完整藏文原文 · 德格版页 当前仅加载第 70 函德格 94b 版页；藏文 NFD、目录标记与异常页序保留在来源切片中，重复版页行以稳定序号区分。
གིས་དེ་ལས་བཟློག་པར་སྦྱིན་པར་བྱའོ། །གཞན་ཡང་སྦྱིན་པ་དྲི་མ་ཅན་རྣམས་ཡོད་དོ། །དེ་དག་གང་ཞེ་ན། འདི་ལྟ་སྟེ། གཏི་མུག་གིས་སྦྱིན་པ་དང་། གྱ་གྱུ་ལ་སོགས་པས་སོ། །གཞན་ཡང་སྦྱིན་པ་དྲི་མ་ཅན་རྣམས་ཡོད་དོ། །མཆོད་པས་ཀྱང་མཆོད་པ་པོ་ཞེས་བྱ་
D287.070.0094b01.01བ་གང་གིས་ཚུལ་ཁྲིམས་དང་ཤེས་རབ་དང་རབ་ཏུ་ཞི་བའི་བསམ་གཏན་རྣམས་ནི་མི་སྒོམ་གྱི་གཞན་མཆོད་པ་འབའ་ཞིག་བྱེད་དེ། དེ་ནི་གཞན་གྱི་རྐྱེན་གྱིས་འདིར་ཀུན་མཆོད་པར་བྱེད་དེ། དེ་སེམས་པ་དང་ཡང་བྲལ་བ་ཡིན་ནོ། །དེའི་ཚེ་འདི་དག་ཡང་དྲི་མ་ཅན་ཡིན་ནོ། །གཞན་
D287.070.0094b02.01ཡང་སྦྱིན་པ་དྲི་མ་ཅན་རྣམས་ཡོད་དེ། འདི་ལྟར་ངོར་བྱས་ནས་སྟེར་བར་བྱེད་པའོ། །དེ་ལ་འདི་དག་ཀྱང་དྲི་མ་ཅན་ཡིན་ནོ། །གཞན་ཡང་སྦྱིན་པ་དྲི་མ་ཅན་རྣམས་ཡོད་དེ། ནོར་གྱི་ཐབས་ཀྱི་དབང་དུ་བྱས་ནས་སྟེར་བའོ། །ཇི་ལྟར་སྦྱིན་པ་དེས་བདག་གི་ནོར་གྱི་ཐབས་ཀྱིས་
D287.070.0094b03.01ནོར་ཉེ་བར་འཛིན་ཏེ། འདི་ཡིད་ཆེས་པ་བསྐྱེད་ལ་བདག་གིས་གཞོམ་པར་བྱའོ། །དེ་ལ་འདི་ཡང་སྦྱིན་པའི་དྲི་མ་ཡིན་ནོ། །གཞན་ཡང་སྦྱིན་པ་དྲི་མ་ཅན་ཡོད་དེ། འདི་ལྟ་སྟེ། དབྱེ་བའི་དོན་དུ་སྟེར་བའོ། །ཇི་ལྟར་འདི་ན་བདག་གི་བུད་མེད་དུ་བྱས་པས་དེ་དང་དེའི་རྩ་ལག་
D287.070.0094b04.01ཏུ་སྔོན་གྱུར་པ་ཞེས་བྱས་ལ་དེ་གཞོམ་པར་བྱའོ་སྙམ་པའོ། །དེ་ལ་འབྱེད་པར་བྱེད་པ་དེ་དག་རྣམས་ནི་དྲི་མའི་དབང་དུ་གྱུར་པར་མཐོང་བ་ཡིན་ནོ། །གཞན་ཡང་དྲི་མས་ཉེ་བར་བཅོམ་པར་གྱུར་པའི་སྦྱིན་པ་ཡོད་དེ། འདི་ལྟ་སྟེ། འབྲེལ་པའི་དོན་གྱི་སྦྱིན་པ་བུད་མེད་གང་དག་
D287.070.0094b05.01སྐྱེས་པའི་དོན་དུ་འབྲེལ་བར་བྱེད་པས་སྐྱེས་པས་སྐྱེས་པ་རྣམས་ལ་སྦྱིན་པར་བྱེད་དོ། །དེ་ལ་དེ་དག་ནི་དྲི་མས་ཉེ་བར་བཅོམ་པའི་སྦྱིན་པ་ཡིན་ནོ། །གཞན་ཡང་དྲི་མས་ཉེ་བར་བཅོམ་པར་གྱུར་པའི་སྦྱིན་པ་རྣམས་ནི་དཔེར་ན་གང་དག་ཚོང་གི་རྒྱུ་མཚན་གྱིས་གཞན་དུ་ཡང་ཟས་འཛིན་
D287.070.0094b06.01ནམ། རྒྱུ་མཚན་གཞན་དུ་ཡང་ཟས་འཛིན་ནམ། རྒྱུ་མཚན་གཞན་ལོ་ལྔ་པར་ཡང་རུང་སྟེ། ཟས་དེ་དག་རྣམས་ཉིད་ཀྱང་གོང་ཆེན་པོས་སྟེར་བར་བྱེད་དེ། བསྡུ་བའི་དོན་དུའོ། །དེ་དག་རྣམས་ལ་ཉེ་བར་བྱིན་ནས་ཀྱང་རྫས་ཀྱིས་ཁྱིམ་བྱེད་དོ། །དེ་ལས་དེ་དག་རྣམས་སོག་པའི་
D287.070.0094b07.01