完整藏文原文 · 德格版页 当前仅加载第 70 函德格 150b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་མོར་གྱུར་པས་སྲོག་གཅོད་པ་བྱས་ཏེ་{རི་དགས་,རི་དྭགས་}ཤོར་བར་གྱུར་ནས་{རི་དགས་,རི་དྭགས་}རྣམས་མཚོན་ཆ་དང་རྫོགས་ཀྱིས་རྨས་ཤིང་རྨས་པར་བྱས་ཤིང་བསད་དོ། །དེ་རྒྱུ་དེ་དང་། རྐྱེན་དེ་དང་། གཞི་དེ་རྣམས་ཀྱིས་ལུས་ཞིག་པ་ན་ངན་སོང་དུ་ལྟུང་བར་གྱུར་ནས་དམྱལ་བ་ཡང་སོས་སུ་སྐྱེས་ཏེ། མེ་ཕལ་
D287.070.0150b01.01ཆེན་པོ་རྣམས་ཀྱིས་སྲེག་པར་བྱེད་དོ། །གཟེར་ཟུག་རྣམས་ཀྱང་རྣམ་པ་དུ་མར་དྲག་པ་དང་། རྩུབ་པ་དང་། ཚ་བ་ཉམས་སུ་མྱོང་བར་གྱུར་ཏེ། དེས་མི་དགེ་བའི་ལས་དྲག་པོ་རྣམས་བྱས་པའི་ཕྱིར་རོ། །དེའི་ལས་ཀྱི་རྣམ་པར་སྨིན་པ་དེ་དག་ལེགས་པར་མངོན་པར་མཐོང་ནས་གཞན་ཡང་ཚོགས་
D287.070.0150b02.01པ་རྒྱུ་བའི་ས་ན་སྤྱོད་པའི་ལྷ་དེ་དག་རྣམས་ཀྱིས། བཅོམ་ལྡན་འདས་གསེར་ཐུབ་དེས་མཛད་པའི་མཆོད་རྟེན་དེའི་ནང་གང་ཡིན་པར་རྣམ་པ་དུ་མ་དང་། རྣམ་པར་རྟོག་པ་དུ་མར་ལས་དེ་དག་རྣམས་དམིགས་པ་དེར་ཉེ་བར་ཕྱིན་ནས་སླར་ཉིད་ཀྱང་ལས་ཀྱིས་བྱས་པ་དེ་དག་རྣམས་ལྟ་བར་འདོད་
D287.070.0150b03.01པས། དེ་དེར་ཕྱིན་པར་གྱུར་པ་ན་ཤིན་ཏུ་ངོ་མཚར་བར་གྱུར་པ་རྩིག་པའི་ལོགས་ལ་སྐྱེས་པ་རྣམས་རབ་ཏུ་མཐོང་བར་གྱུར་པ་ནི་ཀུན་ནས་མངོན་པར་དགའ་བ་ཞེས་བྱ་བའི་འཐབ་བྲལ་བ་རྣམས་ཀྱི་མངའ་བདག་ཏུ་གྱུར་པའོ། །ལས་ཀྱི་རྣམ་པར་སྨིན་པ་གང་དག་གིས་དེར་སྐྱེས་པར་གྱུར་པ་
D287.070.0150b04.01ཡང་དེ་ཉིད་ལ་ལེགས་པར་མཐོང་བ་ཇི་ལྟར་སྐྱེ་བ་གཞན་ཅིག་ལ་མིར་གྱུར་པ་ན་དགེ་བའི་སེམས་སུ་གྱུར་པས་རྟག་ཏུ་བླ་མ་རྣམས་མངོན་པར་བརྗོད་པས་ཕྱག་འཚལ་བ་དང་། མངོན་དུ་ལྡང་བ་དང་། ཐལ་མོ་སྦྱར་བའི་ལས་རྣམས་འཇིགས་ཤིང་ཞུམ་པར་འགྱུར་བས་བྱེད་པ་དང་། རྟག་པར་
D287.070.0150b05.01ཡང་མཆོད་རྟེན་རྣམས་ལ་ལེགས་པར་བྱི་དོར་དང་། བྱུག་པ་དང་། སྐྱེ་བ་རྣམས་ལེགས་པར་བྱས་པ་དང་། རྟག་ཏུ་ཡང་དགེ་སྦྱོང་དང་བྲམ་ཟེ་རྣམས་ལ་དད་པས་ཇི་ལྟ་བ་བཞིན་དུ་སྦྱིན་པ་བྱིན་པ་དང་། རྟག་པར་ཡང་འདིས་གློ་བུར་དུ་འོངས་པ་དང་། ནད་པ་རྣམས་ལ་སེམས་རབ་ཏུ་
D287.070.0150b06.01དང་བ་དང་། བཀུར་སྟི་དང་བཅས་པས་རྐྱེན་ཉེ་བར་གཞག་པར་གྱུར་པའི་ལས་དེས་ལུས་ཞིག་པ་ན་མཐོ་རིས་བདེ་འགྲོ་རྣམས་ལས་འཐབ་བྲལ་བའི་མངའ་བདག་ཏུ་སྐྱེས་པར་གྱུར་ཏེ། ཀུན་ནས་མངོན་པར་དགའ་བ་ཞེས་བྱ་བའི་རང་བཞིན་ནོ། །དེ་ལྟར་ཀུན་ནས་མངོན་པར་དགའ་བ་དེའི་ལུས་
D287.070.0150b07.01