完整藏文原文 · 德格版页 当前仅加载第 70 函德格 114a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཉིད་ཀྱི་འདུ་ཤེས་ཅན་གྱིས་ཇི་སྲིད་དུ་སྟེང་ནས་དམྱལ་བའི་བར་དུ་སོ་སོར་རྟོག་པར་བྱེད་དེ། ཤ་དང་ཆུ་རྒྱུས་ཕན་ཚུན་དུ་སྦྲེལ་བར་གྱུར་པ་ཤའི་བྱུག་པས་ཀུན་ཏུ་བྱུགས་པས་ཆེས་སྦོམ་པར་གྱུར་པ་ཆུ་སེར་ཀུན་ནས་འཛག་པ། ཁྲག་དང་། ཚིལ་རྣམས་
D287.070.0114a01.01ཀྱིས་གང་བ། མདངས་འབའ་ཞིག་ཙམ་གྱིས་ཡིད་འཕྲོག་པ་རྣམས་དེས་རྣམ་པར་དཔྱོད་པར་གྱུར་པས་རྩ་སྦུབས་གཅིག་ལ་ཡང་དག་པ་ཇི་ལྟ་བར་སོ་སོར་རྟོག་པར་བྱེད་དོ། །བཏེག་པར་གྱུར་པ་ན་གཞན་ཡང་དེ་ཁོ་ན་ལྟར་སོ་སོར་རབ་ཏུ་རིག་པར་བྱེད་དོ། །བསྐུམ་པ་དང་བརྐྱང་
D287.070.0114a02.01བར་གྱུར་པ་ན་ཡང་ཇི་ལྟ་བུའི་རང་བཞིན་གྱི་རྩ་ཕྲ་བར་གྱུར་པ་རྣམ་པ་དུ་མ་ལ་ཀུན་ཏུ་ལྟ་བར་བྱེད་དོ། །རབ་ཏུ་གཡོ་བར་བྱེད་པ་དང་། འགྲོ་བར་གྱུར་པ་ཡང་རྣམ་པ་དུ་མར་གྱུར་པའི་རླུང་གིས་ཀུན་ནས་གཡོ་བ་དང་དེའི་འབྲེལ་པ་སྟེང་དུ་གཞིར་གྱུར་པ་ཕོ་བའི་ཐ་སྙད་དུ་བྱ་བ་
D287.070.0114a03.01བཤང་བ་དང་གཅི་བའི་གནས་དེ་རྣམ་པ་ཐམས་ཅད་དུ་མི་གཙང་བའི་སྔར་གྱི་གཞི་ལ་རྒྱུ་བས་རྒྱུ་བའི་ཆ་ཤས་རྣམས་རབ་ཏུ་འབྱུང་བར་གྱུར་པ་ན་ཡང་དག་པ་ཁོ་ནར་ལུས་ཀྱི་རྗེས་སུ་སོང་བའི་དྲན་པ་དགེ་སློང་གིས་ཆེས་སྟེང་ཉིད་དུ་རབ་ཏུ་གཡོ་བར་གྱུར་པའི་རང་གི་ལུས་འགྲོ་བ་
D287.070.0114a04.01ཉེ་བར་རྟོགས་པར་བྱེད་དོ། །ཇི་ལྟར་ཞེ་ན། བདག་ལམ་དུ་འགྲོ་བར་གྱུར་པ་ན་བདག་གི་རྒྱུ་མ་དང་གཉེ་མ་དག་རབ་ཏུ་གཡོ་བར་གྱུར་པ་རྣམས་ལ་དེས་ལྟ་བ་ནི་རྐང་པ་བཏེག་པ་ན་དབུགས་རྔུབ་པ་དང་ལྷན་ཅིག་ཏུ་འགྲོགས་པ་རབ་ཏུ་གཡོ་བའོ། །བདག་གིས་རྒྱུ་མ་རབ་ཏུ་གཡོ་བ་
D287.070.0114a05.01དེ་དག་ཐམས་ཅད་གཡོན་ལོགས་ནས་གཡས་ལོགས་སུ་རབ་ཏུ་གཡོ་བར་འགྱུར་ལ་གཡས་ནས་ཀྱང་གཡོན་དུའོ། །རྒྱུ་མ་དེ་དག་རྣམས་རླུང་དང་། མཁྲིས་པ་དང་། བད་ཀན་དང་། བཤང་བ་དང་། གཅི་བ་དང་སྲིན་བུས་རབ་ཏུ་གང་བ་རྣམས་གཡོ་བར་མངོན་པར་མཐོང་ནས་ཇི་ལྟ་
D287.070.0114a06.01བ་བཞིན་དུ་རྗེས་སུ་ལྟ་བར་བྱེད་དོ། །ལུས་དེའི་རྒྱུ་མ་དང་གཉེ་མ་དང་བཅས་པ་རྣམས་དགེ་སློང་གིས་ཡང་དག་པར་མངོན་པར་མཐོང་ནས་གཞན་ཡང་ཤིན་ཏུ་མཐོང་བར་གྱུར་པའི་ལུས་དག་ལ་རྣམ་པར་ལྟ་བར་བྱེད་དེ། ལོང་ཀར་གྱུར་པ་ལ་རྒྱུས་པའི་འཁྲུལ་འཁོར་གྱིས་ཀུན་ནས་
D287.070.0114a07.01