完整藏文原文 · 德格版页 当前仅加载第 70 函德格 244a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་དུ་ནོར་ལ་འདོད་པ་མི་སྐྱེད་དེ་ཇི་ལྟར་སྐྱེ་དགུ་རྣམས་ལ་སྙན་གྲགས་སུ་འགྱུར་བར་རྒྱལ་པོ་དེས་སྒྱུར་བར་བྱེད་དོ། །དགྲ་རྣམས་ཀྱིས་ཀྱང་མི་ཐུབ་པ་དང་འཇུ་བར་ཡང་འགྱུར་རོ། །རྒྱུ་བཅུས་སྙན་གྲགས་ཅན་འཐོབ་པར་འགྱུར་ཏེ། བཅུ་པོ་གང་ཞེ་ན།
D287.070.0244a01.01འདི་ལྟ་སྟེ། ཚིག་སྙན་པར་གྱུར་པ་དང་། རྒྱལ་པོ་ཡང་ཀུན་འགྱེད་པའི་རང་བཞིན་ཅན་དང་། རྐོ་ཏྲོག་ཅན་མ་ཡིན་པ་དང་། ཤིན་ཏུ་རིང་དུ་རྟོགས་པར་གྱུར་པའི་བདེ་བར་སྟེན་པ་དང་། དུས་སུ་རབ་ཏུ་སྦྱིན་པ་གཏོང་བ་དང་། བྲན་དང་ནོར་བླ་མ་དང་། སྐྱེ་བོ་བཟང་
D287.070.0244a02.01པོ་དང་མགོན་མེད་པ་རྣམས་ལ་ཆ་ཤས་འགོད་པར་བྱེད་པ་དང་། གཙང་མའི་རབ་ཏུ་སྤྱོད་པ་དང་ལྡན་པ་དང་། གནོད་པར་མི་བྱེད་པ་དང་། ལོག་ལྟ་ཅན་མ་ཡིན་པ་དང་། རྒྱུ་བཅུ་པོ་དེས་སྙན་པ་ཐོབ་པར་འགྱུར་རོ། །རྒྱུ་དེ་དག་ཐམས་ཅད་འདིས་རབ་ཏུ་བྱེད་པར་
D287.070.0244a03.01འགྱུར་ཞིང་གཞན་ཡང་བྱེད་དུ་འཇུག་པ་དང་། དེས་རྒྱུ་དེ་དག་བྱེད་པར་གྱུར་པ་ན་སྙན་པ་ཡང་འཐོབ་བོ། །རྒྱལ་འབངས་ཀྱང་ཡང་དག་པར་སྐྱོང་བར་བྱེད་དོ། །ཆོས་བྱེད་དུ་ཡང་འགྱུར་རོ། །གཞན་གྱིས་ཀྱང་གདུལ་བར་མི་ནུས་སོ། །བདེ་བར་སྟེན་པར་ཡང་འགྱུར་
D287.070.0244a04.01རོ། །མིའི་འཇིག་རྟེན་དུ་དུས་ཤིན་ཏུ་རིང་བར་རྒྱལ་པོ་བྱས་ནས་རྒྱུ་དེ་དང་རྐྱེན་དེས་ལུས་ཞིག་པར་གྱུར་པ་ན་མཐོ་རིས་བདེ་འགྲོའི་འཇིག་རྟེན་འཐབ་བྲལ་གྱི་ལྷ་རྣམས་ཀྱི་མངའ་བདག་ཏུ་འགྱུར་རོ། །ཆོས་གཞན་ཡང་རབ་ཏུ་སྤངས་པར་གྱུར་པ་ན། རྒྱལ་པོ་རྒྱལ་རིགས་སྤྱི་
D287.070.0244a05.01བོ་ནས་དབང་བསྐུར་བ་ཡང་དག་པར་སྐྱེ་དགུ་སྐྱོང་བར་འགྱུར་ལ། དེ་བཞིན་དུ་མཐོང་བའི་ཆོས་ལ་རྟག་པར་རབ་ཏུ་བསྔགས་པར་ཡང་འགྱུར་རོ། །ལུས་ཞིག་ནས་ཀྱང་ཤི་བའི་འོག་ཏུ་མཐོ་རིས་ཀྱི་འཇིག་རྟེན་འཐབ་བྲལ་བའི་ལྷ་རྣམས་ཀྱི་མངའ་བདག་ཏུ་འགྱུར་རོ། །ཆོས་
D287.070.0244a06.01འདི་ཡང་གང་ཞེ་ན། འདི་ལྟ་སྟེ། ལོག་པར་ལྟ་བའོ། །ལོག་པར་ལྟ་བ་ཞེས་བྱ་བ་ཉེས་པ་ཐམས་ཅད་ཀྱི་གཞིར་གྱུར་པ་ཡང་དག་པ་མ་ཡིན་པ་ཕྱིན་ཅི་ལོག་གི་ལྟ་བ་རྒྱུ་དང་རྐྱེན་ཐམས་ཅད་ལ་གཤེ་བར་བྱེད་པ། མི་དད་པར་བྱེད་པའོ། །དེ་གཞི་དེ་ལ་རབ་ཏུ་གནས་པར་
D287.070.0244a07.01