完整藏文原文 · 德格版页 当前仅加载第 70 函德格 276b 版页；藏文 NFD、目录标记与异常页序保留在来源切片中，重复版页行以稳定序号区分。
དང་བཅས་པ་གནས་པ་རྣམས་རྩེ་བར་བྱེད་པ་དང་། ཕན་ཚུན་གྲོགས་སུ་གྱུར་པས་མྱོས་པ་ལ་དོན་གཅིག་པ་རྣམས་མཚོ་དེའི་པད་མའི་འདབ་མ་རྣམས་ཀྱི་གསེབ་ཏུ་སོང་ནས། གླུ་ལེན་པ་དང་གར་ཡང་བྱེད་དོ། །དེ་ནས་ནམ་མཁའི་དཀྱིལ་ན་རྒྱུ་བར་བྱེད་པའི་ལྷ་དེ་དག་རྣམས་དང་གང་
D287.070.0276b01.01ཡང་པད་མ་ཆེན་པོའི་འདབ་མའི་ནང་ན་གནས་པ་དེ་དག་དང་དེ་དག་རྣམས་ཐམས་ཅད་ཀྱང་རྣམ་པ་དུ་མར་རྩེ་དགའ་བ་ཆེན་པོ་ཉིད་ཀྱིས་རྣམ་པར་རྒྱུ་ཞིང་རྩེད་འཇོས་རྣམ་པར་རྒྱུ་བར་བྱེད་པ་གང་ཡིན་པ་ལ་ནི་དཔེ་རྣམས་ཀྱིས་ཉེ་བར་འཇལ་བར་བྱ་བར་སླ་བ་ཡང་མ་ཡིན་ནོ། །དེ་དག་རྣམས་
D287.070.0276b02.01དེ་ལྟར་རྩེ་བར་གྱུར་པའི་གླུ་དང་རོལ་མོའི་སྒྲ་དབྱངས་རྣམས་ནི་དཔག་ཚད་ལྔ་བརྒྱར་རྣམ་པར་གནས་པར་གྱུར་པ་དང་། དེ་དག་ནི་འདོད་པའི་ཡོན་ཏན་ལྔ་ཕུན་སུམ་ཚོགས་པར་གྱུར་པའི་རྔ་སྐད་ཡན་ལག་ལྔ་དང་ལྡན་པའི་ཆེན་པོ་རྣམས་རྣམ་པ་དུ་མར་ཉེ་བར་ལོངས་སྤྱོད་པར་བྱེད་དོ། །
D287.070.0276b03.01དེ་དག་རྣམས་ནི་རང་གི་ལས་ཀྱི་ཁྱད་པར་གང་ཡིན་པ་རྣམས་སྤྱད་ཅིང་བྱས་ལ་ཡོངས་སུ་བསགས་པ་དེ་སྐྱེལ་བར་བྱེད་ལ། འོན་ཀྱང་དྲན་པར་འགྱུར་བ་ཡང་མ་ཡིན་ནོ། །ཇི་ལྟར་ན་ལས་རྣམས་ཟད་པར་འགྱུར་བ་ཡིན་པ་དང་ལེགས་པར་བྱས་པ་རྣམས་ནི་གཏུགས་པར་འགྱུར་
D287.070.0276b04.01བ་ཡིན་པ་དང་། འཆི་འཕོ་བའི་དུས་ན་གང་དུ་འགྲོ་བར་བྱ་དགོས་པ་ཡིན་པ་དང་། འགྲོ་བ་གང་རྗེས་སུ་བསྒྲུབ་པ་འབྱུང་བ་ཡིན་པ་དང་རྣམ་པ་ཇི་ལྟ་བུའི་བདེ་བ་དང་སྡུག་བསྔལ་རྣམས་ལ་ཉེ་བར་ལོངས་སྤྱད་པར་བྱ་བ་འབྱུང་བ་དང་འབྱུང་བར་མི་འགྱུར་བ་ནི་གང་ཡིན་པ་དང་། ལེགས་
D287.070.0276b05.01པར་བྱས་པ་དང་ཉེས་པར་བྱས་པའི་ལས་རྣམས་ཀྱི་ལམ་ལེགས་པར་སྟོན་པ་པོ། དམྱལ་བ་དང་{ཡི་དགས་,ཡི་དྭགས་}དང་དུད་འགྲོ་དང་མིའི་གནས་རྣམས་སུ་འཇིགས་པ་དང་བཅས་པ་དང་། འཇིགས་པ་མེད་པར་སྒྲུབ་པའི་འཇིགས་པ་མེད་པའི་དབང་དུ་བྱས་ནས་སྐྱེ་བ་གཞན་གྱི་གནས་
D287.070.0276b06.01རྣམས་ལ་དེ་ལྟར་ཀུན་ཏུ་གོ་བར་མ་ཡིན་ཏེ། མུན་པར་བྱེད་པའི་བག་མེད་པར་ནུབ་པར་གྱུར་པ་དེའི་ཚེ་གོ་བ་མ་ཡིན་ནོ། །གང་གི་ཚེ་ལེགས་པར་བྱས་པའི་ལས་རྣམས་ཡོངས་སུ་ཟད་པར་གྱུར་ནས། མི་རྟག་པ་ཉིད་ཀྱི་རླུང་གིས་ངེས་པར་ལྟུང་བར་བྱེད་པ་དེའི་ཚེ། བག་མེད་པ་དེ་
D287.070.0276b07.01