完整藏文原文 · 德格版页 当前仅加载第 80 函德格 119a 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེས་དགའ། །རླབས་དང་བྲལ་བ་དཔེ་མེད་དོ། །དེ་ནི་དེ་ཀུན་དོན་དམ་པར། །དབང་གི་ཡེ་ཤེས་ངེས་བསྟན་ཏོ། །རྡོ་རྗེ་ཀ་བ་དེ་བཞིན་གསང་། །སྡོམ་དང་བསྡོམས་པའི་རྒྱ་མཚོ་དང་། །རིགས་ཆེན་ཡེ་ཤེས་སྙིང་པོ་དང་། །ཀྱེ་རྡོར་འཇིགས་བྱེད་རྡོ་
D422.080.0119a01.01རྗེ་དང་། །མཚན་དང་གསང་བ་འདུས་པ་རུ། །ལྷ་ཡི་དབང་ཕྱུག་བདག་གིས་སྤས། །ཁྱོད་ཀྱི་ངོར་མཛད་དབང་གི་དོན། །རྒྱུད་འདི་རུ་ནི་རབ་ཏུ་གསལ། །རྟོག་གེ་བ་དང་རྒན་པོ་དང་། །དགེ་སློང་མོས་པར་གནས་པ་ལ། །ཡང་དག་ལམ་ཤེས་སློབ་དཔོན་གྱིས། །
D422.080.0119a02.01དེ་རྣམས་དེ་ཉིད་བཤད་མི་བྱ། །ཨ་ཡི་ཡིག་འབྲུ་དགའ་བ་ཡིན། །བྷི་ཡི་ཡིག་འབྲུ་མཆོག་ཏུ་དགའ། །ཥེ་ཡི་ཡིག་འབྲུ་དགའ་བྲལ་དགའ། །ཀ་ཡི་ཡིག་འབྲུ་ལྷན་སྐྱེས་སོ། །གང་དུ་ཡང་ནི་མི་དམིགས་ཤིང་། །ཨ་ནི་སྐྱེ་མེད་རང་བཞིན་ཏེ། །ཀུན་གྱི་རྒྱུ་ནི་ཡིན་ཕྱིར་
D422.080.0119a03.01རོ། །ཥེ་ཡི་ཡིག་འབྲུར་ཡང་དག་བརྗོད། །གཙུག་ཏོར་གསང་བའི་པདྨ་ར་བྷི། །བསྐུར་དང་ཁྲུས་ནི་བྱེད་པའི་ཕྱིར། །ཀ་ནི་རྣམ་རྟོག་དངོས་པོར་གྲགས། །འགྲོ་བ་ཆད་པའི་བདག་ཉིད་དོ། །གསང་བའི་པདྨའི་སྙིང་ག་ཨ། །རྩ་ཀུན་གྱི་ནི་འབིགས་པ་གང་། །དེ་ཕྱིར་
D422.080.0119a04.01མངོན་པར་དགའ་བ་མཆོག །བྷི་ཡི་ཡིག་འབྲུ་ཐིག་ལེ་འབིགས། །ཥེ་བདེ་ཡེ་ཤེས་ཀུན་བརྟགས་བྲལ། །ཡང་དག་དོན་གྱིས་གསལ་བར་བྱེད། །དང་པོའི་དགའ་བ་རྒྱུ་ཡི་དངོས། །ཨ་ཡི་ཡིག་འབྲུ་མཆོག་གི་གནས། །མཆོག་དགའ་དགའ་བྲལ་དགའ་བར་
D422.080.0119a05.01གྲགས། །དབང་བསྐུར་རབ་ཏུ་གྲགས་པའོ། །དེ་གཉིས་དབུས་སུ་དེ་ཉིད་བཞུགས། །རང་བཞིན་དགའ་བ་བཞི་དང་བྲལ། །མངོན་པར་དགའ་དང་དགའ་བྲལ་དགའི། །གང་ཞིག་རང་བཞིན་མི་ཤེས་ན། །དཔལ་ལྡན་རྡོ་རྗེ་སེམས་དཔའ་ཡིས། །སངས་རྒྱས་
D422.080.0119a06.01ཡིན་ཡང་མི་བསྟོད་དོ། །རྡོ་རྗེ་འཛིན་པ་ཐམས་ཅད་ཀྱི། །ཐམས་ཅད་ཁྱབ་པར་མངའ་བདག་བདག །སངས་རྒྱས་ཐམས་ཅད་རྒྱལ་ཆེན་པོ། །སངས་རྒྱས་ཐམས་ཅད་ཡིད་ལྟར་མགྱོགས། །ཐམས་ཅད་ཀུན་གྱི་དབང་ཕྱུག་བདག །འབྱུང་བ་ཀུན་གྱི་བདག་ཉིད་དོ། །
D422.080.0119a07.01