完整藏文原文 · 德格版页 当前仅加载第 70 函德格 25a 版页；藏文 NFD、目录标记与异常页序保留在来源切片中，重复版页行以稳定序号区分。
རྡུལ་རྣམས་ཀྱིས་ཀྱང་འགུལ་བར་ཆགས་པར་གྱུར་པས་དེ་བརྩེགས་པ་རྒྱུ་བའི་རི་དེ་ལ་འཁོད་དེ་བདེ་བས་གནས་པར་བྱ་བའི་ཕྱིར་རོ། །རི་དེ་ལ་ཡང་ས་གསུམ་ཡོད་དེ་འོག་གི་ས་དང་སྟེང་གི་ས་སྟེ། དེ་ལ་འོག་གི་ས་ལ་ནགས་ཚལ་ལྔ་ཡོད་པ་རྣམས་ལ་
D287.070.0025a01.01འདི་ལྟ་སྟེ། དྲི་རྒྱུ་བ་དང་འོད་ཟེར་གྱི་རྩེ་མོ་དང་འོད་འཕྲོ་བ་དང་རྟག་ཏུ་མངོན་པར་དགའ་བ་དང་། མཐོ་བར་བརྩེགས་པའོ། །དེ་ལ་དྲི་རྒྱུ་བའི་ནགས་ན་ནི་གང་ཅུང་ཟད་ཅིག་སྐྱེ་བ་དེ་དག་ཐམས་ཅད་དྲི་ཆེས་ལྷག་པར་འགྱུར་རོ། །དྲི་དེ་དག་ཀྱང་དཔག་ཚད་ལྔ་སྟོང་དུ་འགྲོ་བར་འགྱུར་རོ། །
D287.070.0025a02.01འོད་ཟེར་གྱི་རྩེ་མོའི་ནགས་ན་ནི་མཚུངས་པ་མེད་པའི་རྣམ་པ་དུ་མའི་འོད་ཟེར་རིན་པོ་ཆེ་ལས་བྱུང་བའི་རྣམས་ཀྱིས་མངོན་པར་གསལ་བར་གྱུར་པའོ། །ཉི་མ་བརྒྱ་སྟོང་བས་ལྷག་པའི་འོད་འཕྲོ་བའི་ནགས་ན་ནི་ཤིན་ཏུ་བར་ཡང་འོད་འབར་བ་དང་ལྡན་པའི་ལྷ་རྣམས་གནས་སོ། །འདོད་པའི་
D287.070.0025a03.01ཡོན་ཏན་ལྔ་ཕུན་སུམ་ཚོགས་པའི་རྟག་ཏུ་མངོན་པར་དགའ་བའི་ནགས་ན་ནི་མཚོ་བྲན་དང་འབབ་ཆུ་རྣམས་ཀྱང་བརྒྱ་སྟོང་ཕྲག་དུ་མར་ལྷ་རྫས་ཀྱི་རོ་དང་དྲི་དང་ཁ་དོག་རྣམས་ཕུན་སུམ་ཚོགས་པ་རྣམ་པ་དུ་མ་རྣམས་སོ། །མཐོ་བར་བརྩེགས་པའི་ནགས་ན་ནི་མཆོག་ཏུ་མཐོ་བའི་རྩེ་མོ་རིན་པོ་ཆེ་
D287.070.0025a04.01སྣ་བདུན་གྱི་རང་བཞིན་གསལ་བར་གྱུར་པའི་རྩེ་མོ་རྣམས་ཡིན་ནོ། །ས་གཉིས་པ་འདི་དག་རྣམས་ན་ཡང་རིན་པོ་ཆེ་བདུན་གྱི་རང་བཞིན་དུ་གྱུར་པའི་སྟེང་ཁང་བརྒྱ་སྟོང་དུ་མ་ཡོད་དོ། །པད་མའི་རྫིང་བུ་ན་བྱའི་ཚོགས་དགའ་བར་འགྱུར་བ་བརྒྱ་སྟོང་དང་གཞན་ཡང་སྒྲ་དང་རེག་བྱ་དང་རོ་དང་
D287.070.0025a05.01གཟུགས་དང་། དྲི་རྣམས་འདོད་པ་སྡུག་པ་ཡིད་དུ་འོང་བ་འཐུན་པ། ཡིད་རྟག་ཏུ་འདྲེ་བར་བྱེད་པ་རྣམས་ཀྱིས་ཀུན་ཏུ་གང་བའོ། །སྟེང་གི་ས་འདིའི་ས་གཞི་དེའི་གཞི་ལ་དཔག་ཚད་བརྒྱར་ལྷ་མཐུ་སྟོབས་ཆེ་བས་ཀུན་ཏུ་གང་བའོ། །གཞི་དེ་དག་ལ་ཡང་རིན་པོ་ཆེའི་ནགས་
D287.070.0025a06.01ཞེས་བྱ་བ་རྣམ་པ་སྣ་ཚོགས་པའི་འབབ་ཆུ་དང་ཟས་ཀྱི་ཆུ་ཀླུང་དང་སྐོམ་གྱི་ཆུ་ཀླུང་དང་ལྗོན་ཤིང་དང་མཚེའུ་དང་པད་མའི་རྫིང་དང་ཚལ་དང་སྐྱེད་མོས་ཚལ་དང་དཔག་བསམ་གྱི་ཤིང་དང་ལྷ་རྫས་ཀྱི་མེ་ཏོག་དང་འབྲས་བུའི་ཡོན་ཏན་ལྷག་པ་བརྒྱ་སྟོང་དང་ལྡན་པར་གྱུར་པ་རབ་ཏུ་དགའ་བའི་ལྷ་དང་
D287.070.0025a07.01