完整藏文原文 · 德格版页 当前仅加载第 70 函德格 266b 版页；藏文 NFD、目录标记与异常页序保留在来源切片中，重复版页行以稳定序号区分。
མ་བྱས་པར་སླར་ཡང་དེ་ཁོ་ན་བཞིན་དུ་རྒྱ་ཆེན་པོ་མངར་མོའི་ཡུལ་གྱི་བདེ་བ་རྣམས་ལ་དགའ་བར་བྱེད་དེ། རྣམ་པ་སྣ་ཚོགས་པའི་བདེ་བའི་ཆུ་བོ་རྣམས་ལ་རྒྱུ་བས་དེ་དེ་བཞིན་དུ་སླར་ཡང་རྔ་སྐད་ཡན་ལག་ལྔ་དང་ལྡན་པའི་འགྱིང་བས་དགོད་ལ་གླུ་དང་རོལ་མོའི་སྒྲ་རྣམས་ཀྱིས་རབ་ཏུ་དགའ་བས་
D287.070.0266b01.01ནགས་དང་ཉེ་བའི་ནགས་ཀྱི་ས་གཞི་རྣམས་ལ་དང་རྫིང་བུ་དང་ཚང་ཚིང་གི་ནགས་རྣམས་ལ་ལྷ་དང་བཅས་ནས་དགའ་བར་བྱེད་དོ། །ལེགས་པར་བྱས་པའི་ལས་རྣམས་ཀྱིས་ཀྱང་འདིར་དགའ་བར་བྱེད་དོ། །དེ་དག་རྣམས་རིན་པོ་ཆེ་རྣམས་ཀྱི་ཡུལ་དུ་མ་རྣམས་ལ་དང་། རིའི་རྒྱབ་རིན་
D287.070.0266b02.01པོ་ཆེ་བདུན་གྱིས་རྣམ་པར་བརྒྱན་པ་རྣམས་ལ་དང་། རྟག་ཏུ་ཁྱད་པར་དུ་དགའ་བའི་བདེ་བས་རྣམ་པར་རྒྱུ་བ་རྣམས་ལ་དང་། འདོད་པ་ཐམས་ཅད་ཕུན་སུམ་ཚོགས་པས་བསྐྱེད་པ་རྣམས་ལ་དང་། མཆོག་ཏུ་སྐྱིད་པ་རྣམས་ལ་ཡང་རྣམ་པ་སྣ་ཚོགས་པར་རྣམ་པར་བཀྲ་བར་བྱས་པའི་ས་
D287.070.0266b03.01གཞིའི་ཆ་དགའ་བར་གྱུར་པ་རྣམས་ལ་དང་། ས་གཞིའི་ཆ་རྣམས་ལ་ཡང་རྟག་ཏུ་སྐྱེད་མོས་ཚལ་དུ་རབ་ཏུ་དགའ་བའི་ཡིད་དང་ལྡན་པ་ཡིན་ནོ། །ལྷ་མོའི་ཚོགས་རྣམས་ཀྱིས་ཡོངས་སུ་བསྐོར་ནས་ལྷ་དེ་དག་རྣམས་ཀྱང་ཟས་དང་སྐོམ་གྱིས་རྣམས་སུ་དགའ་བར་བྱེད་པར་འགྱུར་རོ། །འདོད་པ་
D287.070.0266b04.01ཐམས་ཅད་ཕུན་སུམ་ཚོགས་པ་དེ་དེ་ཁོ་ན་བཞིན་དུ་རྣམ་པར་རོལ་བར་གྱུར་པ་ན། སྐྱེད་མོས་ཚལ་གྱི་ལྟད་མོའི་དབང་དུ་བྱས་ནས་ཕན་ཚུན་ལྷན་ཅིག་ཏུ་གྱུར་ནས། གནོད་པ་མེད་པར་དོན་གཅིག་པ་རྣམས་རྟག་ཏུ་ཡང་ཕན་ཚུན་གྱི་རྗེས་སུ་འཐུན་པར་བྱེད་པ་དེ་ལ་སོང་བའི་ཡིད་ཅན་རྣམས་རྔ་སྐད་
D287.070.0266b05.01ཡན་ལག་ལྔ་དང་ལེགས་པར་ལྡན་པར་གྱུར་ནས། ཀུན་དགའ་བར་བྱེད་དོ། །དེ་དག་དགའ་བར་གྱུར་པ་ལས་ནམ་ཞིག་ན་རྣམ་པར་རྒྱས་པ་ཞེས་བྱ་བའི་འཇུག་ངོས་སུ་ཉེ་བར་འགྲོ་བར་བྱེད་དེ། འཇུག་ངོས་དེའི་ཡང་ཉེ་འཁོར་ནི་དཔག་ཚད་བརྒྱ་པའོ། །དེ་དག་ཐམས་ཅད་ཀྱང་རིན་པོ་ཆེ་
D287.070.0266b06.01བདུན་གྱི་རང་བཞིན་གྱི་རྣམ་པར་བཀྲ་བའི་ཆ་ཤས་ཀྱིས་རྣམ་པར་བཀྲ་བས་རེག་པར་བཟོད་པའི་བཻ་ཌཱུརྱའི་ཡུ་བ་ཞེས་རྡོ་རྗེ་ཤིན་ཏུ་ཕྲ་བ་རྣམས་ཀྱི་ཟེ་འབྲུ་ཅན་གྱི་རབ་ཏུ་ཁ་བྱེ་བའི་པད་མ་ཆེན་པོ་རྣམས་ཀྱིས་ཀུན་ཏུ་ཁྱབ་པར་གྱུར་པ་སྟེ། དེ་ཡང་སྔ་ན་མ་མཐོང་བ་དེས་མངོན་པར་མཐོང་ནས་ལྷས་
D287.070.0266b07.01