完整藏文原文 · 德格版页 当前仅加载第 70 函德格 45b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཡིན་ཏེ། ནགས་དང་ཉེ་བའི་ནགས་དང་། པད་མའི་ཚལ་རྣམས་ཀྱི་གྲིབ་མའི་ཚོགས་ཀྱིས་ཚོགས་པ་དེ་དག་ཐམས་ཅད་ཤིན་ཏུ་གསལ་བར་མཐོང་ངོ་། །ཡང་ལྷ་གང་དག་རྒྱུན་དེ་ལ་གནས་པའམ་འདྲེ་བར་བྱེད་པ་རྣམས་ཀྱང་ཀ་ཙའམ། ལྷང་ཚེར་སྲབ་མོས་བར་དུ་ཆོད་
D287.070.0045b01.01པའི་གཟུགས་བཞིན་དུ་མཐོང་ངོ་། །གཞན་ཡང་རི་དེའི་གཟི་བརྗིད་ཀྱིས་འཆི་འཕོ་བའི་དུས་སུ་རྣམ་པ་གང་གིས་ལྷ་རྣམས་དུས་བྱེད་པར་འགྱུར་བའི་རྣམ་པ་དེ་དང་དེ་དག་ཉམས་པ་མེད་པ་དང་མ་ལུས་པར་ཡང་རྒྱུན་གྱི་རི་དེ་ལ་མཐོང་བར་འགྱུར་རོ། །དེས་འགྱུར་བ་མེད་པར་འཆི་
D287.070.0045b02.01འཕོ་བ་དེ་མཐོང་ནས་ཀྱང་སྲིད་པ་ལ་ཡིད་འབྱུང་བར་འགྱུར་རོ། །བག་མེད་པ་སྤྱོད་པར་ཡང་མི་འགྱུར་རོ། །དེས་བདག་ཉིད་རྣམ་པར་འཇིག་པར་རིག་པར་འགྱུར་རོ། །དེ་ལྟ་བུའི་ཡོན་ཏན་དང་ལྡན་པའི་སར་སྐྱེ་བ་ནི་དགེ་བའི་ལས་རྣམ་པ་དུ་མ་རྣམས་ཀྱིས་ཡིན་ནོ། །དེས་ན་
D287.070.0045b03.01དེར་སྐྱེ་བའི་ལྷ་དེ་དག་རྣམས་ནི་དང་པོ་ཁོ་ན་རྒྱུན་གྱི་རི་ལ་སྐྱེ་བར་འགྱུར་རོ། །བག་མེད་པས་གནས་པར་ཡང་མི་འགྱུར་ཏེ། བདག་ཉིད་ལོག་པར་ལྟུང་བས་སོ། །དེ་གསར་དུ་སྐྱེས་པར་གྱུར་པ་ན་ནགས་དང་རྫིང་བུ་དང་སྤྲོ་བའི་པད་མའི་ནགས་ལ་རྣམ་པ་སྣ་ཚོགས་པར་མཆོག་ཏུ་དགའ་
D287.070.0045b04.01བའི་འདོད་པའི་ཡོན་ཏན་ལྔ་ཕུན་སུམ་ཚོགས་པས་རྔ་སྒྲ་དང་། ལྷའི་བུ་མོའི་ཚོགས་ཀྱིས་ཡོངས་སུ་བསྐོར་ནས་དགའ་ཞིང་ཀུན་ཏུ་སྤྱོད་པར་བྱེད་དེ། རྣམ་པ་དུ་མ་དང་རྣམ་པར་རྟོག་པ་དུ་མས་རྒྱུན་གྱི་རིའི་ནགས་རྣམས་ལ་སྔར་བཤད་པའི་ལྷ་དེས་སྔོན་དགེ་བའི་ལས་ཀྱི་མཐའ་
D287.070.0045b05.01རྣམས་ལ་སྤྱད་པས་རྣམ་པ་དུ་མའི་རྣམ་པར་རྟོག་པ་རྣམ་པ་མང་པོ་དང་རང་བཞིན་དུ་མར་ཡང་དགའ་བར་བྱེད་དོ། །ལེགས་པར་བྱས་པའི་ལས་ཀྱི་མཐའ་དེས་མཆོག་ཏུ་སྟོབས་དང་ལྡན་པ་དང་གཟི་བརྗིད་མཆོག་དང་ལྡན་པ་དེའི་འདི་ལྟར་དགའ་བ་ཡིན་ཏེ། རི་དེ་དག་ལས་ཤིན་
D287.070.0045b06.01ཏུ་ངོ་མཚར་བར་གྱུར་པའི་རང་བཞིན་གྱི་རྒྱུ་མཚན་ལྔ་མཐོང་ངོ་། །གང་དག་ཅེ་ན། འདི་ལྟ་སྟེ། སྐྱེ་བ་གཞན་གང་ལས་འཆི་འཕོས་པ་དེ་མཐོང་ངོ་། །སྐྱེ་བ་གཞན་གྱི་ལས་གང་གིས་དེར་སྐྱེས་པ་དང་། ལྷའི་རིས་དེ་ནས་ཇི་སྲིད་ཅིག་ན་འཆི་བར་འགྱུར་ཞིང་འཆི་འཕོས་པ་ནས་
D287.070.0045b07.01