完整藏文原文 · 德格版页 当前仅加载第 70 函德格 200b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་འཐུང་བར་བྱེད། །འོན་ཀྱང་འཇིག་རྟེན་གྱིས་མ་རིག །ལྷ་དེ་དེ་བཞིན་འདོད་ཡོན་ལྔའི། །ཀུན་ཏུ་བདེ་བར་འབྱུང་བར་འགྱུར། །བདེ་བར་གནས་པ་རྣམས་མཐོང་བར་གྱུར་ནས་བྱ་དེ་ཁོ་ན་ཉིད་བརྗོད་པས་སླར་ཉིད་ཚིགས་སུ་བཅད་པ་བརྗོད་པ། ཇི་ལྟར། མར་ནག་འཇུག་པ་
D287.070.0200b01.01རབ་འཇིག་པས། །ཇི་ལྟར་མར་མེ་རྟག་འཇིག་པ། །དེ་བཞིན་ལས་ཟད་དབང་གིས་ནི། །ལྷ་ཡི་གནས་ནས་ལོག་པར་ལྟུང་། །རྩིག་པ་ཞིག་པའི་དབང་གིས་ནི། །ཇི་ལྟར་རི་མོ་རྟག་གནས་འཇིག །དེ་བཞིན་ལས་ཞིག་བདེ་བ་ཡང་། །ངེས་པར་ལོག་པར་ལྟུང་བ་ཡིན། །ལྷ་གནས་
D287.070.0200b02.01ལྷ་ནི་ཐམས་ཅད་ཀྱང་། །བསོད་ནམས་ཟད་ནས་རྒུད་པའི་མཐའ། །སེམས་ཅན་དེ་དག་ལྟུང་བ་པོ། །དེ་དག་ཐམས་ཅད་མི་རྟག་གོ། །མི་རྟག་མི་བརྟན་ཐམས་ཅད་ཀྱང་། །གསོན་པ་ཡུད་ཀྱིས་འགྲོ་བ་ཡིན། །བདུད་ཀྱི་སྟོབས་ནི་ཆེན་པོ་འདི། །འཇིག་རྟེན་འདིས་ཀྱང་
D287.070.0200b03.01གོ་བ་མིན། །དེ་ལྟར་གཞན་ཡང་བྱ་དེ་ཁོ་ན་ཉིད་སྨྲ་བ་དེས་ལྷ་དེ་དག་རྣམས་ཉིད་ལ་ཕན་པར་འདོད་པས་ལེགས་པར་བྱས་པའི་ལས་ཀྱང་བསྐུལ་ལ། དེ་དག་དེ་ལྟར་རྟག་ཏུ་བརྗོད་ཀྱང་ལྷ་གང་དག་ཤིན་ཏུ་བག་མེད་པ་མ་ཡིན་པ་དེ་དག་རྣམས་ཉན་པར་བྱེད་ཅིང་ཉེ་བར་འཛིན་པར་ཡང་བྱེད་
D287.070.0200b04.01དོ། །ཡུད་ཙམ་ཞིག་ཀྱང་ཡིད་ཤིན་ཏུ་མཉམ་པར་བཞག་པར་ཡང་འགྱུར་རོ། །གང་ཡང་བག་མེད་པར་སྤྱོད་པ་དེ་དག་རྣམས་ཀྱིས་ནི་མི་ཐོས་པ་སྟེ་རྣམ་པར་གཡེང་བར་གྱུར་པའི་ཡིད་ཀྱིས་དེ་དུས་ཡུན་རིང་དུ་མཚོ་དེར་རྩེད་མོ་བྱེད་པར་འགྱུར་ལ། ཡུལ་གྱི་བདེ་བ་ལ་སྲེད་པ་ཆེས་
D287.070.0200b05.01ངོམས་པ་མེད་པར་གྱུར་ནས་རྣམ་པར་རྒྱུ་བར་གྱུར་པས། སླར་ཡང་གང་ན་རི་དེ་ལ་སྔར་བཞིན་དུ་དེ་ཁོ་ན་ལྟར་བཞོན་པ་ལ་མངོན་པར་ཞོན་ཏེ་ནམ་མཁའ་ལ་སླར་ཡང་འཕགས་སོ། །ཐམས་ཅད་དང་བཅས་པའི་ལྷན་ཅིག་སྤྱོད་པའི་འཁོར་རྣམས་དང་བཅས་པར་གྱུར་པས་བར་སྣང་གི་
D287.070.0200b06.01ནམ་མཁའ་ལ་འཕགས་ནས་ཀྱང་ལྷ་དེ་དག་རྣམས་ཀྱིས་རི་གཞན་མཐོང་བར་གྱུར་པ་ལ་རྣམ་པ་དུ་མའི་ནོར་བུའི་རང་བཞིན་དུ་མར་གྱུར་པའི་དབྱིངས་དུ་མར་ནམ་མཁའི་དབྱིངས་ནས་འཕྱར་བ་དེ་དག་ཐམས་ཅད་ཀྱི་སྟེང་ན་དེ་དག་ཐམས་ཅད་ལས་ལྷག་པར་གྱུར་པའི་བདེ་བའི་ཕྲེང་བ་རྒྱ་ཆེན་
D287.070.0200b07.01