完整藏文原文 · 德格版页 当前仅加载第 80 函德格 130a 版页；藏文 NFD、目录标记与异常页序保留在来源切片中，重复版页行以稳定序号区分。
མ་ཞབས་ཀྱིས་མནན། །རྔེའུ་ཆུང་ཐོད་པ་ཁ་ཊྭཱྃ་ག། །རྡོ་རྗེ་འབར་བ་ཕྱག་ན་བསྣམས། །དེ་ལྟ་བུའི་རྨད་དུ་བྱུང་བའི་གཟུགས་མཐོང་ནས་འཁོར་ཐམས་ཅད་དང་ལྷན་ཅིག་བཅོམ་ལྡན་འདས་མ་ཕྱག་རྒྱ་ཆེན་མོ་ལངས་ནས་ལན་གསུམ་དུ་བསྐོར་བ་བྱས་ཏེ། དམ་པོར་
D422.080.0130a01.01འཁྱུད་ནས་བསྟོད་པས་བསྟོད་པ། མཆོག་ཏུ་རྨད་བྱུང་ཆེན་པོའི་སྐུ་ནི་རྒྱལ་གྱུར་ཅིག །ཡེ་ཤེས་ཟབ་མོ་རྒྱ་མཚོའི་སྙིང་པོ་རྒྱལ་གྱུར་ཅིག །བརྗོད་བྲལ་བལྟར་མེད་དངོས་མེད་སྐུ་མི་མངའ། །གཏི་མུག་ཆེན་པོ་འཇོམས་དེ་རྒྱལ་གྱུར་ཅིག །མཆོག་དང་གཞན་མཆོག་དེ་ནི་མཆོག་
D422.080.0130a02.01གཞན་མཆོག །མཁའ་མཆོག་འོད་མཆོག་གི་ཡེ་ཤེས་སྣང་། །མཆོག་གི་བདུད་རྩིའི་སྙིང་པོ་གང་གཱའི་རྒྱུན། །མི་འཆད་རྒྱུན་འབབ་བྱེད་པ་རྒྱལ་གྱུར་ཅིག །ཤིན་ཏུ་ལྐོག་གྱུར་དབང་པོས་བལྟར་མེད་པ། །སྐྱེ་འགག་འདུ་བྱེད་མཚན་མེད་རྒྱལ་གྱུར་ཅིག །དེ་ལྟ་བུའི་བསྟོད་པའི་
D422.080.0130a03.01རྒྱལ་པོ་བྱས་ནས་ཡང་ཕྱག་རྒྱ་ཆེན་པོ་ལྷ་མོ་ཆེན་མོས་བཅོམ་ལྡན་འདས་ལ་དད་པས་ཞུ་བ་ཞུས་པ། ཀྱཻ་བཅོམ་ལྡན་འདས་དཀྱིལ་འཁོར་གྱི་ལྷ་རྣམས་ཅིའི་ཕྱིར་མ་གསུངས་ལགས། བཅོམ་ལྡན་འདས་ཀྱིས་བཀའ་སྩལ་པ། །སྲུབ་དང་བསྲུབས་པའི་སྦྱོར་བ་ལས། །ལྷ་རྣམས་འབྱུང་བའི་
D422.080.0130a04.01རིམ་པའོ། །དང་པོ་རྩོམ་པ་ཤིན་ཏུ་འདར། །རྣམ་པར་ཤེས་པས་ལྷ་མོ་སྐྱེ། །དེ་ནི་གྲོང་ལས་ཁ་དོག་དཀར། །འདོད་པའི་གཏི་མུག་རྣམ་པར་ཐོས། །གྲོང་ཁྱེར་ལས་ནི་ལོངས་སྤྱོད་ཡིན། །སྤྱོད་ལམ་ལྷ་མོ་རྒྱལ་བའི་འོད། །བསྐུམ་པ་ལས་ནི་སྣང་བ་མཆེད། །སྣང་བ་མཆེད་
D422.080.0130a05.01ལས་ཡེ་ཤེས་འོད། །བགྲད་པ་ལ་སི་ནི་སྐྱེ་བ་སྦྱོར། །སྦྱོར་ལས་དགའ་བའི་སྐྱེ་མ་སྟེ། །མཉམ་སྦྱོར་ལས་ནི་ཡེ་ཤེས་སྐྱེ། །ཡེ་ཤེས་ལས་མི་དངོས་ཟད་མ། །ཁྱོད་ལས་འདི་རུ་དངོས་པོ་སྟེ། །དངོས་ལས་ལོངས་སྤྱོད་ཟླ་བ་མ། །དཀར་པོ་ལས་ནི་རྟེན་ཤེས་བྱ། །རྟེན་ལས་པདྨའི་ལྟེ་བ་
D422.080.0130a06.01མ། །བྲང་བརྡབས་ལས་ནི་རྣམ་པར་འབྱེད། །རྣམ་པར་འབྱེད་ལས་པད་མིག་མ། །ནག་དང་ལྗང་དང་གུར་ཀུམ་མདོག །དམར་དང་སྔོན་པོ་ཡི་ནི་གཟུགས། །ཟླ་བ་དཀར་དང་དམར་གྱི་སྔོན། །སྒོ་ལ་སོགས་དང་མཚམས་ན་བཞུགས། །ཞལ་གཅིག་པ་ལ་སྤྱན་གསུམ་པ། །
D422.080.0130a07.01