完整藏文原文 · 德格版页 当前仅加载第 80 函德格 120b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ཀྱིས་བཀའ་སྩལ་པ། །ཨ་ལ་ལ་རབ་ཏུ་ངོ་མཚར་ཏོ། །ལྷན་ཅིག་སྐྱེས་པའི་དགའ་བ་ལ་ཅིའི་ཕྱིར་ཡེ་ཤེས་མེད། དད་པ་ཆེན་པོ་དང་བརྩོན་འགྲུས་ཅན་དང་ཡེ་ཤེས་དང་ལྡན་པ་ཡང་རྨོངས་པར་འགྱུར་ན། ཡེ་ཤེས་མེད་པས་ལྷན་ཅིག་སྐྱེས་པའི་དགའ་བ་ཇི་ལྟར་
D422.080.0120b01.01རྙེད། དེ་བཞིན་དུ་ཡང་འདིར་གཞན་པ་དེ་མ་ཡིན་པའི་དཔེར་ཉོན་ཅིག །ཇི་ལྟར། དུ་བ་ལས་ནི་མེར་ཤེས་ཏེ། །ཆུ་སྐྱར་ལས་ནི་ཆུ་ཡིན་ནོ། །བྱང་ཆུབ་སེམས་དཔའ་བློ་ལྡན་གྱི། །རིགས་ནི་མཚན་མ་རྣམས་ལས་ཤེས། །དེ་བཞིན་དུ་ལྷན་ཅིག་སྐྱེས་པའི་དགའ་བ་རྙེད་པའི་
D422.080.0120b02.01དོན་གྱི་ཕྱིར་སྐྱབས་སྦྱིན་གྱི་ངོ་བོ་ཡེ་ཤེས་སོ། །ཡེ་ཤེས་ནི་ཚོར་བར་ཡོངས་སུ་ཤེས་པས་དཔྱོད་པའི་བདག་ཉིད་ཀྱི་ཐབས་དེ་ནི་ཡེ་ཤེས་སུ་བདག་གིས་བཤད་དོ། །དེ་བཞིན་དུ་ཇི་ལྟར་མུན་ནག་ཏུ་རིན་པོ་ཆེ་ཕྲ་མོའི་ཕྲ་མོ་ཡོད་པ་དེ་ནི་རིན་པོ་ཆེ་མར་མེ་མ་ཡིན་པས་རྙེད་པར་མི་འགྱུར་
D422.080.0120b03.01བདེ་བས་ན་བློ་གྲོས་ཅན་གྱིས་རིན་པོ་ཆེ་མར་མེ་ཁྱེར་ནས་ཚོལ་བར་བྱེད་ལ། གལ་ཏེ་དེ་རྙེད་ན་དེ་ཅི་མར་མེ་ལས་རིན་པོ་ཆེ་སྐྱེའམ། འོན་ཀྱང་མར་མེའི་ཐབས་ཀྱིས་མཐོང་བ་དང་རྙེད་པ་དེ་བཞིན་དུ་ཡེ་ཤེས་ཀྱི་མར་མེས་ལྷན་ཅིག་སྐྱེས་པའི་དགའ་བའི་རིན་པོ་ཆེའི་རྒྱལ་པོ་མཐོང་
D422.080.0120b04.01ཞིང་རྙེད་ཀྱི་ཡེ་ཤེས་ལས་སྐྱེ་བ་ནི་མ་ཡིན་ནོ། །དེ་བས་ན་ཡེ་ཤེས་ཀྱི་སྒྲ་འདི་ནི་དོན་མི་ཤེས་པའི་ཕྱིར་མཁས་པས་འདིར་ཐེ་ཚོམ་མི་བྱའོ། །དཔལ་ཡེ་ཤེས་ཐིག་ལེ་ལས་མཆོད་པ་སྣ་ཚོགས་ངེས་པར་བསྟན་པ་དང་ནང་གི་སྦྱིན་སྲེག་ཅེས་བྱ་བའི་ལེའུ་སྟེ་བཅུ་བཞི་པའོ།། །།དེ་
D422.080.0120b05.01ནས་གཏོར་མ་ཆེན་པོའི་ལས་ཀྱི་ངེས་པར་བསྟན་པའི་དོན་བཤད་དོ། །སེམས་ཅན་ཐམས་ཅད་བསྲུང་དོན་དུ། །འབད་པ་ཡིས་ནི་གཏོར་མ་སྦྱིན། །བྷ་ཡི་ཡིག་འབྲུ་བྷ་གར་བརྗོད། །ལིང་གི་ཡིག་འབྲུ་ལིང་གར་བསྟན། །ལིང་ག་བྷ་གར་མཉམ་སྦྱོར་བས། །སེམས་
D422.080.0120b06.01ཅན་ཐམས་ཅད་ཀྱི་ནི་ཚོགས། །དེ་ལས་འབྱུང་བར་འགྱུར་བ་སྟེ། །ལྷ་མོ་དེ་ཉིད་ཤེས་བྱ་སྟེ། །ཐམས་ཅད་སྒྲ་ནི་དགའ་བ་ཡིན། །སེམས་ཅན་དོན་ནི་མཆོག་ཏུ་འགྱུར། །ཚོགས་པ་དེ་ནི་དགའ་བྲལ་དགའ། །གཏོར་མ་དེ་ཡིས་བསྲུང་བའི་དོན། །དུར་ཁྲོད་ཡང་
D422.080.0120b07.01