完整藏文原文 · 德格版页 当前仅加载第 70 函德格 279a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱད་པར་གྱིས་ལྷ་གཞན་དེ་དག་རྣམས་ནི་བཅུར་བྱས་པའི་ཆ་ཙམ་དུ་ཡང་འགྱུར་བ་མ་ཡིན་ནོ། །རིམ་པ་ཐམས་ཅད་ཀྱིས་གཟུགས་དང་ལང་ཚོ་དང་ཚད་དང་མདོག་དང་དབྱིབས་དང་དགོད་པ་དང་འགྱིང་བག་དང་གླུ་དང་གར་དང་རྩེད་མོའི་ཡང་རིམ་པ་རྣམས་ཀྱི་རིམ་པ་
D287.070.0279a01.01རྣམས་ཐམས་ཅད་ཀྱིས་ཀྱང་ཅུང་ཟད་མཛེས་པ་མ་ཡིན་ནོ། །རྣམ་པ་དེ་སྲིད་དུ་སྤྲུལ་པ་དེ་དག་རྣམས་ཕལ་ཆེར་ནི་གྲིབ་མ་སྔོན་པོའི་རི་དེ་ལ་སྟེ། ཉེ་འཁོར་ཀུན་ནས་བཻ་ཌཱུརྱའི་རང་བཞིན་ཡིན་པ་རྣམས་ནི་སྔ་མ་བཞིན་ནོ། །དེ་ནས་རིའི་མཆོག་གང་ཡིན་པ་དེའི་རྩེ་མོ་དང་། ཐམས་ཅད་
D287.070.0279a02.01མཆོག་ཏུ་གྱུར་པ་དེ་དག་རྣམས་ལས་སྤྲུལ་པའི་ལྷ་དེ་དག་རྣམས་དང་། ལྷ་མོ་དག་ཀྱང་གླུ་ལེན་པར་གྱུར་པས་ཡན་ལག་ལྔ་དང་ལྡན་པར་གྱུར་པའི་རོལ་མོ་རྣམས་ཀྱང་མཉམ་པ་དང་ཆགས་པར་བྱེད་པ་དང་། སྙན་པར་གྱུར་པ་རྣམས་བྱེད་ཅིང་། གང་ན་རང་བཞིན་གྱི་ལྷ་དེ་དག་
D287.070.0279a03.01རྣམས་གར་བྱེད་པ་དང་། འགྱིང་བར་བྱེད་པས་སྐྱེད་མོས་ཚལ་གྱི་ལྟད་མོ་བྱེད་པ་དེར་ལྷ་མོ་དེ་དག་རྣམས་དང་ལྷ་དེ་དག་རྣམས་རིམ་གྱིས་འཇུག་གོ། །དེ་ནས་ལྷ་དེ་དག་རྣམས་ཀྱིས་སྤྲུལ་པ་དེ་དག་གི་གླུའི་སྒྲ་རྣམས་ཐོས་པར་གྱུར་པ་དང་། བཅུ་འགྱུར་གྱིས་ཤིན་ཏུ་སྙན་པར་
D287.070.0279a04.01གྱུར་པ་ནི། སྔ་མ་བཞིན་ཏེ་རང་བཞིན་གྱི་ལྷ་དེ་དག་རྣམས་རྩེ་དགའ་བ་ལ་མཆོག་ཏུ་ཡང་ཞུགས་པ་དང་། ལྷ་མོ་དེ་དག་རྣམས་ཀྱིས་ཀྱང་དེ་ཁོ་ན་བཞིན་དུ་རྩེས་པར་གྱུར་ཏོ། །དེ་ནས་སྤྲུལ་པའི་ལྷ་དེ་དག་རྣམས་ཀྱིས་དལ་བུ་དལ་བུས་ལེགས་པར་བབས་ཏེ། དེ་ནས་ཕན་ཚུན་དུ་གང་
D287.070.0279a05.01གི་ཚེ་ཁྱད་པར་ཞུགས་པར་མཐོང་བར་གྱུར་པ་དེའི་ཚེ་རང་བཞིན་གྱི་ལྷ་དེ་དག་རྣམས་ནི་སྤྲུལ་པ་དེ་དག་རྣམས་ཀྱི་ཁྱད་པར་གྱིས་ཚུལ་ཐམས་ཅད་ཀྱིས་མི་མཛེས་སོ། །གཟུགས་ལྷག་པས་ནི་གཟུགས་ཀྱི་རྒྱགས་པ་ཉེ་བར་བཅོམ་མོ། །དེ་དག་རྣམས་ཀྱིས་བྱས་པའི་ཆ་བྱད་དུ་བྱས་པ་རྣམས་
D287.070.0279a06.01བཅོམ་མོ། །འོད་རྣམས་ཀྱིས་ནི་རང་གི་ལུས་ལས་ཀུན་དུ་འབྱུང་བའི་འོད་རྣམས་བཅོམ་མོ། །སྤྲུལ་པའི་གླུའི་དབྱངས་རྣམས་ཀྱིས་ནི་ངོ་བོ་ཉིད་ཀྱི་གླུའི་གདངས་རྣམས་ཉེ་བར་བཅོམ་མོ། །དྲི་རྣམས་ཀྱིས་ནི་དྲི་རྣམས་བཅོམ་མོ། །སྤྲུལ་པའི་ཚད་དང་ཁ་དོག་དང་དབྱིབས་རྣམས་ཀྱིས་
D287.070.0279a07.01