完整藏文原文 · 德格版页 当前仅加载第 70 函德格 292a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ནི་གནས་སྐབས་ཐམས་ཅད་དུ་འདོད་པ་རྣམས་ལས་ངེས་པར་འབྱུང་བར་སྟོན་པར་བྱེད་པ་དང་འཆད་པར་ཡང་བྱེད་དོ། །དེ་ལ་འཐབ་བྲལ་གྱི་བདག་པོ་དེས་འདོད་པ་རྣམས་ཀྱི་རོ་མྱང་བ་རྣམས་བསྟན་པ་ཡིན་ཞིང་། ཉེས་དམིགས་རྣམས་ཀྱང་
D287.070.0292a01.01པད་མའི་འདབ་མ་བརྒྱ་པོ་དང་ལྷ་རྣམས་རབ་ཏུ་ལྷུང་བར་གྱུར་པ་རང་བཞིན་པའི་ལྷ་རྣམས་ལ་ཅུང་ཟད་ཅིག་བསྟན་པ་ཡིན་ནོ། །རྒྱས་པར་ཡང་ལྷ་དང་མི་རྣམས་ཀྱི་ཉེས་དམིགས་གཞན་དག་ཀྱང་བདག་གིས་བསྟན་པར་བྱ་ཡིས། ཉེས་དམིགས་རྣམས་ལེགས་པར་བསྟན་
D287.070.0292a02.01ནས་ངེས་པར་འབྱུང་བ་ཡང་བདག་གིས་བཤད་པར་བྱ་སྟེ། ཐར་པའི་ས་བོན་གྱི་རྒྱུར་གྱུར་པ་རང་བཞིན་གྱི་ལྷ་རྣམས་ལ་ཕན་པའི་དོན་དུ་དང་བདེ་བའི་དོན་དུའོ། །གཞན་ཡང་ལྷ་དེ་དག་རྣམས་ལ་ཕན་པའི་དོན་དུ་མུ་སུ་ལུན་དྷ་དེས་འདོད་པ་རྣམས་ཀྱི་ཉེས་དམིགས་རྣམས་མངོན་
D287.070.0292a03.01སུམ་དུ་བྱེད་དེ། འདོད་པ་རྣམས་ཀྱི་ཉེས་དམིགས་རྣམས་གཞན་རྣམས་སུ་མཐོང་བར་གྱུར་པ་དང་། གཞན་དུ་ཡང་ཐོས་པར་གྱུར་པའི་རྒྱུ་མཚན་གྱིས་ཀྱང་འཁོར་བ་ལ་ཡིད་འབྱུང་བར་འགྱུར་བ་ཡིན་ནོ། །དེ་ལ་རྒྱུ་མཚན་འདིས་ལྷ་དེ་དག་རྣམས་ལ་འདོད་པ་རྣམས་ཀྱི་ཉེས་དམིགས་
D287.070.0292a04.01རྣམས་སོ་སོར་སྤྲུལ་པར་བྱེད་དོ། །དེ་ནས་ལྷ་དེ་དག་དང་ལྷ་མ་ཡིན་དང་ཀླུ་རྣམས་ཀྱི་འདོད་པ་རྣམས་ལ་རོ་མྱོང་བར་བྱེད་པ་དེ་དག་རྣམས་བསྟན་ནས་ཉེས་དམིགས་ཀུན་དུ་སྟོན་པར་བྱེད་དེ། ལྷ་དང་། མི་དང་། ཀླུ་དང་། ལྷ་མ་ཡིན་དེ་དག་རྣམས་ཉིད་ཀྱང་དུས་རྣམས་མདོར་བསྡུ་བ་ཇི་ལྟ་བ་
D287.070.0292a05.01བཞིན་དུ་ཡིན་པས་སོ། །དེ་ལ་ལྷ་རྣམས་ནི་རྣམ་པ་སྣ་ཚོགས་པའི་འདོད་པ་རྣམ་པ་དུ་མ་རྣམས་ལ་ལོངས་སྤྱོད་ནས། འཆི་འཕོ་བའི་དུས་བྱུང་བར་གྱུར་པ་ན་དེ་དག་རྣམས་ཇི་ལྟར་ཡིན་པ་དེ་བཞིན་དུ་སྟོན་པར་བྱེད་དེ། རྣམ་པ་དུ་མ་སྣ་ཚོགས་པའི་ཚུལ་གྱིས་འཆི་འཕོ་བར་འགྱུར་བ་རྣམས་
D287.070.0292a06.01ལ་འདི་ལྟ་སྟེ། རིའི་དྲུང་དག་ནས་རྣམ་པ་དུ་མར་གྱུར་པ་བྱི་ལ་དང་། གུང་དང་། གཟིག་དང་། སེར་བ་ཅག་ཅག་དང་། ཅེ་སྤྱང་དང་། རི་བོང་དང་། སེང་གེ་དང་། ཕག་པ་དང་། ཀླུ་དང་། དོམ་དང་། སྟག་དང་། སྲིན་བྱ་དང་། རྟ་དང་། སྟོ་མ་ར་དང་། གླང་པོ་དང་། ཁྭ་ཏ་དང་། སུ་སུ་ཀ་དང་།
D287.070.0292a07.01