完整藏文原文 · 德格版页 当前仅加载第 80 函德格 125a 版页；藏文 NFD、目录标记与异常页序保留在来源切片中，重复版页行以稳定序号区分。
དུར་ཁྲོད་ཀྱི་ངེས་པར་བསྟན་པའི་དོན་དང་། ནང་གི་བསམ་གཏན་གྱི་ཉེ་བར་འགྲོ་བ་བསྟན་པའི་ལེའུ་སྟེ་བཅུ་བདུན་པའོ།། །།བཅོམ་ལྡན་འདས་མ་ཕྱག་རྒྱ་ཆེན་པོར་པདྨའི་མཆོག་བསྐྱེད་ཅིང་ཤིན་ཏུ་དགའ་བས་ཡང་ཞུས་པ། ཀྱཻ་བཅོམ་ལྡན་འདས་དཔལ་ཡེ་
D422.080.0125a01.01ཤེས་ཐིག་ལེའི་རྒྱུད་འདིའི་ཚད་ནི་ཅི་ལགས། གནས་ནི་གང་ལགས། མཆོག་གི་དབང་ཕྱུག་བདག་ལ་བཀའ་སྩོལ་ཅིག །བཅོམ་ལྡན་འདས་ཀྱིས་བཀའ་སྩལ་པ། །གང་ཞིག་དྲི་བ་མཆོག་བྱས་པ། །སྤྱན་བཟང་མ་ནི་ཁྱོད་ཉོན་ཅིག །དཔལ་ལྡན་ཡེ་ཤེས་ཐིག་ལེ་ཡི། །
D422.080.0125a02.01དེ་ཡི་ཚད་ནི་དོན་དམ་པར། །སུས་ཀྱང་སྨྲ་བར་ནུས་མ་ཡིན། །ཞལ་བཟང་དེ་ནི་བདེན་མ་ཡིན། །འོན་ཀྱང་ཅུང་ཟད་སྐལ་ལྡན་མོ། །གསང་བའི་ཡེ་ཤེས་རབ་མཆོག་ནི། །གང་ཞིག་རྒྱལ་བས་ཡང་མི་ཤེས། །ཁྱོད་ཀྱི་ངོར་བྱས་བདག་གིས་བཤད། །སྲོག་གི་དབྱུག་པའི་
D422.080.0125a03.01གང་ཞིག་སྟེ། །སོར་བཅུ་གཉིས་ནི་མདུད་པ་མེད། །འོག་གི་ཆ་ནི་བཅུ་གཉིས་ཕྱེད། །དེ་བཞིན་སྤྲུལ་པའི་པདྨར་ནི། །དྲུག་ཕྱེད་པདྨ་མིག་དང་འདྲ། །རྩ་བ་དང་བཅས་ལྟེ་ནང་དུ། །རྩ་བ་རྩ་བའི་ནང་འོངས་ནས། །འདབ་མའི་སྐེ་རུ་བཅར་ཏེ་གནས། །དབྱུག་པའི་རྣམ་པའི་ངོ་
D422.080.0125a04.01བོར་གྲགས། །བུ་ག་ཕྲ་མོས་ནང་ན་ལྡན། །དེ་ནི་སྲོག་པ་རྩ་ཉིད་ཡིན། །ཁམས་གསུམ་གྱི་ནི་རྟེན་ཡིན་ནོ། །རྒྱུ་དང་འབྲས་བུ་གཉིས་མེད་ཀྱིས། །རྩ་དང་འབྲས་བུ་རྒྱ་ཡིས་བཏབ། །དྲུག་ཕྱེད་རྩ་བ་དང་ལྡན་ནི། །རྩ་བའི་སྐུད་པ་བྱད་གཟུགས་གསལ། །བཅུ་དྲུག་ཕྱེད་
D422.080.0125a05.01ཕྱེད་བྱེ་བྲག་ཏུ། །རྩ་བའི་སྐུད་པ་གཅིག་པུའོ། །རྩ་བ་གསུམ་དབྱེ་སྐལ་ལྡན་མོ། །འབྲས་བུ་ཡབ་ནི་དེ་བཞིན་ནོ། །རྩ་བ་འབྲས་བུ་གཉིས་ཀྱི་གནས། །བཅུ་གཉིས་ཕྱེད་ཀྱི་གཅིག་པའོ། །དེ་ནི་ཤིན་ཏུ་ཕྲ་མོ་འཇམ། །རིན་ཆེན་ཁ་ནང་མན་ཆོད་དོ། །དེ་ཙམ་ཡེ་ཤེས་ཐིག་
D422.080.0125a06.01སྐུད་ཡོད། །རྣམ་ཤེས་དྲུག་པོའི་རྟེན་མཆོག་གོ། །ཆར་ཡང་དང་ནི་ཐིག་ལེ་ཚུལ། །ཚུལ་ཙམ་མཆོག་དང་གཞན་མཆོག་གོ། །ཤྲཱི་ནི་གཞན་མིན་འདི་རུ་ཆར། །ཐིག་ལེ་ཛྙཱ་ཞེས་སུ་ནི་དྲན། །ཚུལ་ནི་ན་ཡི་ཡིག་འབྲུ་ཡིན། །ཏི་ཡི་ཡི་གེ་ཚུལ་ཙམ་མོ། །མཆོག་ནི་
D422.080.0125a07.01