完整藏文原文 · 德格版页 当前仅加载第 70 函德格 265b 版页；藏文 NFD、目录标记与异常页序保留在来源切片中，重复版页行以稳定序号区分。
བྲན་དང་པད་མའི་རྫིང་བུ་དང་ནགས་དེ་དག་རྣམས་ཀྱི་བདེ་བ་རྒྱ་ཆེན་པོ་རྣམས་ལ་ལོངས་སྤྱོད་པར་བྱེད་པས་ལྷ་དང་ལྷ་མོའི་ཚོགས་ཀྱི་བདེ་བ་དང་ཉེ་བར་ལྡན་པ། རང་གི་འོད་དང་ལྡན་པའི་ལྷ་དང་ལྷ་མོའི་ཚོགས་ཀྱིས་ཡོངས་སུ་བསྐོར་བ་དེ་དག་རྣམས་དང་དགའ་བར་བྱེད་དོ། །ཡུལ་
D287.070.0265b01.01ནས་ཡུལ་དང་ཉེ་བའི་ནགས་ནས་ཉེ་བའི་ནགས་དང་ཆེས་དགའ་བར་གྱུར་པ་ནས་ཆེས་དགའ་བར་གྱུར་པ་དག་དང་རིན་པོ་ཆེ་བདུན་གྱི་རང་བཞིན་གྱི་རྩེ་མོ་རྣམས་ནས་རིན་པོ་ཆེ་བདུན་གྱི་རང་བཞིན་གྱི་རྩེ་མོ་རྣམས་སུ་འདོད་པའི་སྲེད་པ་རྣམ་པར་ངོམས་པ་མེད་པ་རྣམས་ཀྱིས་རྣམ་པར་རྒྱུ་
D287.070.0265b02.01བར་བྱེད་དོ། །དེ་དག་གིས་སྔ་ན་མེད་པའི་པད་མའི་རྫིང་བུ་མཛེས་པ་རྣམས་རྟག་ཏུ་ལེགས་པར་མཐོང་བ་དང་གླུའི་སྒྲ་རྣམས་ལ་ཡང་ཤིན་ཏུ་ཆགས་པ་དང་། ལྷ་རྫས་ཀྱི་རོ་ལ་མྱོང་བར་བྱེད་པ་དང་ལྷ་རྫས་ཀྱི་གོས་དང་སྨད་གཡོགས་དག་གིས་ཁྱབ་པར་བྱས་པ་དང་། ལྷ་རྫས་ཀྱི་དྲི་ཡིད་ཀྱི་རྗེས་
D287.070.0265b03.01སུ་འཐུན་པ་རྣམས་སྣོམ་པར་བྱེད་པས་ཀྱང་དུས་ཡུན་རིང་བ་ལས་ཀྱང་རིང་བར་འགྲོ་བར་བྱེད་དོ། །འདོད་པ་ཀུན་ནས་སད་པ་དེ་དག་རྣམས་ནི་ཕན་ཚུན་དུ་སྙིང་ཀུན་ནས་ཆགས་པ་རྣམས་ཡིན་ནོ། །ཕན་ཚུན་དུ་སྙིང་ཀུན་ནས་ཆགས་པ་དེ་དག་རྣམས་ལ་འདོད་པ་ལས་ལེགས་པར་སད་པར་
D287.070.0265b04.01བྱེད་པ་ཞེས་བྱ་བའི་བྱ་དག་གིས་ཚིགས་སུ་བཅད་པ་བརྗོད་པ་ཇི་ལྟར། ཐམས་ཅད་ཐམས་ཅད་འབྱུང་ཐམས་ཅད། །ཕུང་པོ་གསུམ་དུ་ངེས་པར་འགྱུར། །བྱིས་པ་རྣམས་ཀྱང་འཁོར་བ་ལ། །ཀུན་ནས་སྐྱོ་བ་སྐྱེ་བའང་མིན། །ཐམས་ཅད་ཐམས་ཅད་དུ་ཐམས་ཅད། །དུ་མའི་ཐབས་
D287.070.0265b05.01ཀྱིས་རབ་བརྩོན་པས། །འཆི་བདག་དུས་ནི་མི་བཟད་པ། །བྱུང་བ་ལ་ནི་སྐྱབས་ཡོད་མིན། །རྒྱུན་ཆད་བདེ་བ་ཐམས་ཅད་རྣམས། །སྡུག་བསྔལ་འབྱུང་གནས་ཆེན་པོ་རྣམས། །འབྲེལ་བ་ཐམས་ཅད་འབྲལ་བྱེད་པ། །འཆི་བདག་ཞེས་ནི་མངོན་པར་བརྗོད། །འབྱུང་གནས་
D287.070.0265b06.01འཇིགས་པར་ཉེར་ཁྲིད་པའི། །སྡུག་བསྔལ་རྣམས་ནི་རྒྱ་མཚོ་མཚུངས། །བློ་རྣམས་རྣམ་པར་རྨོངས་བྱེད་པ། །འཆི་བདག་ཅེས་ནི་འདི་ལ་བརྗོད། །སྲོག་དང་རེ་ཐག་ཀུན་ནས་གཅོད། །དབང་པོ་རྣམས་ཀྱང་འཇིགས་བྱེད་པ། །སེམས་ཅན་ཀུན་གྱིས་བཟློག་མི་ནུས། །
D287.070.0265b07.01