完整藏文原文 · 德格版页 当前仅加载第 70 函德格 293a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་དུ་ལྔ་པ་དང་དྲུག་དང་བདུན་དང་བརྒྱད་དང་དགུ་དང་མིག་བརྒྱ་ཕྲག་བཅུ་པ་རྣམས་ཏེ། མིག་རབ་ཏུ་འབར་བར་གྱུར་པ་རྒྱང་གྲགས་ཀྱི་ཚད་ཙམ་པ་རྣམས་རབ་ཏུ་འོང་བར་བྱེད་དོ། །ཁ་དོག་སྔོན་པོ་དང་། སེར་པོ་དང་། དམར་པོ་དང་། སྔོ་སྐྱ་རྣམས་དང་དབྱིབས་
D287.070.0293a01.01རྣམ་པ་སྣ་ཚོགས་པར་གྱུར་པ། འབྱུང་པོ་རྣམས་ཐམས་ཅད་འཇིགས་པར་བྱེད་པ། ཧཱ་ཧཱ་ཞེས་སྒྲོགས་པར་བྱེད་པས་ཀྱང་དེ་དག་ཐམས་ཅད་རིའི་རྩེ་མོ་འདུད་པའི་སྒྲ་དང་འདྲ་བར་སོ་སོར་གསུས་པ་འཕྱང་བ་དང་། གསུས་པ་གཞན་དག་རྣམས་ནི་རི་དང་མཚུངས་པར་གྱུར་པའི་
D287.070.0293a02.01གསུས་པ་དང་། རི་དང་མཚུངས་པའི་མགོ་བོ་ཅན་རྣམས་ཡིན་ནོ། །མགོ་བོ་ཐུང་ངུ་དང་ལྡན་པ་དང་། གཞན་རྣམས་ནི་རིང་བར་རབ་ཏུ་འབར་བར་གྱུར་པའི་སྐྲ་དང་ལག་པ་རིང་པོར་གྱུར་པ་དང་། སེན་མོ་རྣམས་རབ་ཏུ་འབར་བ་དང་། དེ་བཞིན་དུ་ལུས་ལ་སྐྱེས་པའི་བ་སྤུ་རྣམས་ཀྱང་སྟེ།
D287.070.0293a03.01ཉེ་འཁོར་ཀུན་ནས་རབ་ཏུ་འབར་བར་གྱུར་པའི་རི་དང་མཉམ་པ་རྣམས་དུས་ཀྱི་རི་ཆེན་པོ་དེ་ལས་སྤྲུལ་པ་བྱས་པ་རྣམས་ངེས་པར་འོང་བ་ཡིན་ཏེ། རྡོ་རྗེའི་ཐོག་འབབ་པར་བྱེད་པ་ཉེ་འཁོར་ཀུན་ནས་འབེབས་པར་བྱེད་པ་ཡིན་ནོ། །ཡང་རྣམ་པ་གཞན་དག་རྣམས་ཀྱིས་དེ་བཞིན་དུ་
D287.070.0293a04.01འཆི་བདག་གི་ཕོ་ཉ་ཉེ་བར་རྒྱུག་པར་བྱེད་པ་རྣམས་ནི་ཉེ་འཁོར་རྣམས་ན་བྱ་རྒོད་དང་། ཁྭ་ཏ་དང་། ཀང་ཀ་དང་། ཅེ་སྤྱང་དང་། རྔ་མོའི་གདོང་ཅན་རྣམས་ལུས་པོ་ཁྲག་གིས་རྣམ་པར་བྱུགས་པ་དང་། གྲོག་མ་འཕུངས་པའི་ལུས་ཅན་གྱི་ལྷ་དེ་དག་རྣམས་མངོན་པར་མི་དགའ་བ་
D287.070.0293a05.01རྣམས་ངེས་པར་ཡོད་པར་བྱེད་པ་ཡིན་ནོ། །དུས་ཀྱི་རི་ཆེན་པོ་དེ་དག་ལས་སྤྲུལ་པ་བྱས་པ་དེ་དག་རྣམས་ཐམས་ཅད་ཀྱང་གང་ན་ལྷ་སྤྲུལ་པའི་ལྷ་དེ་རྣམས་ཡོད་པར་དེར་རླུང་གི་ཤུགས་ཆེན་པོས་བཏབ་པ་བཞིན་དུ་སྤྲིན་ནག་པོ་གློག་དང་བཅས་པས་མྱུར་བར་རྒྱུག་པར་བྱེད་དོ། །དེ་
D287.070.0293a06.01ནས་འཆི་བདག་ལྟ་བུར་བྱེད་པར་གྱུར་པ་དེ་དག་རྣམས་ཀྱིས་ལྷ་དེ་དག་རྣམས་དང་ཉེ་བར་འོངས་པར་གྱུར་ནས་སྤྲུལ་པའི་ལྷ་དེ་དག་རྣམས་མངོན་པར་འཛིན་པར་བྱེད་དོ། །དེའི་གཏིང་ལ་ཁ་ཅིག་ནི་རབ་ཏུ་འབར་བར་གྱུར་པའི་ལྕགས་ཀྱི་ཐག་པ་རྣམས་ཀྱིས་དཔུང་པ་བཅིངས་ནས་
D287.070.0293a07.01