完整藏文原文 · 德格版页 当前仅加载第 80 函德格 118b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་སེམས། །སེམས་ལས་གཞན་ནི་ཡོད་པ་མིན། །གང་ཞིག་ཅི་ཞིག་འདི་ཐམས་ཅད། །དེ་ནི་ཐམས་ཅད་སེམས་ཡིན་ནོ། །སེམས་ལས་ཐམས་ཅད་འབྱུང་བ་སྟེ། །སེམས་ཀྱིས་ལོངས་སུ་འདས་པའོ། །ལུས་ཀྱི་མགོ་བོ་དགའ་བའི་གནས། །ངག་ནི་མགྲིན་པ་
D422.080.0118b01.01མཆོག་ཏུ་དགའ། །སེམས་ནི་སྙིང་གར་ཤེས་བྱ་བ། །ཆགས་པའི་དགའ་བརྟག་ཏུ་ཤར། །ལུས་རྒྱུ་འབྲས་བུ་དེ་ནི་ངག །ངག་ནི་རྒྱུ་སྟེ་འབྲས་བུ་ཡིད། །ཡིད་ཉིད་ཡོངས་སུ་ཤེས་པ་ནི། །འབྲས་བུ་དེ་ནི་དོན་དམ་པར། །དེ་ཉིད་གསུམ་བདག་ཡེ་ཤེས་གང་། །རྩ་གསུམ་
D422.080.0118b02.01ནང་གི་དབུས་ན་བཞུགས། །གནས་གསུམ་ཁྱབ་པ་སྐྱེ་བ་མེད། །འོད་གསུམ་སྲིད་པ་གསུམ་དང་བྲལ། །འོད་རབ་གནས་ནི་རབ་ཀྱི་མཆོག །དེ་ནི་བཞི་པ་མཆོག་གི་དབང་། །བདུན་གཉིས་བྱེ་བྲག་ཏུ་ནི་ཡོད། །ཡན་ལག་རབ་ཀྱི་མདོར་བསྡུས་ལ། །ཆུ་ཡི་དབང་
D422.080.0118b03.01བསྐུར་དགའ་བའོ། །གསང་བའི་དབང་བསྐུར་མགྲིན་པ་རུ། །མཆོག་ཏུ་དགའ་བའི་བདག་ཉིད་མཆོག །ཤེས་རབ་ཡེ་ཤེས་ཀྱི་ནི་དབང་། །སྙིང་ག་རུ་ནི་དགའ་བྲལ་དགའ། །གསང་བ་པདྨའི་ལྟེ་བ་རུ། །བཞི་པའི་རང་བཞིན་བདག་ཉིད་དོ། །དེ་ལྟར་དབང་
D422.080.0118b04.01ནི་བཞི་རུ་དབྱེ། །བསྐྱེད་པའི་རིམ་པའི་ཕྱོགས་ཡིན་ནོ། །ཆུ་ཡི་དབང་ནི་མངོམས་སུ་སྟེ། །སྣ་ཚོགས་འབྲས་བུ་སྦྱིན་པའོ། །གསང་བའི་དབང་ནི་གཉིས་པ་སྟེ། །རྣམ་པར་སྨིན་པའི་འབྲས་བུ་སྟེར། །རྡོ་རྗེ་ཡི་ནི་རྩ་བའི་གནས། །རྩ་བ་དང་ནི་མདོམས་ཀྱི་
D422.080.0118b05.01འོག །ཤེས་རབ་ཡེ་ཤེས་ཀྱི་ནི་དབང་། །མདུད་པའི་གནས་སུ་རྟག་ཏུ་དྲན། །དབང་རྣམས་ཀུན་གྱི་བླ་མའི་བླ། །རྣམ་པར་འཇོམས་པའི་འབྲས་བུ་སྟེར། །ཤེས་རབ་ཡེ་ཤེས་ནོར་བུའི་ཁར། །ཤེས་རབ་པདྨའི་ཡིད་འགྲོའི་ཕྱིར། །རླུང་མ་དང་ནི་གཉིད་སྐྱེའི་རྩ། །གཉི་
D422.080.0118b06.01ག་རྒྱས་པ་ཡིས་ནི་བདེ། །གྱེན་གྱི་ལམ་གྱིས་བཟློག་པར་བྱ། །མདུད་པའི་ནང་གི་གནས་སུ་འགྲོ། །དེ་ལྟར་བཞི་པ་རབ་ཏུ་བསྟན། །མཚན་ཉིད་དང་བྲལ་འབྲས་བུར་གྲགས། །མདུད་པའི་གནས་སུ་རིམ་པ་ཡིས། །ཚངས་པའི་སྤྲུལ་པ་སྙིང་མན་ཆད། །དེ་ཙམ་དུ་ནི་ལྷན་
D422.080.0118b07.01