལ། །མི་སྐྱེ་བར་ནི་བྱ་མི་ནུས། །དབང་རྣམས་རང་གི་སྤྱོད་
D287.070.0280a03.01ཡུལ་ལས། །གང་ཕྱིར་ཤེས་པས་ཟློག་པར་བྱེད། །དེ་ཕྱིར་རྟག་ཏུ་ཤེས་པ་བསྟེན། །ཤེས་པ་ཡོངས་སུ་སྤོང་བ་དང་། །སྐྱོན་རྣམས་རྟག་ཏུ་སྤོང་མི་འགྱུར། །དེ་ནི་དོན་མིན་མྱུ་གུ་ཡིན། །བག་མེད་པ་ལས་འདོད་ཆགས་སྐྱེ། །འདོད་ཆགས་ལས་ནི་སྡུག་བསྔལ་འབྱུང་། །
D287.070.0280a04.01སྡུག་བསྔལ་གྱིས་བསྒྲུབས་སྐྱེ་བ་འདི། །དེ་དག་འཁོར་བའི་ལམ་ཡིན་ནོ། །བག་མེད་ཡོངས་སུ་སྤངས་པ་གང་། །ཡུལ་འདི་སྟེན་པར་མི་བྱེད་པ། །དེ་ལ་སྐྱོན་ནི་མི་དམིགས་ལ། །སྐྱོན་གྱི་དངོས་པོ་གྲོལ་བ་ཡིན། །སྡུག་བསྔལ་ལྗོན་ཤིང་རྩ་བར་ནི། །བག་མེད་
D287.070.0280a05.01འདི་གཅིག་རྣམ་པར་གནས། །བག་མེད་པ་ལ་མཆོག་གྱུར་པས། །སྐྱེ་འདི་ལམ་ནི་ཐམས་ཅད་འཇོམས། །གཟུགས་ནི་རྟག་པ་མཐོང་བ་མེད། །མཉམ་དུ་འགྲོ་བའི་བདེ་བ་མེད། །སྲིད་ནས་སྲིད་པར་དངོས་པོ་འདིའི། །ཀུན་ཐོབ་པ་ཡང་རྣམ་འཇིག་འགྱུར། །ཡུལ་
D287.070.0280a06.01ནི་འཆིང་བ་རྣམས་ཀྱི་རྒྱུ། །ཇི་ལྟ་ཇི་ལྟར་བསྟེན་བྱས་པ། །དེ་ལྟ་དེ་ལྟར་རྣམ་འཕེལ་ཏེ། །བུད་ཤིང་ལས་ནི་མེ་ཇི་བཞིན། །ངོམས་པ་མེད་པའི་སྡུག་བསྔལ་འདི། །འདི་ནི་བདེ་བར་འདིར་མི་བརྗོད། །འཁོར་བ་ལས་ནི་ཁ་ལོག་པའི། །གང་ཞིག་སྲེད་བྲལ་དེ་བདེ་ཡིན། །
D287.070.0280a07.01