完整藏文原文 · 德格版页 当前仅加载第 70 函德格 168a 版页；藏文 NFD、目录标记与异常页序保留在来源切片中，重复版页行以稳定序号区分。
ཇི་སྲིད་དུ་ནི་ནོར་འདོད་པས། །རི་མོ་གཞན་ནི་རབ་ཏུ་བྱེད། །དེའི་ཕྱིར་ན་བསམ་གཏན་སྒོམ་པར་བྱེད་པ་ན་བར་དུ་གཅོད་པར་གྱུར་པ་སྐྱོན་དུ་མ་ཀུན་དུ་རྟོགས་པར་འགྱུར་བ། མ་གུས་པར་འགྱུར་བ་ལ་སྟེན་པར་བྱེད་པའི་རི་མོའི་ལས་རྣམས་དགེ་སློང་གིས་མི་བྱའོ། །དེ་དག་ལ་རྣམ་པར་
D287.070.0168a01.01གཡེང་བར་གྱུར་པའི་ཡིད་ཀྱིས་བདེ་ལེགས་ཐོབ་པར་མི་འགྱུར་རོ། །དགེ་བའི་ལས་རྣམས་ལས་གཅིག་ཀྱང་ཡིད་ལ་བྱས་ཏེ་སྒོམ་པར་མི་བྱེད་དོ། །དེའི་ཕྱིར་ན་བདེ་ལེགས་ལག་ཏུ་འོང་བར་འདོད་པ་རྣམས་དང་། ལས་ཀྱི་འཇིགས་པས་འཇིགས་པར་གྱུར་པ་རྣམས་ཀྱིས་འདི་ལྟར་བསླབ་པར་བྱ་སྟེ།
D287.070.0168a02.01ཚོན་གྱིས་བསྒོ་བར་མི་བྱེད་པའོ། །རྗེས་སུ་གཟུང་བ་སྟེ། འདི་ནི་བདག་ཅག་རྣམས་ལ་རྗེས་སུ་གདམས་པའོ། །སྐྱོན་དེ་དག་རྣམས་རིག་པར་བྱས་ལ་ཆོས་གསུམ་པ་འདི་དགེ་སྦྱོང་གིས་མི་བྱའོ། །གཞན་ཡང་ཆོས་བཞི་པ་དགེ་སྦྱོང་གིས་མི་བྱ་སྟེ། འདི་ཡང་གང་ཞེ་ན། ཐོས་པ་ངན་པ་
D287.070.0168a03.01སྙན་དངགས་སྡེབ་པའོ། །འདི་ན་དགེ་སློང་གང་དག་བུ་དང་། བུ་མོ་དང་། རང་གི་སྐྱེ་བོ་རྣམས་དང་། སྤུན་དང་། ཕ་དང་། གཉེན་བཤེས་རྣམས་ཀྱང་སྤངས་ནས་རབ་ཏུ་བྱུང་སྟེ། ཉོན་མོངས་པ་སྤང་བའི་དོན་དུ་བསམ་གཏན་སྒོམ་པར་བྱེད་པར་གྱུར་ཅིང་། ཉོན་མོངས་པ་རྣམས་ཀྱང་ཡིད་རྩེ་
D287.070.0168a04.01གཅིག་པས་གཞོམ་པར་བྱ་བ་ཡིན་གྱི། རྣམ་པར་གཡེང་བའི་ཡིད་ཀྱིས་ནི་མ་ཡིན་ནོ། །གང་དག་སྙན་དངགས་བྱེད་པར་གྱུར་པ་དེ་དག་རྣམས་ནི་སྣ་ཚོགས་པ་རྣམས་ལ་བརྟེན་ནས་བློ་རྣམ་པར་གཡེང་བར་འགྱུར་རོ། །དེའི་ཡིད་རྣམ་པར་གཡེང་བར་གྱུར་པས་ནི་དགེ་བའི་ཆོས་རྣམས་ཀྱི་བར་དུ་གཅོད་
D287.070.0168a05.01པར་བྱེད་པར་འགྱུར་རོ། །བསམ་གཏན་སྒོམ་པར་མི་བྱེད་དོ། །བསམ་གཏན་དུ་མི་བྱེད་དོ། །བླ་མ་ལ་སྟེན་པར་མི་བྱེད་དོ། །དམ་པའི་ཆོས་ཉན་པ་ལ་མངོན་པར་དགའ་བར་མི་འགྱུར་རོ། །དཀོན་མཆོག་གསུམ་མཆོད་པ་ལ་མངོན་པར་དགའ་བར་མི་འགྱུར་རོ། །ངེས་པར་འབྱུང་བའི་ལམ་ལ་
D287.070.0168a06.01མངོན་པར་དགའ་བའི་རང་བཞིན་ཅན་དུ་མི་འགྱུར་རོ། །རྟག་པར་རྒྱུན་དུ་ཡང་སྙན་དངགས་སྡེབ་པ་ལ་མངོན་པར་དགའ་བར་འགྱུར་རོ། །དེ་སྙན་དངགས་དེའི་རྟེན་གྱི་དོན་དུ་ཐོས་པ་ངན་པ་རྣམ་པ་སྣ་ཚོགས་པ་རྣམས་ཉན་པར་བྱེད་དོ། །གང་དག་ཆོས་ཉིད་ལས་འདས་པར་གྱུར་པ་ཉན་པ་ལ་དགའ་བར་
D287.070.0168a07.01