完整藏文原文 · 德格版页 当前仅加载第 80 函德格 100a 版页；藏文 NFD、目录标记与异常页序保留在来源切片中，重复版页行以稳定序号区分。
འབྱུང་། །དེའི་ཕྱི་རོལ་ཆོས་ཐམས་ཅད་ཀྱི་བདག་ཉིད་ནི་བཅོམ་ལྡན་འདས་དཔལ་ཡེ་ཤེས་ཐིག་ལེའོ། །དེ་ལ་དང་པོ་རྣམ་པ་དང་བཅས་པའི་དཀྱིལ་འཁོར་གྱི་འཁོར་ལོའི་བསྐྱེད་པ་བསྒོམ་པ་དང་། སྔགས་དང་བཟླས་པ་དང་། །སྦྱིན་སྲེག་དང་མཆོད་སྦྱིན་དང་། གཏོར་
D422.080.0100a01.01མ་དང་མཆོད་པ་དང་། གནས་ཀྱི་བརྗོད་པ་དང་། དབང་བསྐུར་གྱི་རིམ་པ་དེ་དག་བཤད་དོ། །དཔལ་ཡེ་ཤེས་ཐིག་ལེ་ལས་དེ་ཁོ་ན་ཉིད་གསུམ་གྱི་བདག་ཉིད་དང་ཟླ་བ་མཆོག་གི་བདེ་བ་དང་ཕྱག་རྒྱ་ཆེན་པོའི་མཐའ་ལ་སོགས་པའི་ཕྱོགས་ཙམ་བསྟན་པའི་ལེའུ་སྟེ་གཉིས་པའོ།། །།ལྷའི་
D422.080.0100a02.01དབང་ཕྱུག་གིས་གསོལ་པ། ཚངས་པའི་རུས་པ་སྲོག་གི་དབྱུག་པའི་སྟེང་དང་འོག་གི་འཕོ་བ་ཆ་གཉིས་སུ་རྩ་སུམ་ཅུ་རྩ་གཉིས་ཀྱི་རང་བཞིན་ལས་ལེའུ་དང་པོར་གང་གསུངས་པ་ནི་དེ་རྣམས་ཀྱི་ནང་ནས་གཅིག་ཏུ་རྟོག་མེད་བདེ་ལེགས་ཡིད་མ་གཅིག་པུ་ངེས་པར་བསྟན་པར་མཛད་ཀྱི། བཅོམ་
D422.080.0100a03.01ལྡན་འདས་རྩ་གཞན་རྣམས་ཅིའི་དོན་གྱི་ཕྱིར་འདིར་མ་གསུངས། བཅོམ་ལྡན་འདས་ཀྱིས་བཀའ་སྩལ་པ། གཅིག་པུ་རྟོག་མེད་བདེ་ལེགས་ཡི་དམ་དེ་ནི་བྱེ་བ་ཕྲག་བདུན་ཅུ་རྩ་གཉིས་ཀྱི་རྩ་ཕྲ་མོའི་དྲ་བ་རྣམས་རོལ་མོའི་དོན་དུ་བྱས་ནས། སྣ་ཚོགས་ཀྱི་བདུད་རྩི་བསམ་གྱིས་མི་ཁྱབ་པ་ཆོས་ཀྱི་
D422.080.0100a04.01འབྱུང་གནས་ཆེན་པོའི་ས་སྟེངས་སུ་འབྱུང་ཞིང་སྐྱེའི་ཆར་འབབ་པའི་དོན་དུ་བསྟན་པའོ། །ལྷའི་དབང་ཕྱུག་གིས་གསོལ་པ། དེ་ལྟར་ལགས་མོད་ཀྱིས་ཀྱང་། རྩ་སུམ་ཅུ་རྩ་གཅིག་པོ་རྣམས་ཀྱི་མཚན་དང་གྲངས་འདིར་མཆོག་གི་དབང་ཕྱུག་ལ་བཀའ་དྲིན་ཞུའོ། །བཅོམ་ལྡན་འདས་ཀྱིས་
D422.080.0100a05.01བཀའ་སྩལ་པ། ལྷའི་དབང་ཕྱུག་སུམ་ཅུ་རྩ་གཅིག་གི་མིང་རྣམས་ཉོན་ཅིག །གསང་བ་དང་། ཟབ་པ་དང་། སྲེད་པ་དང་། ཕྲ་མོ་དང་། བདུད་རྩི་མ་དང་། བདུད་རྩི་ཁྲི་མ་དང་། དག་པ་མ་དང་། བདེ་བ་མ་དང་། སྟོབས་མ་དང་། ཐབས་མ་དང་། ཧྲུད་ཧྲུད་མ་དང་། སེར་མ་
D422.080.0100a06.01དང་། འོ་རྒྱུན་མ་དང་། དགའ་མ་དང་། སྣུམ་མ་དང་། ཁྲོ་མ་དང་། མངར་མ་དང་། སྐྱུར་མ་དང་། ཁབ་མ་དང་། བསྐ་མ་དང་། ཚ་མ་དང་། ལན་ཚྭ་མ་དང་། རྩུབ་མ་དང་། དད་མ་དང་། སྟོབས་མ་དང་། དགའ་བྱེད་མ་དང་། དགའ་སྦྱིན་མ་དང་། གཉིད་མ་དང་།
D422.080.0100a07.01