完整藏文原文 · 德格版页 当前仅加载第 70 函德格 245a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་ཉེ་བར་འཕོས་ནས་མི་འགྲོའོ། །གང་ལུས་གཞན་ནས་སོང་བར་གྱུར་པ་དེ་དག་ཡང་གཏོང་བ་ཅན་གྱི་རྒྱལ་པོ་ཞེས་བྱས་ནས་འོང་བར་འགྱུར་རོ། །དེའི་ཡུལ་ལྗོངས་ཀྱི་ཚོགས་ཀུན་ཏུ་འཕེལ་བར་འགྱུར་རོ། །ཡུལ་ལྗོངས་ཀྱི་ཚོགས་དེས་ཀྱང་རྒྱལ་པོ་
D287.070.0245a01.01བསྲུངས་པར་གྱུར་པས་གཞན་གྱིས་མི་ཐུབ་པར་འགྱུར་རོ། །གང་རང་བཞིན་གྱིས་ཀྱང་འདི་རྣམ་པར་འཕེལ་བ་དང་ལྡན་པར་འགྱུར་རོ། །དེ་རང་བཞིན་གྱིས་རྣམ་པར་འཕེལ་བར་གྱུར་པས་འཛིན་པ་དང་། སོ་སོར་སྐྱོབ་པ་ལ་ནུས་པ་མཆོག་དང་ལྡན་པར་འགྱུར་རོ། །
D287.070.0245a02.01དེ་ལྟར་འཇིག་རྟེན་པའི་དོན་ལ་ཡང་སྦྱིན་པ་རབ་ཏུ་བསྔགས་སོ། །སྦྱིན་པ་ནི་འཇིག་རྟེན་ལས་འདས་པའི་དོན་ལ་ཡང་རབ་ཏུ་བསྔགས་ཏེ། དེ་ལྟར་སྦྱིན་པ་པོ་དང་སྦྱིན་བདག་གི་སྦྱིན་པ་གཏོང་བར་གྱུར་པ་ན་ལྷ་རྣམས་ཀྱིས་ཡོངས་སུ་འཛིན་ནོ། །གཟི་བརྗིད་ཆེ་བར་འགྱུར་
D287.070.0245a03.01རོ། །བཙན་ཕྱུག་ཆེན་པོ་དང་ལྡན་པ་དང་། མཐུ་སྟོབས་ཆེ་བར་འགྱུར་རོ། །དགེ་སྦྱོང་དང་། བྲམ་ཟེ་དང་། ཉོན་མོངས་པར་གྱུར་པ་དང་། ལོང་བ་དག་རྣམས་ལ་སྦྱིན་པ་དག་གཏོང་བས་འཇིག་རྟེན་ཕ་རོལ་དུ་ཁྱད་པར་དུ་བྱེད་པར་འགྱུར་ལ་མཐོང་བའི་ཚེ་ལ་ཡང་ཁ་
D287.070.0245a04.01དོག་དང་ལྡན་པར་འགྱུར་རོ། །དེ་ཅིའི་ཕྱིར་ཞེ་ན། གང་གི་ཕྱིར་སེམས་རབ་ཏུ་དད་པ་དང་ལྡན་པར་གྱུར་པས་འགྲོ་བ་ཡང་རབ་ཏུ་དང་བར་འགྱུར་རོ། །རྗེས་སུ་རབ་ཏུ་དང་བས་ཀྱང་བཞིན་གྱི་ཁ་དོག་རབ་ཏུ་དང་བར་འགྱུར་རོ། །དེ་རབ་ཏུ་དང་བར་གྱུར་པས་དེའི་
D287.070.0245a05.01གཟུགས་ཤིན་ཏུ་བཟང་བ་ཉིད་དང་ལྡན་པར་འགྱུར་རོ། །སྦྱིན་བདག་རྣམས་ཀྱིས་སྦྱིན་པ་གཏོང་བར་བྱེད་པ་ན་འདི་ནི་གཟི་བརྗིད་གཅིག་ཡིན་ནོ། །ཡང་མཐོང་བའི་ཆོས་ལ་སྦྱིན་པ་ལས་བྱུང་བའི་ཆོས་གཞན་ཡོད་དོ། །འདི་ཡང་གང་ཞེ་ན། འདི་ལྟ་སྟེ། སྦྱིན་པ་གཏོང་
D287.070.0245a06.01བ་ན་ང་རྒྱལ་རབ་ཏུ་འཇོམས་པར་བྱེད་དོ། །འདོད་སྲེད་རབ་ཏུ་འཇོམས་སོ། །ཕྲག་དོག་རབ་ཏུ་འཇོམས་སོ། །མ་རིག་པ་རབ་ཏུ་འཇོམས་པར་བྱེད་དོ། །རྒྱུ་དང་རྐྱེན་དག་ལ་དད་པ་དང་ལྡན་པར་འགྱུར་རོ། །རྣམ་པར་སྨིན་པ་ལ་ཡིད་ཆེས་པ་ཅན་དུ་འགྱུར་རོ། །
D287.070.0245a07.01