完整藏文原文 · 德格版页 当前仅加载第 70 函德格 84a 版页；藏文 NFD、目录标记与异常页序保留在来源切片中，重复版页行以稳定序号区分。
པར་སྤྱོད་ཀྱང་རྒྱགས་པ་ཡིན་ནོ། །ཡང་ལྷ་རྣམས་ཀྱི་རྒྱགས་པ་འདི་དག་ཅི་འདྲ་བར་འགྱུར། དེ་རྣམས་འདོད་པའི་སྒྲ་དང་། རེག་བྱ་དང་། རོ་དང་། གཟུགས་དང་། དྲི་ལ་སྤྱོད་པ་ཉིན་མཚན་དུ་རབ་ཏུ་འཕེལ་བ་ནི་རྒྱགས་པ་བག་མེད་པའི་རང་བཞིན་ཅན་དེ་དག་
D287.070.0084a01.01རྣམས་ཚེའི་འདུ་བྱེད་རྣམས་ཡོངས་སུ་ཉམས་པར་འགྱུར་བའི་བློ་ནི་མེད་ཀྱི་རྒྱགས་པ་འབའ་ཞིག་དང་། རྒྱགས་པའི་ལྷག་མ་ཅན་དང་། རྒྱགས་པས་ཆོས་རྣམས་ཐམས་ཅད་ཀྱི་བར་དུ་གཅོད་པར་འགྱུར་རོ། །ལུས་འཇིག་པ་ལ་ཤེས་པ་རབ་ཏུ་མི་འཇུག་པ་དང་། ཚེའི་འདུ་བྱེད་
D287.070.0084a02.01རྣམས་ཟད་པ་ལ་ཡང་སྟེ། དེ་དག་དགེ་བ་དང་མི་དགེ་བའི་ལས་རྣམས་ཀྱིས་དུས་དེ་སྲིད་དུ་རྒྱགས་པར་འགྱུར་རོ། །སྒྲུབ་པར་བྱེད་པ་ཡང་མ་ཡིན་ནོ། །དེ་དེ་དག་རྣམས་ཟད་པར་འགྱུར་བར་ཕྱིས་ངེས་པར་ལྟུང་བར་འགྱུར་བ་ན་ངེས་པར་རྟོགས་པར་འགྱུར་ཏེ། ཀྱེ་མ་ཡུལ་རྣམས་ཀྱིས་
D287.070.0084a03.01བདག་བསླུས་སོ། །ཀུན་ནས་ཉོན་མོངས་པ་རྣམས་ཀྱིས་རྟག་ཏུ་བསླུས་པ་རྣམས་ནི་ལུས་ཞིག་ནས་ཐབས་མ་ཡིན་པས་ལོག་པར་ལྟུང་བ་དམྱལ་བའམ། {ཡི་དགས་,ཡི་དྭགས་}ཀྱི་ལུས་དང་། དུད་འགྲོའི་སྐྱེ་གནས་རྣམས་སུ་སྐྱེ་བར་འགྱུར་ཏེ། དེ་ལྟར་འཇིག་རྟེན་པའི་ལས་ལ་བག་མེད་པ་
D287.070.0084a04.01རྣམས་སྨད་པར་བྱ་བར་འགྱུར་རོ། །ཇི་ལྟར་ཡང་ལྷ་དག་འཇིག་རྟེན་ལས་འདས་པའི་ལམ་ལ་རྒྱགས་པ་རྣམ་པར་སྨད་པ་ཡིན་ཞེ་ན། ལྷ་གང་དག་ཡིན་པའི་ལྷ་རྣམས་ཐམས་ཅད་ཀྱང་འདོད་པ་དང་། སྡུག་པ་དང་། ཡིད་དུ་འོང་བས་ལེགས་པར་བྱས་པའི་ལས་ཀྱི་རྒྱུ་རྣམས་ཀྱིས་
D287.070.0084a05.01འཐབ་བྲལ་གྱི་ལྷ་འདི་རྣམས་ཀྱི་ནང་དུ་སྐྱེས་ལ་དམ་པའི་ཆོས་འདུལ་བ་ལ་དེ་བག་མེད་པར་གྱུར་ནས་དེས་རང་གིས་བྱས་པའི་ལས་རྣམས་མི་རྟོགས་སོ། །གང་དག་ཆེས་ལྷག་པར་རྒྱགས་པས་གནས་པར་མ་གྱུར་པ་རྣམས་དེ་ཡང་མི་སྟེན་པ་དང་། གང་དག་རྣམ་པ་ཐམས་ཅད་དུ་བག་
D287.070.0084a06.01མེད་པས་རྣམ་པར་རྒྱུ་བ་མ་ཡིན་པ་དེ་དག་རྣམས་ལ་ཡང་སྟེན་པར་མི་བྱེད་ལ་སངས་རྒྱས་དང་། ཆོས་དང་། དགེ་འདུན་རྣམས་ལ་ཡང་ལྟ་བར་བྱེད་པའི་རང་བཞིན་ཅན་དུ་མི་འགྱུར་ཞིང་དམ་པའི་ཆོས་འདུལ་བ་རྣམས་ལ་སྒྲུབ་པར་མི་བྱེད་པ་དང་། ཇི་ལྟ་བ་བཞིན་དུ་འཇུག་པར་ཡང་མི་བྱེད་
D287.070.0084a07.01