完整藏文原文 · 德格版页 当前仅加载第 70 函德格 163a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཀྱིས་འཇིག་རྟེན་འདི་བོར་ནས་ཁ་དོག་སྣ་ཚོགས་པར་གྱུར་པ་གཞན་རྣམས་བྱེད་དོ། །སེམས་རྣམ་པར་བཀྲ་བ་རྣམས་མངོན་པར་མི་ཤེས་པར་གཞན་ཁ་དོག་རྣམ་པ་སྣ་ཚོགས་པ་རྣམས་དེ་བྱེད་དོ། །དེ་ལ་རབ་ཏུ་བྱུང་བ་རྣམས་ཀྱིས་རྟག་པ་ཁོ་ནར་ལས་
D287.070.0163a01.01རྣམ་པ་སྣ་ཚོགས་པ་རྣམས་ཤེས་པར་བྱ་སྟེ། སེམས་རི་མོ་མཁན་གྱིས་དོན་དམ་པའི་ཚོན་ཆེན་པོ་ལྔས་འགྲོ་བ་ལྔ་ཚོན་གྱིས་བསྒོ་བར་བྱེད་དོ། །ཇི་ལྟར་སེམས་རི་མོ་མཁན་དང་། ཚོན་ཆེན་པོ་ལྔ་པོ་རྣམས་གང་ཞེ་ན། མཆོག་ཏུ་རྒྱ་ཆེ་བའི་དད་པ་ལ་སོགས་པ། དཀར་པོའི་ལས་
D287.070.0163a02.01རྣམས་ཤིན་ཏུ་སྦྱངས་པའི་ཁ་ནས་དང་། འདུན་པས་རབ་ཏུ་སྦྱིན་པ་མདུན་དུ་བྱས་པས་མཆོག་ཏུ་རྒྱ་ཆེ་བར་གྱུར་པ་དྲི་མ་རྣམས་དང་། སེར་སྣའི་དྲི་མ་དང་རྣམ་པར་བྲལ་བར་གྱུར་པ། མཆོག་ཏུ་དགའ་བའི་ཡིད་ཀྱིས་ཚུལ་ཁྲིམས་ཀྱི་རི་ལ་ལེགས་པར་ལངས་པའི་ཚུལ་ཁྲིམས་ཀྱིས་ལྷ་
D287.070.0163a03.01རྣམས་རྣམ་པར་བཀྲ་བར་སེམས་རི་མོ་མཁན་གྱིས་བྲིས་པའོ། །གཞན་ཡང་དགེ་སྦྱོང་གིས་སེམས་ཀྱི་ལས་འདི་དག་ཉེ་བར་གཟུང་བར་བྱའོ། །འདི་ལྟ་སྟེ། མི་རྣམས་ནི་དམན་པ་དང་། བར་མ་དང་། ཁྱད་པར་དུ་འཕགས་པའི་ལས་རྣམས་ཀྱི་ཚོན་མང་པོས་རྣམ་པར་བཀྲ་བར་བྱས་
D287.070.0163a04.01སོ། །དེ་ལ་གང་དག་ནོར་རྣམས་དང་ལྡན་པ་དང་། མཆོག་ཏུ་ཚུལ་ཁྲིམས་དང་ལྡན་པ་དེ་དག་རྣམས་ཀྱང་མཆོག་ཏུ་དཀར་བའི་ལས་ཀྱི་ཚོན་རྣམས་ཀྱིས་རྣམ་པར་བཀྲ་བར་བྱས་སོ། །གང་ཡང་མཆོག་ཏུ་ནོར་རྣམས་དང་ལྡན་པ། ཚུལ་ཁྲིམས་དང་ལྡན་པ་དེ་དག་ནི་ནག་པོ་དང་དཀར་པོ་གཉིས་
D287.070.0163a05.01ཀྱི་ཚོན་གྱིས་རྣམ་པར་བཀྲ་བར་བྱས་སོ། །གང་དག་ནོར་ཆུང་བ་ཚུལ་ཁྲིམས་དང་ལྡན་པ་དེ་དག་ནི་དཀར་པོ་དང་དམར་བའི་ཚོན་གཉིས་ཀྱིས་རྣམ་པར་བཀྲ་བར་བྱས་སོ། །གང་དག་དབུལ་པོ་ཚུལ་ཁྲིམས་འཆལ་བ་དེ་ནི་ནག་པོའི་ཚོན་གྱིས་རྣམ་པར་བཀྲ་བར་བྱས་སོ། །གང་དག་བརྩོན་འགྲུས་
D287.070.0163a06.01དམན་པ་འདོད་ཆགས་སྟོབས་ཆེ་བ་དེ་ནི་ནག་པོ་དང་དབུལ་པོའི་ཚོན་དག་གིས་རྣམ་པར་བཀྲ་བར་བྱས་སོ། །གང་དག་གཟུགས་དང་ལྡན་པ་མཆོག་ཏུ་རིགས་བཟང་བར་གྱུར་པ་དེ་རབ་ཏུ་དང་བའི་ཚོན་དཀར་པོས་མངོན་པར་བྲིས་སོ། །གང་དག་བར་མའི་རིགས་སུ་སྐྱེས་པ་དེ་དག་ནི་དམར་
D287.070.0163a07.01